୧୮ ବର୍ଷୀୟ ପୁଅର ଅନ୍ତିମ ସଂସ୍କାର ପାଇଁ ସମ୍ପର୍କୀୟ ମାନେ ସମସ୍ତ ବ୍ୟବସ୍ଥା କରି ସାରିଥିଲେ । ପୁଅକୁ ହରାଇ ଆତ୍ମହରା ହୋଇ ପଡିଥିବା ମା ପୁଅର ଶରୀର ପାଖରେ ବସି କାନ୍ଦୁଥିବା ବେଳେ ହଠାତ୍ ମୃତ ପୁଅ ଆଖିରୁ ଲୁହ ଝରି ଆସିଥିଲା । ଏଭଳି ଆଶ୍ଚର୍ଯ୍ୟକର ଘଟଣା ଘଟିଛି ତେଲେଙ୍ଗାନା ରାଜ୍ୟର ସୂର୍ଯ୍ୟାପେଟ ଜିଲ୍ଲାରେ । ପୂର୍ବରୁ ଡାକ୍ତର ବ୍ରେନ୍ ଡେଡ୍ ଘୋଷଣା କରିଥିବା ଯୁବକ ଗନ୍ଧମ କିରନ୍ ଙ୍କୁ ପୁଣି ଥରେ ଡାକ୍ତରଖାନାରେ ଭର୍ତି କରାଯାଇଛି । ବର୍ତମାନ ସେ ସୁସ୍ଥ ହେଉଥିବା ସୂଚନା ମିଳିଛି ।
ଘଟଣାଟି ଏହିଭଳି ସୂର୍ଯ୍ୟାପେଟ ଜିଲ୍ଲାର ପିଲ୍ଲାଲମୈରି ଗାଁର ଗନ୍ଧମ କିରନଙ୍କୁ ଗତ ଜୁନ୍ ୨୬ ତାରିଖରେ ଜର ହୋଇଥିଲା । ପରିବାର ଲୋକ ତାଙ୍କୁ ଡାକ୍ତରଖାନାରେ ଭର୍ତି କରିଥିଲେ । ମାତ୍ର ଅବସ୍ଥା ଆହୁରି ଖରାପ ହେବାରୁ ହାଇଦ୍ରାବାଦରେ ଏକ ବଡ ବେସରକାରୀ ଡାକ୍ତରଖାନାରେ ଭର୍ତି କରାଯାଇଥିଲା । ସେଠାରେ ଡାକ୍ତରମାନେ ତାଙ୍କୁ ଆଇସିୟୁରେ ଭର୍ତି କରିବା ପାଇଁ କହିଥିଲେ । ଗନ୍ଧମ କୋମାକୁ ·ଲିଯାଇଥିବା ଡାକ୍ତର କହିଥିଲେ ଏବଂ ପରେ ବ୍ରେନ୍ ଡେଡ୍ କହିବା ସହ ତାଙ୍କୁ ଘରକୁ ନେଇଯିବା ପାଇଁ କହିଥିଲେ ।
ମାତ୍ର ଯୁବକଙ୍କ ଘର ଲୋକ ଏକଥା ବୁଝି ନପାରି ଗନ୍ଧମ ମୃତ ବୋଲି ଭାବି ନେଇଥିଲେ । ତାଙ୍କର ଅନ୍ତିମ ସଂସ୍କାର ପାଇଁ ପ୍ରସ୍ତୁତି ·ଲିଥିଲା ବେଳେ ତାଙ୍କ ମାଆ ଜୋରରେ କାନ୍ଦି ଉଠିଥିଲେ । ସେତିକି ବେଳେ ପୁଅର ଆଖିରୁ ଲୁହ ବାହାରୁ ଥିବା ଦେଖିଥିଲେ । ସେ ଅନ୍ତମ ସଂସ୍କାର ପାଇଁ ଶରୀରକୁ ଛାଡି ନଥିଲେ । ସ୍ଥାନୀୟ ଜଣେ ଡାକ୍ତରଙ୍କୁ ଡକାଯାଇଥିଲା । ସେ ଗନ୍ଧମ ବଂଚିଥିବା କଥା କହିଥିଲେ । ସଙ୍ଗେ ସଙ୍ଗେ ତାଙ୍କୁ ବ୍ରେନ୍ ଡେଡ୍ ଘୋଷଣା କରିବା ଡାକ୍ତରଖାନାକୁ ଫୋନ୍ କରାଯାଇଥିଲା । ସେଠାରେ ଚିକିତ୍ସିତ ହେବା ପରେ ତାଙ୍କ ଶରୀରର ଅନ୍ୟ ଅଂଶ କାମ କରିଥିଲା । ଏବେ ସେ ସୁସ୍ଥ ଅଛନ୍ତି । ତାଙ୍କ ଘରେ ତାଙ୍କର ଏବେ ଚିକିତ୍ସା କରାଯାଉଛି ।
........