ଉତର ପ୍ରଦେଶର ଆତଙ୍କବାଦ ନିରୋଧୀ ସ୍କ୍ୱାର୍ଡ ବା ଏଟିଏସ ଏକ ବଡ କାର୍ଯ୍ୟାନୁଷ୍ଠାନ ଗ୍ରହଣ କରି ବେଆଇନ ଧର୍ମାନ୍ତରୀକରଣ ମାମଲାରେ ମୌଲାନା କଲିମ ସିଦ୍ଦିକୀକୁ ଗିରଫ କରିଛି । ଭାରତର ସବୁଠାରୁ ବଡ ଧର୍ମାନ୍ତରଣ ସିଣ୍ଡିକେଟର (Religious Conversion Syndicate) ରହସ୍ୟୋଦଘାଟନ କରି ଏଟିଏସ ମୌଲାନା ସିଦ୍ଦିକୀକୁ ଉତର ପ୍ରଦେଶର ମେରଠ (Meerut) ଠାରୁ ଗିରଫ କରିଛିା
ଏଟିଏସ (Uttar Pradesh’s Anti-Terrorism Squad) ପକ୍ଷରୁ ସୂଚନା ଦିଆ ଯାଇଛି ଯେ ବେଆଇନ ଧର୍ମାନ୍ତରୀକରଣ ମାମଲାରେ ଗିରଫ ମୌଲାନା ସିଦ୍ଦିକି (Maulana Kaleem Siddique) ମଦ୍ରାସା (Madrasa) ଗୁଡିକୁ ଫଂଡିଂ କରିଥାଏ ଓ ସେ ବିଦେଶରୁ ହବାଲା ଜରିଆରେ ବିପୁଳ ଫଣ୍ଡିଂ ଆଣିଥିବାର ପ୍ରମାଣ ମିଳିଛି । ମୁଜଫରନଗରର ମୂଳ ବାସିନ୍ଦା ମୌଲାନା ସିଦ୍ଦିକୀ ଦିଲ୍ଲୀରେ ରହି ବିଭିନ୍ନ ପ୍ରକାରର ଶୈକ୍ଷଣିକ, ସାମାଜିକ, ଧାର୍ମିକ ସଂସ୍ଥା ଆଳରେ ବେଆଇନ ଧର୍ମାନ୍ତରଣ କାର୍ଯ୍ୟ କରିଥାଏ ।
ତାର କାମ କରିବାର ଶୈଳୀ ନିଆରା ଥିଲା । ସେ ସାମାଜିକ ସୌହାର୍ଦ କାର୍ଯ୍ୟକ୍ରମ ମାନ ଆୟୋଜିତ କରି ଲୋକ ମାନଙ୍କୁ ଧର୍ମାନ୍ତରିତ କରାଉଥିଲା । .ହିନ୍ଦୁ ମାନଙ୍କୁ ଭ୍ରମିତ କରି ଲୋଭ ଦେଖାଇ ଓ ଡରାଇ ଧର୍ମାନ୍ତରଣ କରିଥିବାର ପ୍ରମାଣ ଜାଂଚ ଏଜେନ୍ସିକୁ ମିଳିଛି ।
ଧର୍ମାନ୍ତରଣର ଶୀକାର ହେଉଥିବା ଲୋକ ମାନଙ୍କୁ ପୁଣି ଥରେ ସେ ଅନ୍ୟ ହିନ୍ଦୁ ମାନଙ୍କୁ ଧର୍ମାନ୍ତରଣ କରିବା କାମରେ ଲଗାଇ ଦେଇଥାଏ । ବେଆଇନ ଧର୍ମାନ୍ତରୀକରଣ କରି ଜନସଂଖ୍ୟା ବଢାଇବା ଓ ଦେଶରେ ଶରିୟତ ଲାଗୁ (sharia Law) କରିବା ଦିଗରେ ସେ କାମ କରୁଥିଲା ବୋଲି ଏଟିଏସ କହିଛି । ମୌଲାନା ସିଦ୍ଦିକୀ ବଲିଉଡର ପୂର୍ବତନ ଅଭିନେତ୍ରୀ ସନା ଖାନକୁ (Sana Khan) ସେ ନିକାହ କରାଇଥିଲା ।
ତାର ଖାତାରେ ତିନି କୋଟି ଟଙ୍କାର ଫଣ୍ଡିଂର ପ୍ରମାଣ ମିଳିଛି ତଥା ଗୋଟିଏ ଥରରେ ବାହାରିନ ଦେଶରୁ ୧.୫ କୋଟି ଟଙ୍କା (Foreign Contribution Regulation Act) ତା ବ୍ୟାଙ୍କ ଖାତାକୁ ଆସିଛି । ଏହି ମାମଲାରେ ଏଟିଏସର ଛଅଟି ଟିମ ଜାଂଚ କାମରେ ଲାଗିଛନ୍ତି । ଏଠାରେ ଉଲ୍ଲେଖ କରା ଯାଇ ପାରେ ଯେ ଏଟିଏସ ଗତ ଜୁନ ମାସ ୨୦ ତାରିଖ ଦିନ ଏହି ଧର୍ମାନ୍ତରୀକରଣ ସିଣ୍ଡିକେଟ ଚଳାଉଥିବା ଲୋକ ମାନଙ୍କୁ ଗିରଫ କରିଥିଲା ।
ଏହି ସିଣ୍ଡିକେଟର ମୁଖ୍ୟ ବୋଲି କୁହା ଯାଉଥିବା ଉମର ଗୌତମ ଓ ଅନ୍ୟ ଲୋକ ମାନେ ମୂକ ବଧୀର ପିଲା ମାନଙ୍କୁ ମଧ୍ୟ ଛାଡୁ ନ ଥିବା ଓ ସେମାନଙ୍କର ଧର୍ମାନ୍ତରୀକରଣ କରାଉଥିବା ନେଇ ପ୍ରମାଣ ଏଟିଏସକୁ ମିଳୁଥିଲା । ଏମାନଙ୍କର ସଂସ୍ଥାକୁ ୫୭ କୋଟି ଟଙ୍କା ଫଣ୍ଡିଂ ଆକାରରେ ମିଳିଥିଲା । ମାତ୍ର ତାର ହିସାବ ସେମାନେ ଦେଇ ପାରୁ ନାହାନ୍ତି ।
ଏହି ଗିରଫଦାରୀ ପରେ ରାଜନୀତି ମଧ୍ୟ ଜୋର ଧରିଲାଣି । ଦିଲ୍ଲୀ ଦଙ୍ଗାର ଅଭିଯୁକ୍ତ ମାନଙ୍କ ପକ୍ଷରେ ଖୋଲା ଖୋଲି ଭାବେ ବାହାରିଥିବା ଅମାନୁଲ୍ଲା ଖାନ ଓ ବନ୍ଦେ ମାତରମ ଗାଇବାକୁ ବିରୋଧ କରିଥିବା ସମାଜବାଦୀ ପାର୍ଟିର ନେତା ଶଫିକୁର ରହମାନ ବର୍କ ଏହାର ବିରୋଧ କରି ଯୋଗୀ ସରକାର ବିିରୁଦ୍ଧରେ ବର୍ଷିଛନ୍ତି ।
ଅନ୍ୟ ପଟେ ସୋସିଆଲ ମିଡିଆରେ ଲୋକେ ଏହି ଗିରଫଦାରୀକୁ ସ୍ୱାଗତ କରିଛନ୍ତି । ଜଣେ ଲେଖିଛନ୍ତି – ଏହା ଯୋଗୀଜୀଙ୍କ ଉତର ପ୍ରଦେଶ, ଏଠାରେ କେହି ବର୍ତି ପାରିବେ ନାହିାଁ
ଆଜି ବାବାଜୀଙ୍କ ପୋଲିସ ମୌଲାନା ସିଦ୍ଦିକୀକୁ ଧରିଛି, ଯାହା ସାମନାରେ ଆଙ୍ଗୁଳି ଉଠାଇବା ପାଇଁ ସେକୁଲାର ସରକାର ମାନେ କମ୍ପୁଥିଲେ । ଏହି ମୌଲାନା ଧର୍ମାନ୍ତରୀକରଣ ଖେଳର ମାଷ୍ଟର ମାଇଣ୍ଡ ଥିଲା । ୟୁପି ପୋଲିସ ତାକୁ ଉଠାଇ ଆଣିଛି । ଏବେ ତା ଠାରୁ ସତ ବାହାର କରିବ ।
ଏଠାରେ ଉଲ୍ଲେଖ କରା ଯାଇ ପାରେ ଯେ ଉତର ପ୍ରଦେଶରେ ପାଖାପାଖି ଏକ ହଜାର ଲୋକଙ୍କୁ ଇସଲାମରେ ମତାନ୍ତରିତ କରା ଯାଇଥିବା ନେଇ ସୂଚନା ମିଳିବା ପରେ ଯୋଗୀ ସରକାର ଏହି ଘଟଣାକୁ ଅତ୍ୟନ୍ତ ଗୁରୁତ୍ୱର ସହ ନେଇଥିଲେ ଓ ଏହାର ଜାଂଚ ପାଇଁ ଏସଆଇଟି ଗଠନ କରିଥିଲେ । ୟୁପି ଏଟିଏସ ଏହି ମାମଲାରେ ଏହା ପୂର୍ବରୁ ଦଶ ଜଣଙ୍କୁ ଗିରଫ କରି ସାରିଛି ।