ଏହି ଫଟୋ ଗୁଡିକ ଦେଖନ୍ତୁ। କିଭଳି ଭାବେ ମା ଦୂର୍ଗାଙ୍କ ମୂର୍ତିକୁ ଭଙ୍ଗା ଯାଇଛି । ଆଗକୁ ଶାରଦୀୟ ଦୂର୍ଗା ପୁଜା ଆସୁଛି । ତେଣୁ ପୂଜା ପାଇଁ ମା ଦୁର୍ଗାଙ୍କ ପ୍ରତି ମୂର୍ତି ତିଆରି କରା ଯାଉଥିଲା । ସେହି ମୂର୍ତିକୁ ଭାବେ ଭାଙ୍ଗି ଦିଆ ଯାଇଛି ।
ଏହି ଘଟଣାଟି ହେଉଛି ବଙ୍ଗଳାଦେଶର କୁଶ୍ତିଆ ସହରର। ବଙ୍ଗଳାଦେଶ ହିନ୍ଦୁ ୟୁନିଟି କାଉନସିଲ ପକ୍ଷରୁ ଟ୍ୱିଟ କରି ମା ଦୁର୍ଗାଙ୍କର ମୂର୍ତି ଭଙ୍ଗା ଫଟୋ ଜାରୀ କରିବା ସହ ଏ ବିଷୟରେ ସୂଚନା ଦିଆ ଯାଇଛି ।
ବଙ୍ଗଳାଦେଶ ହିନ୍ଦୁ ୟୁନିଟି କାଉନସିଲ ପକ୍ଷରୁ ପୁଣି କୁହା ଯାଇଛି ଯେ ବଙ୍ଗଳାଦେଶରେ ଏପରି ଘଟଣା କିଛି ନୁଆ ନୁହୋଁ ପ୍ରତି ବର୍ଷ ଦୁର୍ଗା ପୂଜା ବେଳେ ଦୁର୍ଗା ପୂଜା ମଣ୍ଡପର ମୂର୍ତିକୁ ଇସଲାମୀ ଶକ୍ତି ମାନେ ଭାଙ୍ଗିଥାନ୍ତି ।
କୁଶିତା ଜିଲ୍ଲା ସାର୍ବଜନୀନ ଦୁର୍ଗା ପୂଜା କମିଟିର ସଭାପତି ଅନୂପ କୁମାର ନନ୍ଦୀ କହିଛନ୍ତି ଯେ ଐକ୍ୟ ଯୁବ ସଂଘ ପକ୍ଷରୁ ପ୍ରତି ବର୍ଷ ଦୂର୍ଗା ପୂଜା ପାଳନ କରା ଯାଇଥାଏ ଓ ଏଥି ପାଇଁ ମୂର୍ତି ନିର୍ମାଣ କରା ଯାଇଥାଏ ।
ଗତକାଲି ରାତିରେ କାରିଗର ମ।ନେ କାମ ସାରି ଫେରି ଯାଇଥିଲେ । ଆଜି ସକାଳେ କାରିଗର ଓ ପୂଜା କମିଟିର ଲୋକ ମାନେ ଆସି ଦେଖିବାରୁ ମୂର୍ତିକୁ ଭାଙ୍ଗି ଦିଆ ଯାଇଛି । ସେଠାରେ ଥିବା କୌଣସି ମୂର୍ତିକୁ ଛଡା ଯାଇ ନାହିଁ, ସମସ୍ତ ମୂର୍ତିକୁ ଭାଙ୍ଗି ଦିଆ ଯାଇଛି ।
ଏହା ପରେ ପୂଜା କମିଟିର ଲୋକ ଓ ସ୍ଥାନୀୟ ହିନ୍ଦୁ ମାନେ କୁଶ୍ତିଆ ମଡେଲ ପୋଲିସ ଷ୍ଟେସନକୁ ଯାଇ ଏ ସମ୍ପର୍କରେ ୍ଅଭିଯୋଗ କରିଛନ୍ତି । ଥାନାର ଇନଚାର୍ଡ ଅଫିସର ସବିରୁଲ ଇସଲାମ ଓ ତାଙ୍କର ଟିମ ଘଟଣା ସ୍ଥଳକୁ ଆସି ଜାଂଚ କାମ ଆରମ୍ଭ କରିବା ସହ ଦୋଷୀ ମାନଙ୍କୁ ଧରା ଯିବ ବୋଲି ପ୍ରତିଶ୍ରୁତି ଦେଇଛନ୍ତି ।
ଗତ ବର୍ଷ ଅକ୍ଟୋବ ୨୦ ତାରିଖ ଦିନ ମଧ୍ୟ ବଙ୍ଗଳାଦେଶର ଫରିଦପୁର ଜିଲ୍ଲାରେ ମୁସଲମାନ ମାନଙ୍କର ଏକ ସମୂହ ହିନ୍ଦୁ ମନ୍ଦିର ଉପରେ ଆକ୍ରମଣ କରିବା ସହ ଅନେକ ଦୁର୍ଗା ମଣ୍ଡପରେ ପଶି ମୂର୍ତି ଗୁଡିକୁ କ୍ଷତିଗ୍ରସ୍ତ କରି ଦେଇଥିଲେ । ଏହି ମାମଲାରେ ପୋଲିସ ମୋହମ୍ମଦ ଶେଖ ଓ ମୋହମ୍ମଦ ରାଜୁକୁ ଗିରଫ କରିଥିଲା
ସେହିପରି ୨୦୧୯ ମସିହା ଅକ୍ଟୋବର ୧୯ ତାରିଖରେ ମଧ୍ୟ ଠିକ ଏପରି ଘଟଣା ଘଟିଥିଲା । ଯେତେବେଳେ ମୁସଲମାନ ମାନଙ୍କ ସମୁହ ଚିତଲମାଡି ଅଂଚଳରେ ଦୂର୍ଗା ପୂଜା ମଣ୍ଡପରେ ପଶି ମା ଦୁର୍ଗାଙ୍କ ମୂର୍ତି ଭାଙ୍ଗିଥିଲେ ।
ଯଦି ଗତ କିଛି ତଳର ଘଟଣା ଉପରେ ଦୃଷ୍ଟି ପକାଇବା ତା ହେଲେ ଦେଖିବା ଯେ ଗତ ମାସକ ତଳେ ଖୁଲନା ଜିଲ୍ଲାର ଶିଆଲି ଓ ଗୋବାରା ଗାଁରେ ଥିବା ମନ୍ଦିରରେ ବିଗ୍ରହ ଗୁଡିକୁ ମୁସଲମାନ ମାନଙ୍କ ଏକ ସମୂହ ଆସି ଧ୍ୱସ୍ତ କରି ଦେଇଥିଲେ । ପୋଲିସ ଏହି ମାମଲାରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନ ଥିଲା ।
୨୦୧୨ରୁ ୨୦୧୩ ମସିହୋରେ ହାତଜଡି, ବଶିଖାଲି, ସାତଖିଡା, ଚିରିରବନ୍ଦର, ରାମୁ, ସାଥିଆ ଓ ବରିସାଲରେ ସଂଖ୍ୟା ଲଘୁ ହିନ୍ଦୁ ମାନଙ୍କ ଉପରେ ଅନ୍ୟୁନ ୨୦ ଥର ଆକ୍ରମଣ ହୋଇ ସେମାନଙ୍କର ଘର- ଦୋକାନ ବଜାର ଜଳାଇ ଦିଆ ଯାଇଥିଲା ।
୨୦୧୬ ମସିହାରେ ନସିରନଗରରେ ଏକ ଫେସବୁକ ପୋଷ୍ଟକୁ ୧୯ଟି ମନ୍ଦିରରେ କଟ୍ଟରପନ୍ଥୀ ମୁସଲମାନ ମାନେ ଭଙ୍ଗାରୁଜା କରିଥିଲେ ।
୨୦୧୭ ମସିହାରେ ରଙ୍ଗପୁର ଠାରେ ମଧ୍ୟ କଟ୍ଟରପନ୍ଥୀ ମୁସଲମାନ ମାନଙ୍କ ଦ୍ୱାରା ସଂଖ୍ୟାଲଘୁ ହିନ୍ଦୁ ମାନଙ୍କର ଘରକୁ ଜାଳି ଦିଆ ଯାଇଥିଲା
ସେହିପରି ଗତ ବର୍ଷ ନଭେମ୍ବର ମାସରେ କମିଲା ଜିଲ୍ଲାର ମୁରାଦ ନଗର ଠାରେ ହିନ୍ଦୁ ପରିବାରର ଘର ଗୁଡିକୁ ଜଳାଇ ଦିଆ ଯାଇଥିଲା ।
ବଙ୍ଗଳାଦେଶରେ ହିନ୍ଦୁ ମାନଙ୍କ ଉପରେ ଆକ୍ରମଣ ଘଟଣା ବଢୁଥିବା ବେଳେ ବୈଶ୍ୱିକ ସ୍ତରରେ ମାନବିକ ଅଧିକାରର ଠିକାଦାର ମାନେ ଏହାକୁ ନେଇ ସମ୍ପୂର୍ଣ ନୀରବତା ଅବଲମ୍ବନ କରୁଛନ୍ତି । ଆତଙ୍କବାଦୀ, ରୋହିଙ୍ଗିଆ ଆଦିଙ୍କର ମାନବିକ ଅଧିକାର କଥା କହୁଥିବା ଲୋକ ମାନଙ୍କ ପାଟିରୁ କଥା ବାହାରୁ ନାହିଁ ।
ଇସଲାମୀ ଦେଶ ମାନଙ୍କରେ ହିନ୍ଦୁ ମାନଙ୍କର ଧାର୍ମିକ ସ୍ଥିତି କିପରି ରହିଛି ତାହା ବଙ୍ଗଳାଦେଶର ଘଟଣା ସ୍ପଷ୍ଟ କରୁଛି ।