The Independence:Britain-Slogan-Get-Out-Pakistani

ସୌମେନ୍ଦ୍ର ଜେନା

ପାକିସ୍ଥାନୀମାନେ କେବଳ ନିଜ ଦେଶରେ ଯେ ଜିହାଦି କାର‌୍ୟ୍ୟ କରୁଛନ୍ତି , ଅପରାଧ କରୁଛନ୍ତି , ଅନ୍ୟମାନଙ୍କୁ ଘୃଣା ଚକ୍ଷୁରେ ଦେଖୁଛନ୍ତି ତା’ନୁହେଁ ,ସାରା ପୃଥିବୀରେ ସେମାନେ ଯେଉଁ ଦେଶକୁ ଯାଉଛନ୍ତି ସେଠାରେ ମଧ୍ୟ ସେହି କାର‌୍ୟ୍ୟ କରୁଛନ୍ତି । ପାକିସ୍ଥାନୀମୂଳର ଲୋକମାନଙ୍କ ମଧ୍ୟରେ ଏପ୍ରକାର ଅପରାଧପ୍ରବଣତା ଦୃଷ୍ଟିରୁ ପୂର୍ବରୁ ଗ୍ରୀସ ଏବଂ ତୁର୍କୀରେ ‘ଗେଟ୍ ଆଉଟ୍ ପାକିସ୍ଥାନୀ’ ଟ୍ରେଣ୍ଡ୍ ଜୋର ଧରିସାରିଛି । ଏହି ଦୁଇଦେଶର ଲୋକେ ନିଜ ଦେଶରୁ ପାକ୍ ନାଗରିକଙ୍କୁ ବାହାର କରିବାକୁ ସରକାରଙ୍କ ନିକଟରେ ପୂର୍ବରୁ ଦାବି କରିଛନ୍ତି । କାରଣ ସେଠାରେ ପାକ୍ ମୂଳର ଲୋକେ ସମସ୍ତ ପ୍ରକାର ଅପରାଧରେ ସାମିଲ ରହିଛନ୍ତି । ତୁର୍କୀରେ ୧୨ଦିନ ମଧ୍ୟରେ ୧୦୦୦ ପାକ୍ ଲୋକଙ୍କୁ ଦେଶରୁ ତଡି ଦିଆଯାଇଛି । ନୋଟିସ ଦେବା ସତ୍ତ୍ୱେ ଯେଉଁମାନେ ପାକ୍‌କୁ ଫେରିବାକୁ ପସନ୍ଦ କରୁନଥିଲେ  ସେମାନଙ୍କୁ ଘରୁ ଉଠାଇଆଣି ସେଠାକାର ପୁଲିସ ପାକିସ୍ଥାନକୁ ପଠାଇଛି ।

ସେମିତି  ବ୍ରିଟେନରେ ଦିନକୁଦିନ ଅଧିକ ହିଂସାକାଣ୍ଡ ଏବଂ ଅପରାଧ ଘଟୁଥିବା ହେତୁ ସେଠାକାର ସରକାର କଠୋର ହୋଇଛନ୍ତି । ବ୍ରିଟେନର ଗୃହ ସଚିବ ପ୍ରୀତି ପଟେଲ, ପାକ୍ ଗୃହସଚିବ ୟୁସୁଫ ନଦିମ ଖୋକର ଏବଂ ପାକ୍ ହାଇ କମିଶନର ମୋଜାମ ଅହମ୍ମଦ ଖାଁଙ୍କ ମଧ୍ୟରେ ୧୭ଅଗଷ୍ଟ ୨୦୨୨ରେ ଅପରାଧୀଙ୍କ ହସ୍ତାନ୍ତରଣକୁ କେନ୍ଦ୍ରକରି ବୁଝାମଣା ହୋଇଛି । ଏହାକୁ ବିଦେଶୀଙ୍କ ଆଗମନ ପାଇଁ ନୂଆ ଆଇନର ଅଂଶ ବିଶେଷ ବୋଲି କୁହାଯାଇଛି । ୧୫ମାସ ମଧ୍ୟରେ ଦୁଇଦେଶ ମଧ୍ୟରେ ୫ମ ଥର ପାଇଁ ଏହି ବୁଝାମଣା ହୋଇଛି । ବ୍ରିଟେନରେ ପାକ୍ ନାଗରିକମାନେ ହେଉଛନ୍ତି ସେଠାକାର କାରାଗାରରେ  ୭ମ ସର୍ବାଧିକ ବିଦେଶୀ ଅପରାଧୀ । ଜାନୁଆରୀ ୨୦୧୯ରୁ ଡିସେମ୍ବର ୨୦୨୧ ମଧ୍ୟରେ ବ୍ରିଟେନ ନିଜ ଦେଶରୁ ୧୦,୭୪୧ ଜଣ ବିଦେଶୀ ଅଭିଯୁକ୍ତଙ୍କୁ ନିଜ ଦେଶରୁ ବିଦା କରିସାରିଛି । ଅକ୍ଟୋବର ୨୦୦୯ରେ ଦୁଇଦେଶ ମଧ୍ୟରେ ଏପ୍ରକାର ବୁଝାମଣା ସ୍ୱାକ୍ଷରିତ ହୋଇଥିଲା । ବ୍ରେକଜିଟ୍ ବା ଇଉରୋପୀୟ ୟୁନିଅନରୁ ବ୍ରିଟେନ ଅଲଗା ହେବା ଯୋଗୁ ନୂଆ ବୁଝାମଣା କରାଯିବା ଦରକାର ଥିଲା । ଦେଶାନ୍ତର ଗମନର ଏହି ନୂଆ ଯୋଜନାକୁ କାର‌୍ୟ୍ୟକାରୀ କରିବା ପାଇଁ ବ୍ରିଟେନ ପ୍ରଶାସନ ଅଧିକ ଜୋର ଦେବାକୁ ପ୍ରୟାସ କରୁଛି । କାରଣ ପାକିସ୍ଥାନୀ ଲୋକେ ସେଠାରେ ବହୁ ଅପରାଧରେ ଜଡିତ ରହିଆସିଛନ୍ତି ।  ସୋହେଲ ଆୟାଜ ନାମକ ପାକିସ୍ଥାନୀକୁ ୨୦୧୯ରେ ୩୦ ନାବାଳିକାଙ୍କୁ ଧର୍ଷଣ କରିବା ଅପରାଧରେ ଗିରଫ କରାଯାଇଥିଲା । ସେ ଜଣେ ଅଭ୍ୟାସଗତ ଧର୍ଷଣକାରୀ ଥିଲା । ୨୦୦୮ରେ ମଧ୍ୟ ସେ ସମାନ ଢଙ୍ଗରେ ଏହିପରି ଅପରାଧ ଘଟାଇଥିଲା ।

ଉତ୍ତର ଇଂଲଣ୍ଡର ୟର୍କସାୟାର ଅନ୍ତର୍ଗତ ହୁଡେଲ ଫିଲ୍‌ଡ ଥାନା ନାବାଳିକାଙ୍କୁ ଯୌନ ନିର‌୍ୟ୍ୟାତନା ଦେବା ଅଭିଯୋଗରେ ୨୦ଜଣ ଅପରାଧୀଙ୍କୁ ଜେଲ ପଠାଇଥିଲା । ସେମାନଙ୍କ ମଧ୍ୟରେ ଅଧିକ ପାକିସ୍ଥାନୀ ଥିଲେ । ୧୫ଜଣ ୧୧ରୁ ୧୭ ବର୍ଷର ଝିଅଙ୍କୁ ଏହି ଲୋକେ ୧୨୦ଥର ଖରାପ ବ୍ୟବହାର କରିଥିଲେ । ଗିରଫ ୨୦ ପାକିସ୍ଥାନୀଙ୍କ ମଧ୍ୟରେ ନିସାରତ ହୁସେନ, ସାଜିଦ ହୁସେନ, ଫୈସଲ ଅଜିମ, ୱିକାସ ମେହମୁଦ, ମନଜୁର ହସନ, ନିୟାଜ ଇବ୍ରାର, ଅସିଫ ବସିର, ମହମ୍ମଦ ଅକ୍ରାମ ପ୍ରମୁଖ ରହିଥିଲେ । ଗତ ଜାନୁଆରୀ ମାସରେ ବ୍ରିଟେନର କିଙ୍ଗ୍‌ସଟନ୍ -ଥେମ୍‌ସ କ୍ରାଉନ କୋର୍ଟ ନେଦରଲାଣ୍ଡରେ ରହୁଥିବା ଜଣେ ପାକ୍ ମୂଳର ବ୍ଲଗର ଏବଂ ସାମାଜିକ କର୍ମୀ ଅହମ୍ମଦ ୱକାସ ଗୋରାୟାଙ୍କୁ  ହତ୍ୟା କରିବା ଯୋଜନା ପାଇଁ ବ୍ରିଟେନବାସୀ ପାକିସ୍ଥାନୀ ଗୋହିର ଖାଁକୁ ଦୋଷୀ ସାବ୍ୟସ୍ତ କରିଥିଲେ । ୧୬ ଫେବୃଆରୀ ୧୯୯୦ରେ ଜନ୍ମିତ ଅପରାଧୀ ଖାଁ ବିରୋଧରେ ଗତବର୍ଷ ଜୁନ୍‌ରେ ହତ୍ୟା ଅଭିଯୋଗ ଆସିଥିଲା । ୨୦୧୭ରେ ବ୍ଲଗର ଗୋରାୟାଙ୍କ ସମେତ ଅନ୍ୟ ପାଞ୍ଚ ଜଣ ବ୍ଲଗରଙ୍କୁ ଇସଲାମାବାଦରେ ଅପହରଣ କରାଯାଇ ପରେ ଛଡାଯାଇଥିଲା । ସେହି ଘଟଣା ପରେ ଗୋରାୟା ପାକିସ୍ଥାନ ଛାଡି ନେଦରଲାଣ୍ଡକୁ ଚାଲିଯାଇଥିଲେ ।

ହେଲେ ପାକ୍‌ରେ ଥିବା ମୂଳ ଅପହରଣକାରୀ ଗୋରାୟାଙ୍କୁ ହତ୍ୟା କରିବାଲାଗି ଖାଁଙ୍କୁ ଦାୟିତ୍ୱ ଦେଇଥିଲା । ଜେରାବେଳେ ଜଣାପଡିଥିଲା ଯେ ଗୋରାୟାଙ୍କୁ ହତ୍ୟା କରିବା ଯୋଜନାରେ ନେଦରଲାଣ୍ଡର ରଟନଡାମ୍‌କୁ ଅପରାଧୀ ଗସ୍ତ କରିଥିଲା । ହତ୍ୟାକାଣ୍ଡ ପାଇଁ ଏକଲକ୍ଷ ପାଉଣ୍ଡ ଦେବାକୁ କଥା ଛିଡିଥିବା ଜଣାପଡିଥିଲା । ଅଦାଲତରେ ଅଭିଯୁକ୍ତ କହିଥିଲା ଯେ ସେ ସେହି ହତ୍ୟାକାଣ୍ଡ ପାଇଁ ବେଶ୍ ଉତ୍ସାହୀ ହୋଇପଡିଥିଲା । ଅର୍ଥପାଇଁ ପରବର୍ତ୍ତୀ ସମୟରେ ସେପରି ଆକ୍ରମଣ ପାଇଁ ମଧ୍ୟ ସ୍ଥିର କରିଥିଲା । ପାକ୍‌ର ମଧ୍ୟସ୍ଥି ମୁଜାମିଲ ନାମକ ବ୍ୟକ୍ତି ୨୦୨୧ରେ ଖାଁ ସହ ଯୋଗାଯୋଗ କରି ୮୦ହଜାର ପାଉଣ୍ଡ ଦେବାକୁ କହିଥିଲା । ଅବଶିଷ୍ଟ ୨୦ହଜାର କମିଶନ ବାବଦକୁ ସେ ନେବ ବୋଲି ବୁଝାଇଥିଲା । ଅପରାଧୀ ଖାଁ ୧୩ବର୍ଷ ବୟସରେ ସ୍କୁଲ ଶିକ୍ଷା ପାଇଁ ବ୍ରିଟେନରୁ ଲାହୋରକୁ ଆସିଥିଲା । ସେଠାରେ ସରିଫ ଏଜୁକେସନ କଂପ୍ଲେକ୍ସରେ ରହି ୨୦୦୭ରେ ପରୀକ୍ଷା ନଦେଇ ଲଣ୍ଡନକୁ ଫେରିଯାଇଥିଲା । ଉର୍ଦ୍ଦୁରେ ପଢାଯାଉଥିବା ହେତୁ ବିଷୟ ବୁଝିବା କଷ୍ଟକର ଥିଲା ବୋଲି ଅପରାଧୀ କହିଥିଲା ।  ଅପରାଧୀର ପିତାମାତା ୧୯୭୦ବେଳକୁ ଲଣ୍ଡନ ଯାଇଥିଲେ । ସେଠାରେ ଖାଁର ଛଅଜଣ ଭାଇ ଭଉଣୀ ଥିଲେ । ଫରେଷ୍ଟ ଗେଟ୍ ଅଞ୍ଚଳରେ ବହୁ ବର୍ଷ ଧରି ତାଙ୍କ ପରିବାର ବସବାସ କରିଥିଲେ । ଅପରାଧୀ ଖାଁର ୩ରୁ ୧୧ ବର୍ଷ ବୟସର ୬ଟି ପିଲା ରହିଛନ୍ତି ।

ବ୍ରିଟେନର ସରକାର ପାକ୍ -ବ୍ରିଟେନ ମଧ୍ୟରେ ଥିବା ବନ୍ଦୀ ବଦଳ ବୁଝାମଣାକୁ ୨୦୧୯ରେ ରଦ୍ଦ କରିଥିଲେ ।  ଚୀନ ମଧ୍ୟ ଏପ୍ରକାର ବୁଝାମଣା ପାକ୍ ସହ ନକରିବା ପାଇଁ ପ୍ରକାଶ କରିଥିଲା । ଏପ୍ରିଲ ୨୦୧୮ରେ ପାକ୍ ସରକାର ଥାଇଲାଣ୍ଡରେ ଦୋଷୀ ସାବ୍ୟସ୍ତ ୧୭ପାକ୍ ନାଗରିକଙ୍କୁ ନିଜ ଦେଶକୁ ଫେରାଇ ଆଣିଥିଲେ । ଥାଇଲାଣ୍ଡରେ ଏହି ପାକ୍ ନାଗରିକମାନେ  ନିଶା କାରବାରରେ ଧରାପଡିଥିଲେ । ଥାଇଲାଣ୍ଡର ଆଇନ ଅନୁଯାୟୀ ନିଶା ଅଭିଯୁକ୍ତଙ୍କୁ ୪୦ବର୍ଷ କାରାଦଣ୍ଡ ଦେବାର ନିୟମ ରହିଛି ।  ନିଶାଦ୍ରବ୍ୟ ପରିମାଣ ଅନୁଯାୟୀ ଏହି ସଜା ୧୦ରୁ ୨୫ ବର୍ଷ ମଧ୍ୟରେ ରଖାଯାଇପାରେ । ଥାଇଲାଣ୍ଡରେ ଗତବର୍ଷ ୮୮ଜଣ ପାକିସ୍ଥାନୀଙ୍କୁ ନିଶା କାରବାର ପାଇଁ ସଜା ହୋଇଥିଲା । ସେମାନଙ୍କ ମଧ୍ୟରୁ ୪୮ଜଣଙ୍କୁ ପାକ୍ ଜେଲକୁ ପଠାଯାଇଥିଲା । ପ୍ରଥମ ଦଫାରେ ୧୭ଜଣଙ୍କୁ ଥାଇଲାଣ୍ଡରୁ ପାକିସ୍ଥାନକୁ ଆଣିବା ପାଇଁ ପାକ୍ ସରକାର ୩୫୦୦୦ ଡଲାର ଥାଇ ସରକାରଙ୍କୁ ଦେଇଥିଲେ । ପାକ୍ ସରକାର ଏପ୍ରକାର ବୁଝାମଣା ବ୍ରିଟେନ, ସଂଯୁକ୍ତ ଆରବ ଅମିରାତ, ଶ୍ରୀଲଙ୍କା, ଥାଇଲାଣ୍ଡ ଏବଂ ସ୍ପେନ ସହ କରିଛନ୍ତି ।

୧୬ ଡିସେମ୍ବର ୨୦୦୧ରେ ଇଂଲଣ୍ଡର ସରେ ଅଞ୍ଚଳରେ ଜଣେ ପାକ୍ ବ୍ୟବସାୟୀଙ୍କ ପୁଅକୁ ପିଟିପିଟି ହତ୍ୟାକରିବା ପରେ ନଦୀରେ ଫିଙ୍ଗିଦେଇ ରିଜୱାନ ହବିବ ଏବଂ ତାର ସାଥୀମାନେ ବିଦେଶକୁ ଚାଲିଯାଇଥିଲେ । ହତ୍ୟା ପରେ ମୃତ ଯୁବକର ପରିଚୟପତ୍ର ସେମାନେ ଚୋରିକରି ନେଇଥିଲେ । ଉକ୍ତ ମାମଲାର ବିଚାର ହୋଇ ଫେବୃଆରୀ ୨୦୦୪ରେ ଦଣ୍ଡ ଘୋଷଣା ହୋଇଥିଲା । ପରେ ଅପରାଧୀର ସହଯୋଗୀମାନଙ୍କୁ ସଂଯୁକ୍ତ ଆରବ ଅମିରାତ ଏବଂ ପାକିସ୍ଥାନରେ ଗିରଫ କରାଯାଇଥିଲେ ମଧ୍ୟ ମୁଖ୍ୟ ଅପରାଧୀ ଲୁଚି ବୁଲୁଥିଲା । ୨୦୧୫ରେ ଏଫ୍‌ଆଇଏ ଅଧିକାରୀମାନେ ଅପରାଧୀ ହବିବକୁ କାନାଡାରୁ ଗିରଫ କରି ବ୍ରିଟେନକୁ ଆଣିଥିଲେ । ହବିବର ଗୋଷ୍ଠୀ ମୃତ ଯୁବକର କ୍ରେଡିଟ କାର୍ଡ ଚୋରିକରି ଲାସ୍ ଭେଗାସ୍‌ରେ ଲକ୍ଷଲକ୍ଷ ଡଲାର ଖର୍ଚ୍ଚ କରିଥିଲେ । ପରେ ସେମାନେ ଅଷ୍ଟ୍ରେଲିଆ, ଦୁବାଇ ଏବଂ କାନାଡାକୁ ଚାଲିଯାଇଥିଲେ । ହବିବ୍ ଏବଂ ତାର ସହଯୋଗୀମାନେ ପାକ୍ ଜେଲରେ ରହିବାକୁ ପୂର୍ବ ବୁଝାମଣା ଅନୁଯାୟୀ ହସ୍ତାନ୍ତରିତ ହୋଇଥିଲେ । ୨୦୧୦ରେ ପିପିପିି ସରକାରଙ୍କ ସହ ବ୍ରିଟେନ ସରକାର ଏପ୍ରକାର ଅପରାଧୀ ହସ୍ତାନ୍ତରଣ ବୁଝାମଣା କରିଥିଲେ ।  ହେଲେ ଅଭିଯୁୁକ୍ତମାନେ ପାକ୍‌କୁ ଆସିବାପରେ ପଞ୍ଜାବ ପୁଲିସ ସହଯୋଗରେ ସେମାନେ ଖସିଯାଇଥିଲେ । ଅଭିଯୁକ୍ତମାନଙ୍କୁ ବ୍ରିଟେନ ପୁଲିସ ବହୁ ପରିଶ୍ରମ କରି ହବିବ୍‌କୁ କାନାଡାରୁ ଗିରଫ କରି ବ୍ରିଟେନକୁ ଆଣିବା ପରେ ତାକୁ ପାକିସ୍ଥାନକୁ ପଠାଯାଇଥିଲା । ପରେ ପଞ୍ଜାବ ପୁଲିସର ଯେଉଁ ଅଧିକାରୀମାନେ ହବିବ୍‌କୁ ଛାଡିଦେବାରେ ସହଯୋଗ କରିଥିଲେ ସେମାନଙ୍କୁ ଗିରଫ କରାଯାଇଥିଲା । ଏହାପରେ  ୨୦୧୨ରେ ଏହି ବୁଝାମଣାକୁ ବ୍ରିଟେନ ରଦ୍ଦ କରିଥିଲା । ପୁନର୍ବାର ୨୦୧୪ରେ ଏଥିରେ ସଂଶୋଧନ ସହ ଲାଗୁ କରାଯାଇଥିଲା ।

ବ୍ରିଟେନରେ ଏବେ ୧୮ଲକ୍ଷ ପାକ୍‌ବଂଶଜ ରହିଥିବା  କଥା କୁହାଯାଉଛି ।  ୨୦୨୦ ମସିହାର ହିସାବ ଅନୁଯାୟୀ ବ୍ରିଟେନରେ ପାକ୍ ଜନ୍ମିତ ୪୭୯୦୦୦ ବ୍ୟକ୍ତି ରହିଛନ୍ତି । ୨୦୧୭ ହିସାବରେ ପାକ୍ ପାସପୋର୍ଟଧାରୀ ୧,୮୮,୦୦୦ ବ୍ୟକ୍ତି ବ୍ରିଟେନରେ ରହୁଥିଲେ । ବ୍ରିଟିସ ନାଗରିକ ପାକିସ୍ଥାନୀଙ୍କ ସଂଖ୍ୟା ୧୪ଲକ୍ଷ ରହିଥିଲା । ବ୍ରିଟେନକୁ ପାକ୍ ଲୋକେ ଦ୍ୱିତୀୟ ଘର ବୋଲି ମନେ କରିଥାନ୍ତି । ତେଣୁ  ବ୍ରିଟେନରେ ପାକ୍ ମୂଳର ଲୋକେ ଦ୍ୱିତୀୟ ସଂଖ୍ୟାଲଘୁ ଗୋଷ୍ଠୀ । ୧୯୫୧ରେ ବ୍ରିଟିସ -ପାକିସ୍ଥାନୀ ଗୋଷ୍ଠୀ ୧୦ହଜାର ଥିଲାବେଳେ ୨୦୧୧ରେ ସେମାନଙ୍କ ସଂଖ୍ୟା ୧୧ଲକ୍ଷ ଅତିକ୍ରମ କରିଥିଲା । ସେମାନଙ୍କ ମଧ୍ୟରୁ ୯୦ ପ୍ରତିଶତ ଇଂଲଣ୍ଡ କିମ୍ବା ୱେଲସରେ ବସବାସ  କରୁଥିଲେ । ସେମାନଙ୍କ ମଧ୍ୟରୁ ସଂଖ୍ୟାଧିକ ସୁନ୍ନି ମୁସଲମାନ ।

ପ୍ରୀତି ପଟେଲଙ୍କ କହିିବାନୁସାରେ ବିଦେଶୀ ଅପରାଧୀମାନଙ୍କୁ ଦେଶରୁ ତଡିବା ପାଇଁ ତାଙ୍କ ମନରେ ଅନୁଶୋଚନା ନାହିଁ ଏବଂ ସେପରି ଲୋକେ ବ୍ରିଟେନରେ ରହିବା ଆବଶ୍ୟକ ନାହିଁ । ହିସାବରୁ ଜଣାଯାଇଛି ଯେ ବ୍ରିଟେନର ପ୍ରତି ୧୦୦୦ଜେଲ ଯାଉଥିବା ଲୋକଙ୍କ ମଧ୍ୟରେ ୧୪ଜଣ ପାକିସ୍ଥାନୀ, ୧୪ଜଣ ବଙ୍ଗଳାଦେଶୀ ରହୁଛନ୍ତି । ଏହି ସଂଖ୍ୟା ବ୍ରିଟେନ ସରକାରଙ୍କ ପାଇଁ ଚିନ୍ତାର କାରଣ ହୋଇଛି ।

ଦୀର୍ଘ ୬୦ବର୍ଷ ଧରି ବ୍ରିଟେନ -ଆମେରିକାର ସହଯୋଗୀ ରାଷ୍ଟ୍ର ରହିବା ଯୋଗୁ ଏହି ଦୁଇଦେଶରେ ପାକ୍ ଲୋକେ ପ୍ରବେଶ କରିବା ସହଜ ହୋଇଆସିଛି ।  ପାକିସ୍ଥାନୀ  ନିଶା ବ୍ୟବସାୟୀଙ୍କ ବ୍ରିଟେନରେ ୧୭୦ଲକ୍ଷ ପାଉଣ୍ଡ ମୂଲ୍ୟର ୫୯ଟି ସଂପତ୍ତିକୁ ୨୦୨୦ରେ ବ୍ରିଟେନ ପୁଲିସ ଜବତ କରିଥିଲା । ଇଂଲଣ୍ଡର ୱେଷ୍ଟ ମିଡଲାଣ୍ଡ ଅଞ୍ଚଳରେ ସେମାନେ ର‌୍ୟାକେଟ ଚଳାଇଥିଲେ । ଜୁଲାଇ ୨୦୧୭ରେ ଏହି ର‌୍ୟାକେଟର ମୁଖ୍ୟ ଅମିରାନ ଜେବ ଖାଁ ଏବଂ ତାର ୭ଜଣ ସହଯୋଗୀଙ୍କୁ  ପୁଲିସ ଗିରଫ କରିଥିଲା । ସେମାନଙ୍କୁ ବର୍ମିଂହମ କ୍ରାଉନ କୋର୍ଟ ୧୩୯ ବର୍ଷ ମୋଟରେ ଜେଲଦଣ୍ଡ ଦେଇଛନ୍ତି । ସେମାନଙ୍କ ସଂପତ୍ତି ଘର ଆକାରରେ ଭଡା ଦିଆଯାଇଥିଲା । ବର୍ମିଂହମ୍‌ର ବୋର୍ଡେସଲେ ଗ୍ରୀନ ଅଞ୍ଚଳରେ ଅଧିକାଂଶ ଘର ଥିଲା । ଷ୍ଟୋନୀ ଲେନ୍‌ରେ ୨୩୫୦୦ ପାଉଣ୍ଡ ମୂଲ୍ୟର ଘର ଥିଲା,  ଯାହା ଅପରାଧୀ ଆଓରଙ୍ଗଜେବ୍ ଖାଁର ରହିଥିଲା । ଡିସେମ୍ବର ୨୦୧୧ରୁ ଉତ୍ତର ଆୟର୍ଲ୍ୟାଣ୍ଡରେ ଅନୁସନ୍ଧାନ ଆରମ୍ଭ ହୋଇଥିଲା । ୨୦ ଜାନୁଆରୀ ୨୦୧୭ରେ ଅମିରାନ ଏବଂ ଆଓରଙ୍ଗଜେବ ବ୍ୟାଙ୍କ ଜମାରୁ ୧୦ଲକ୍ଷ ୭୫ ହଜାର ପାଉଣ୍ଡ ମିଳିଥିଲା । ଅକ୍ଟୋବର ୨୦୧୬ରେ ରିଆଜ ଅଲି ଶାହ, ନମିତ ଅଲି ଶାହ ଏବଂ ସହଯୋଗୀଙ୍କଠାରୁ ୧୦ଲକ୍ଷ ୮୦ ହଜାର ପାଉଣ୍ଡ ଜବତ ହୋଇଥିଲା । ଜୁଲାଇ ୨୦୧୮ରେ ଆଲାମ ଏବଂ ଅମିରାନ ଜେବ ଖାଁଠାରୁ ସେଲିପାର୍କ ସୋଲିହଲରୁ ୯ଲକ୍ଷ ପାଉଣ୍ଡର ସଂପତ୍ତି ଜବତ ହୋଇଥିଲା । ନଭେମ୍ବର ୨୦୧୮ରେ ୧୨୦ଲକ୍ଷ ୫୦ହଜାର ପାଉଣ୍ଡ ମୂଲ୍ୟର ୩୩ଟି ସଂପତ୍ତି ଜବତ ହୋଇଥିଲା । ଏବେ ବ୍ରିଟେନ ସରକାର ପାକ୍ ଅପରାଧୀଙ୍କୁ ଦେଶରୁ ତଡିବା ସହ ସେମାନଙ୍କ ସଂପତ୍ତି ଜବତ କରିବା ଏବଂ ବ୍ୟାଙ୍କ ଜମା ଜବତ କରିବା ଉପରେ ଅଧିକ ଜୋର ଦେଉଥିବା ଜଣାପଡିଛି । ଏହି ବୁଝାମଣା ପରେ ଏବେ ପାକ୍ ମିଡିଆରେ ଚିନ୍ତା ବଢିଯାଇଛି ।

ଭାରତୀୟ ସମ୍ବାଦ ସେବା (ଭାସ୍‌)

ଭୁବନେଶ୍ୱର-୭୫୧୦୦୩

Author Image

Soumendra Jena

Recent Posts

The Independence:vegetarian-in-world

ବିଶ୍ୱରେ ଶାକାହାର

The Independence:Rajasthan-Shakeel-Nasir-among-3-arrested-for-beating-a-tribal-man-to-death-over-drawing-water-from-a-tube-well-booked-under-SCST-Act

ରାଜସ୍ଥାନ: ଟ୍ୟ।ପରୁ ପାଣି ନେବାରୁ ଜଣେ ଆଦିବାସୀଙ୍କୁ ପିଟି ପିଟି ହତ୍ୟା କଲେ ସକିଲ, ନାସିର

The Independence:Dhamanagar-Byeelection-Odisha-Politics

ଧାମନଗର ଉପନର୍ବାଚନର ସନ୍ଦେଶ

The Independence:Hyderabad-FIR-Registered-Against-Christian-Family-Who-Had-Abused-Hindus-For-Making-Rangoli-On-Diwali

ଦିପାବଳୀ ରଙ୍ଗୋଲି କରିବାରୁ ହିନ୍ଦୁ ପରିବାରଙ୍କୁ ଆକ୍ରମଣ କରିଥିବା ଖ୍ରୀଷ୍ଟିଆନଙ୍କ ଉପରେ ପୋଲିସରେ ମୋକଦ୍ଦମା

The Independence:Delhi-Bajrang-Dal-worker-Nitesh-dies-after-he-was-beaten-by-Ufiza-Adnan-and-Abbas-3-days-ago-police-deny-communal-angle

ଦିଲ୍ଲୀ : ବଜରଙ୍ଗ ଦଳରେ କାମ କରୁଥିବାରୁ ନିତେଶଙ୍କୁ ହତ୍ୟା କରିଲେ ୟୁଫିଜା, ଆଦନାନ ଓ ଆବାସ, ହତ୍ୟାକାରୀଙ୍କୁ ଗିରଫ କରୁନାହିଁ ପୋଲିସ

The Independence:The-News-Bangla-editor-Manab-Guha-arrested-by-Kolkata-police-after-he-covered-Mominpur-anti-Hindu-pogrom

ପଶ୍ଚିମବଙ୍ଗ: ହିନ୍ଦୁମାନଙ୍କ ଉପରେ ଆକ୍ରମଣର ଖବର ପ୍ରକାଶିତ କରିବାରୁ ସାମ୍ବାଦିକଙ୍କୁ ଗିରଫ କରିଲା ପୋଲିସ

The Independence:DMK-Doesnt-Wish-For-Deepavali-Old-Video-Of-DMK-MP-A-Raja-Derogating-Hindu-Festival-Resurfaces

ତାମିଲନାଡୁ: କାହିଁକି ଡିଏମକେ ଚାହେଁନି ଦିପାବଳୀ ପାଳନ, ସାଂସଦ ଏ ରାଜାଙ୍କର ପୁରୁଣା ଭିଡିଓ ଭାଇରାଲ

The Independence:Battle-of-Haifa-in-the-First-World-War-and-the-bravery-of-Indian-soldiers

ପ୍ରଥମ ବିଶ୍ୱଯୁଦ୍ଧର ହାଇଫା ଯୁଦ୍ଧ ଯେଉଁଥିରେ ଭାରତୀୟ ସୈନିକ ଦେଖାଇଥିଲେ ବିରତ୍ୱ

The Independence:Dhamanagar-Bye-Election

ଧାମନଗର ଉପନର୍ବାଚନର ପାଣିପାଗ

The Independence:Aam-Adami-Party-Anti-Hindu-Agenda

ଆମ ଆଦମି ପାର୍ଟିର ହିନ୍ଦୁ ବିରୋଧୀ ଏଜେଣ୍ଡା

The Independence:India-Foreign-Policy

ସମରକନ୍ଦର ସନ୍ଦେଶ

The Independence:Pollution-in-Space-Opinion

ମହାକାଶରେ ମଇଳା

The Independence:Love-jihad-in-West-Bengal-Seikh-Raja-raped-murdered-girlfriend-Rubi-Kumari

ପଶ୍ଚିମବଙ୍ଗରେ ଲଭ ଜିହାଦ ରୁବି କୁମାରୀଙ୍କୁ ବଳାତ୍କାର ପରେ ହତ୍ୟା କଲା ପ୍ରମିକ ଶେଖ ରାଜା

The Independence:Pakistan-Jindabad-Slogan-Odisha-Bhubaneswar

ରାଜଧାନୀ ଭୁବନେଶ୍ୱର ଉପକଣ୍ଠରେ ଉଠିଲା ପାକିସ୍ତାନ ଜିନ୍ଦାବାଦ ନାରା, ପୋଲିସରେ ଅଭିଯୋଗ ପରେ ମଧ୍ୟ କାର୍ଯ୍ୟାନୁଷ୍ଠାନ ଶୂନ, ଅଭିଯୋଗ ଉଠାଇବା ପାଇଁ ଓଲଟା ଧମକ

The Independence:Unhealthy-India

ଅସୁସ୍ଥ ଭାରତର ଭବିଷ୍ୟତ

The Independence:Hyderabad-2-burqa-clad-women-held-for-vandalizing-Goddess-Durga-idol-in-Durga-Puja-Pandal

ହାଇଦ୍ରାବାଦ ବୁର୍ଖା ପିନ୍ଧା ମହିଳାଙ୍କ ଘୃଣ୍ୟ କାମ, ମେରି ଖ୍ରୀଷ୍ଟଙ୍କ ମୃତି ଭାଙ୍ଗିଲା ପରେ ଦୁର୍ଗାଙ୍କ ମୃତି ଭାଙ୍ଗିବା ପାଇଁ ଆସି ଧରାପଡିଲେ

The Independence:Assam-Anjali-Biswas-was-brutally-stabbed-by-Rafiq-Ali-for-refusing-marriage-proposal

ଆସାମ: ବିବାହ କରିବା ପାଇଁ ମନା କରିଦେବାରୁ ଅଂଜଳି ବିଶ୍ୱାସଙ୍କୁ ଛୁରି ମାରିଲା ରଫିକ ଅଲ୍ଲି

The Independence:Rise-of-Nationalism-in-Europe-Stop-Islamisation

ଦୋ’ଛକିରେ ୟୁରୋପ

The Independence:Nexus-and-Minority-appeasement-Waqf-and-Congress

କଂଗ୍ରେସ ଓ ଓାକଫ ବୋର୍ଡର ନାପାକ ଯୁଗଳ ବନ୍ଦୀ

The Independence:National-Logistics-Policy-of-India-Shaping-Logistics-of-Future

ରାଷ୍ଟ୍ରୀୟ ବସ୍ତୁ ପରିବହନ ନୀତି

The Independence:Justice-For-Aditya-15-year-old-Aditya-Tiwari-stabbed-to-death-Taif-Khan-absconding-Bihar-News

ଯେଉଁ ଖବରରେ ଲିବେରାଲ ଲୁହ ବୁହାନ୍ତି ନାହିଁ କି ଗଣମାଧ୍ୟମ ଦେଖାଏ ନାହିଁ, ୧୫ ବର୍ଷର ଆଦିତ୍ୟ ତିଓାରିକୁ ଛୁରି ମାରି ହତ୍ୟା, ହତ୍ୟାକାରୀ ତୈଫ ଖାନ ଫେରାର

The Independence:British-Hindus-protest-The-Guardians-fake-news-against-India--Hindus

ଦି ଗାର୍ଜିଆନର ହିନ୍ଦୁ ବିରୋଧୀ ନୀତି ବିରୋଧରେ ଲଣ୍ଡନରେ ବିକ୍ଷୋଭ

The Independence:Navratri-Dharmic-festival-not-a-cultural-one-so-if-idol-worship-for-you-is-a-sin-maybe-dont-insist-in-coming-for-garba

ନବରାତ୍ରୀ ଏକ ଧାର୍ମୀକ ଉସ୍ତ୍ରବ, ଯେଉଁମାନେ କେବଳ ଗରବାକୁ ନାଚିବା, ମୌଜ, ମସ୍ତି ପାଇଁ ଯାଉଛନ୍ତି, ଦେବୀଙ୍କୁ ପୂଜା କରୁନାହାନ୍ତି କି ପ୍ରସାଦ ଖାଉନାହାନ୍ତି ସେମାନେ ନଗଲେ ଭଲ

The Independence:Unveiled-and-rising-up-How-protests-in-Iran-cut-to-the-heart-of-national-identity

ହିଜାବର ହୋଲି

The Independence:Operation-Octopus-NIA-Raids-Banned-PFI

ଅପରେସନ ଅକ୍ଟୋପସ