ଆସାମର ଧିନ ଅଂଚଳରେ ମୁସଲିମମାନେ ହିନ୍ଦୁମାନଙ୍କର ଜମି ଉପରେ ଜୋର ଜବରଦସ୍ତି ମାଡିବସୁଥିବାର ଖବର ଆସିଛି । ଧିନ ଅଂଚଳର ଲାହୋରିଘାଟ, ମୋରିଗାଁ ଆଦି ଅଂଚଳରେ ମଧ୍ୟ ସମାନ କଥା ଦେଖିବାକୁ ମିଳୁଛି । ଆସାମରେ ଏଭଳି ମୁସଲିମମାନଙ୍କର ଜବରଦସ୍ତି ହିନ୍ଦୁମାନଙ୍କ ଜମି ଉପରେ ଜବର ଦଖଲ କରିବା, ପରବର୍ତୀ ସମୟରେ ଏହାକୁ ଡରାଇ ଧମକାଇ ନିଜ ନାଁରେ ପଂଜିକୃତ କରାଇ ଦେବା କିଛି ନୁଆ କଥା ନୁହେଁ ।
୭୦ ଦଶକରୁ ଆଜି ପର୍ଯ୍ୟନ୍ତ ଏହା ଚାଲିଆସୁଛି । ଅବଶ୍ୟ ଆସାମରେ ଯେବେଠାରୁ ବିଜେପି ସରକାର ଆସିଛି, ବିଶେଷ ଭାବରେ ହିମନ୍ତ ବିଶ୍ୱ ଶର୍ମା ଯେବେଠାରୁ ମୁଖ୍ୟମନ୍ତ୍ରୀ ହୋଇଛନ୍ତି ସେବେଠାରୁ ଏହା ଉପରେ ଟିକିଏ ରୋକ ଲାଗିଛି ହେଲେ ଆସାମର ଅନେକ ଜିଲ୍ଲା ଯେଉଁଠାରେ ମୁସଲିମ ବହୁଳ ଅଛି ସେଠାରେ ଏବେବି କିଛି କିଛି ଏପରି ଘଟଣା ଦେଖିବାକୁ ମିଳୁଛି ।
ଆସାମରେ ଯେତେବେଳେ ସଦାନନ୍ଦ ଅଗ୍ରଓାଲ ମୁଖ୍ୟମନ୍ତ୍ରୀ ଥିଲେ ସେତେବେଳେ ବିଭିନ୍ନ ମନ୍ଦିରର ୨୩୧ ବିଘାର ଚାଷ ଜମି ଓ ୭୬ ଏକରର ସାଧାରଣ ଜମି ଯାହା ବିଭିନ୍ନ ସ୍ଥାନରେ ମୁସଲିମମାନଙ୍କର ବେଆଇନଭାବରେ ଅକ୍ତିଆରରେ ଥିଲା ତାହାକୁ ମୁକ୍ତ କରିଥିଲେ ।
ଆସାମର ଦରାଙ୍ଗ ଜିଲ୍ଲାର ଧଲପୁର ଶିବ ମନ୍ଦିରର ୪୦ ଏକରରୁ ଅଧିକ ଜମି ଯାହାକୁ ବଙ୍ଗଳାଦେଶରୁ ଆସିଥିବା ମୁସଲିମ ଅନୁପ୍ରବେଶକାରୀମାନେ ଅବୈଧ ଭାବରେ ମାଡି ବସିଥିଲେ ତାହାକୁ ଜୁନ ୨୦୨୨ରେ ଆସାମ ସରକାର ମୁକ୍ତ କରି ପୁଣି ମନ୍ଦିରକୁ ଫେରାଇଛନ୍ତି ।
ଆସାମରେ ଲମ୍ବା ସମୟ ଧରି ଯେଉଁ ଭଳି ଭାବରେ ମୁସଲିମମାନଙ୍କର ଅନୁପ୍ରବେଶ ହୋଇଛି ଓ ତାହାର ପ୍ରଭାବରେ ଆସାମର ଡେମୋଗ୍ରାଫି ଉପରେ ଯେଉଁ ନକରାତ୍ମକ ପ୍ରଭାବ ପଡିଛି ସେଥିରୁ ଆସାମ ମୁକ୍ତ ହେବା ପାଇଁ ଏବେବି ସଂଘର୍ଷ କରୁଛି । ବେଆଇନ ଭାବରେ ଆସିଥିବା ମୁସଲିମ ଅନୁପ୍ରବେଶକାରୀମାନେ କାଳକ୍ରମେ ସେମାନେ ନିଜର କାଗଜପତ୍ର ପ୍ରସ୍ତୁତ କରିସାରିଛନ୍ତି । ଏପରିକି ହିନ୍ଦୁ ମନ୍ଦିରର ଜମି, ଜଙ୍ଗଲ ଜମି ଆଦିକୁ ସେମାନେ ନିଜ ନାଁରେ ରେକର୍ଡ କରି ଏହା ଉପରେ ଅକ୍ତିଆର କରି ରହୁଛନ୍ତି । ଏହାକୁ ମୁକ୍ତ କରିବା ପାଇଁ ହେଲେ ଶକ୍ତ ଆଇନ ଓ ଲୋକମାନଙ୍କ ଭିତରେ ଜାଗରଣ ଆଣିବା ପାଇଁ ପଡିବ ।