ବେଆଇନ ଡ୍ରଗସ ସେବନ ଓ ପାଖରେ ବେଆଇନ ଡ୍ରଗସ ରଖିବା ଅପରାଧରେ ଏବେ ଗୋଟିଏ ଦିନ ଜେଲରେ ଅଛନ୍ତି ବଲିଉଡର କିଙ୍ଗ ଖାନ ଶାହାରୁଖ ଖାନଙ୍କ ନିଶାଡି ପୁଅ ଆର୍ଯ୍ୟାନ ଖାନ (Aryan Khan)। ନାକ୍ରୋଟିକସ କଂଟ୍ରୋଲ ବ୍ୟୁରୋର ଏକ ଗୁଇନ୍ଦା ଅପରେସନରେ ଆର୍ୟାନଙ୍କ ସମେତ ଆହୁରି ୮ ଜଣ ଗିରଫ ହୋଇଛନ୍ତି । ସେମାନଙ୍କ ମଧ୍ୟରୁ ୩ ଜଣଙ୍କୁ ଜେଲ ପଠାଯାଇଥିବା ବେଳେ ଆଉ ୫ଜଣଙ୍କୁ ପୋଲିସ ପଚରା ଉଚରା କରୁଛି ।
ହେଲେ ବଡ ଆଶ୍ଚର୍ଯ୍ୟ ଜନକ ଭାବରେ ବଲିଉଡର କିଛି ବଡ ଅଭିନେତା ଓ ଫିଲ୍ମ ପ୍ରଯୋଜକମାନେ କିନ୍ତୁ ଏବେ ଏହି ନିଶାଡି ଖାନଙ୍କ ସପକ୍ଷରେ ଯୁକ୍ତି ବାଢିଛନ୍ତି । ସେମାନେ ଶାହାରୁଖ (Shahrukh Khan) ଓ ତାଙ୍କ ପୁଅଙ୍କ ପାଇଁ ସେମାନଙ୍କର ଦରଦ ଢାଳିବା ସହିତ ସେମାନେ ଶାହାରୁଖଙ୍କ ପରିବାର ସହିତ ଅଛନ୍ତି ବୋଲି କହିଛନ୍ତି ।
ଗତ ବର୍ଷ ଜୁନ ମାସରେ ସନ୍ଦେହ ଜନକ ଅବସ୍ଥାରେ ବଲିଉଡର ଜଣେ ପ୍ରତିଭାବାନ ଅଭିନେତା ସୁଶାନ୍ତ ସିଂ ରାଜପୁତଙ୍କର (Sushanta Singh Rajput) ଅତ୍ୟନ୍ତ ସନ୍ଦେହ ଜନକ ଅବସ୍ଥାରେ ମୃତ୍ୟୁ ହୋଇଥିଲା । ସେତେବେଳେ ପ୍ରଶ୍ନ ଉଠିଥିଲା ଏହା ଏକ ହତ୍ୟା ବୋଲି ଯାହାର ତଦନ୍ତ ଆଜିବି ଚାଲୁଛି । ତାଙ୍କର ମୃତ୍ୟୁ ସାରା ଦେଶରେ ଶୋକରେ ଛାୟା ଖେଳିଯାଇଥିଲା କାରଣ ସେ କେବଳ ଜଣେ ଭଲ ପ୍ରତିଭାବାନ ଅଭିନେତା ନଥିଲେ ବଂର ସେ ଜଣେ ଭଦ୍ର ଓ ଶାନ୍ତ ସ୍ୱଭାବର ସେଲିବ୍ରିଟ ଥିଲେ ଯାହା ତାଙ୍କୁ ବଲିଉଡର ଅନ୍ୟମାନଙ୍କ ଠାରୁ ଭିନ୍ନ କରିଥିଲା ।
ହେଲେ ତାଙ୍କର ମୃତ୍ୟୁରେ ବଲିଉଡର ଜଣେ ଦିଜଣଙ୍କୁ ଛାଡି ଦେଲେ ଆଉ କାହାର ଶୋକ ପ୍ରକାଶ କରିବା ଦେଖାଯାଇନଥିଲା । ବଂର ସେ ଜଣେ ତଳ ଗ୍ରେଡର ଅଭିନେତା ବୋଲି କିଛି ବଲିଉଡ ବାଲା କହିଥିଲେ ।
ଏବେ ଆସିବା କେଉଁ କେଉଁ ମାନେ ଶାହାରୁଖଙ୍କ ପୁଅଙ୍କ ପାଇଁ ଲୁହ ଢାଳୁଛନ୍ତି ।
ପ୍ରଥମରେ ଅଛନ୍ତି ଦବଙ୍ଗ ଖାନ ସଲମାନ ଖାନ (Salman Khan)। ନିଜର ଖାନ କୁଟୁମ୍ବଙ୍କ ପାଇଁ ସେ କେମିତି ଚୁପ ବସିଥାନ୍ତେ ଯେ । ସେ ସଂଧ୍ୟାରେ ଶାହାରୁଖ ଖାନଙ୍କ ଘରେ ପହଂଚିଛନ୍ତି ।
ସୁନିଲ ସେଟ୍ଟି କହିଛନ୍ତି ଆର୍ଯ୍ୟାନ ହେଉଛି ଛୋଟ ପିଲା । ତାକୁ ସେଭଳି ନଜରରେ ଦେଖିବା ଭଲ ନୁହେଁ ।
ଏହି ମାମଲାରେ ଦୁଇ ପାଦ ଆଗକୁ ଯାଇଛନ୍ତି ସୁଚେତା କ୍ରିଷ୍ଣାମୁର୍ତୀ । ସେ କହିଛନ୍ତି ଏନସିବିର ଏପରି ଚଢଉ ସବୁବେଳେ ବଲିଡଉର ଷ୍ଟାର ମାନଙ୍କ ଉପରେ କାହିଁକ ? ଏହା ହେଉଛି କେବଳ ଏକ ତମାଶା । କେତେବଳେ ବି ନାକ୍ରୋଟିକସ କଂଟ୍ରୋଲ ବ୍ୟୁରୋ କେବେ କାହାକୁ ଦୋଷି ସାବ୍ୟସ୍ତ କରିପାରେ ନାହିଁ । ସେ କହିଛନ୍ତି ଯେ ଏହି ଦୁଃଖ ସମୟରେ ସେ ଶାହାରୁଖ ଖାନଙ୍କ ସହିତ ଅଛନ୍ତି ।
ଅନ୍ୟତମ ଅଭିନେତ୍ରୀ ତଥା ମହେଶ ଭଟ୍ଟଙ୍କର ଝିଅ ପୁଜା ଭଟ୍ଟ କହିଛନ୍ତି ଯେ ସେ ଶାହାରୁଖ ଖାନଙ୍କର ପରିବାର ସହିତ ଅଛନ୍ତି । ତାଙ୍କର ଉପସ୍ଥିତି ଶାହାରୁଖଙ୍କ ପାଇଁ ଆବଶ୍ୟକତା ନଥାଇ ପାରେ କିନ୍ତୁ ସେ ଶାହାରୁଖଙ୍କ ସହିତ ଅଛନ୍ତି ଓ ରହିବେ ।