ବଙ୍ଗଳାଦେଶରେ ପୁଣି ହିନ୍ଦୁ ମନ୍ଦିର ଭାଙ୍ଗିବା ତଥା ସଂଖ୍ୟାଲଘୁ ହିନ୍ଦୁମାନଙ୍କ ଉପରେ ଆକ୍ରମଣର ଖବର ଆସିଛି । ଚଳିତ ଅଗଷ୍ଟ ୭ରେ ସଂଧ୍ୟା ସମୟରେ ବଙ୍ଗଳାଦେଶର ଖୁଲଣା ଜିଲ୍ଲାର ଶିଆଳି ଗାଁରେ ଏପରି କାରନାମା କିଛି ମୌଳବାଦି ମୁସଲମାନମାନେ ଘଟାଇଛନ୍ତି । ସେମାନଙ୍କର ସୁଚିନ୍ତିନ୍ତ ଏହି ଷଡଯନ୍ତ୍ର ପୁର୍ଣ୍ଣ ଆକ୍ରମଣରେ ୪ଟି ମନ୍ଦିର ଭାଙ୍ଗିବା ସହିତ ୫୮ଟି ଘର ଭାଙ୍ଗିଛି ।
Sirf News ରେ ପ୍ରକାଶିତ ଖବର ଅନୁସାରେ ଘଟଣାର ପୁର୍ବ ଦିନ ରାତିରେ ସ୍ଥାନୀୟ ହିନ୍ଦୁ ପରିଷଦ ପକ୍ଷ୍ୟରୁ ଏକ ପୁଜାର ଆୟୋଜନ କରାଯାଇଥିଲା । ଏହା ପରେ ରାତି ୬ଟାରେ ମହିଳାମାନଙ୍କର ଏକ ଶୋଭାଯାତ୍ରାର ଆୟୋଜନ କରାଯାଇଥିଲା । ଏହି ଶାନ୍ତିପୁର୍ଣ୍ଣ ଶୋଭାଯାତ୍ରା ଯେଉଁ ରାସ୍ତାରେ ଯାଉଥିଲା ସେହି ରାସ୍ତାରେ ଏକ ମସଜିଦ ପଡେ । ସେହି ମସଜିଦରେ ରହୁଥିବା କିଛି ମୁସଲମାନମାନେ ଆସି ସେହି ଶୋଭାଯାତ୍ରାକୁ ବିରୋଧ କରିବା ସହିତ ମହିଳାମାନଙ୍କୁ ଅଶ୍ଳିଳ ଆଚ୍ଚରଣ କରିଥିଲେ । ଯାହାକୁ ନେଇ ଘଟଣା ସ୍ଥଳରେ ଉତେଜନା ପ୍ରକାଶ ପାଇଥିଲା । ଏହା ପରଦିନ ଅନେକ ମୁସଲମାନମାନେ ଏକାଠି ହୋଇ ହିନ୍ଦୁମାନଙ୍କୁ ଆକ୍ରମଣ କରିବା ସହିତ ସେହି ଅଂଚଳରେ ଥିବା ସମସ୍ତ ୪ଟି ଯାକ ମନ୍ଦିର ଭାଙ୍ଗିବା ସହିତ ହିନ୍ଦୁମାନଙ୍କ ଘରକୁ ନିଆଁ ଲଗାଇବା, ଭାଙ୍ଗିଛନ୍ତି । ଏହା ପରେ ସେହି ବିଶୃଙ୍ଖଳିତମାନେ ବଜାରରେ ବାଛି ବାଛି କେବଳ ହିନ୍ଦୁମାନଙ୍କର ଦୋକାନକୁ ମଧ୍ୟ ଭାଙ୍ଗିଛନ୍ତି । ଘଟଣାସ୍ଥଳରେ ପୋଲିସ ମୁତୟନ ହୋଇଛି ସତ କିନ୍ତୁ ଏପର୍ଯ୍ୟନ୍ତ ଅପରାଧୀମାନଙ୍କୁ ଗିରଫ କରାଯାଇନାହିଁ ।
ଏହା ପୁର୍ବରୁ ୨୧ ଜୁଲାଇରେ ବଙ୍ଗଳାଦେଶର ପ୍ରଧାନମନ୍ତ୍ରୀ ଶେଖ ହାସିନାଙ୍କ ନିର୍ବାଚନ ମଣ୍ଡଳି ଗୋପାଳଗୁଂଜରେ ଇଦ ପର୍ବରେ ମଧ୍ୟ ମୁସଲମାନମାନେ ସଂଖ୍ୟାଲଘୁ ହିନ୍ଦୁମାନଙ୍କ ଉପରେ ଆକ୍ରମଣ କରିଥିଲେ ଯେଉଁଥିରେ ୫୦ରୁ ଅଧୀକ ଲୋକ ଆହତ ହୋଇଥିଲେ ।
ଏହା ପୁର୍ବରୁ ସେହି ଗୋପାଳଗଂଜ ଜିଲ୍ଲାରେ ଏକ ଫୁଟବଲ ମ୍ୟାଚକୁ ନେଇ ଜୁଲାଇ ୧୯ରେ ମଧ୍ୟ ସାମ୍ପ୍ରଦାୟୀକ ହିଂସା ହୋଇଥିଲେ ଯେଉଁଥିରେ ହିନ୍ଦୁ କଲେଜ ପିଲାମାନେ ଆହତ ହୋଇଥିଲେ । ବଙ୍ଗଳାଦେଶରେ ୧୯୧୧ ମସିହାରେ ୩୧% ହିନ୍ଦୁ ରହୁଥିଲେ । ମାତ୍ର ୧୦୦ ବର୍ଷ ଭିତରେ ୨୦୧୧ ବେଳକୁ ଏହା କମି ୮%ରେ ପହଂଚିଲାଣି । ହିନ୍ଦୁମାନଙ୍କ ପାଇଁ ବଙ୍ଗଳାଦେଶ ଅତ୍ୟନ୍ତ ଅସୁରକ୍ଷିତ ହୋଇପଡିଛି ।