ଏହି ଭିଡିଓକୁ ଦେଖନ୍ତୁ । ଏହି ଭିଡିଓଟି ହେଉଛି ପଡୋଶୀ ଛତିଶଗଡ ରାଜ୍ୟର ରାଜଧାନୀ ରାୟପୁରର (Raipur) । ଏହି ଭିଡିଓରେ ଦେଖିବାକୁ ମିଳୁଛି ଯେ ରାୟପୁର ମହାନଗର ନିଗମର (Raipur Municipality Commissioner) ନେଉଥିବା ଗାଡିରେ ଗଣେଶଙ୍କ ପ୍ରତିମୂର୍ତିକୁ ଭାବେ ନିଆ ଯାଉଛି । ତା ପରେ କିପରି ଭାବେ ଗଣେଶଙ୍କ ମୂର୍ତିକୁ ଫିଙ୍ଗା ଯାଇ ବିସର୍ଜନ କରା ଯାଉଛି । ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଜନସାଧାରଣଙ୍କ ମଧ୍ୟରେ ପ୍ରବଳ ଉତେଜନା ଦେଥା ଦେଇଛି ଓ ରାୟପୁରର ମେୟର ଏଜାଜ ଧେବରଙ୍କ ବିରୁଦ୍ଧରେ ଲୋକ ମାନେ ତାତିଛନ୍ତି ।
ରାୟପୁର ସହରରେ ଦଶ ଦିନ ଧରି ଗଣେଶ ପୂଜା ପାଳନ କରା ଯାଇଥାଏ । ପୂଜା ସରିବା ପରେ କିପରି ଭାବେ କୋବିଡ ଗାଇଡଲାଇନ ଅନୁସାରେ ନିୟମ ମାନି ବିସର୍ଜନ (Ganesh Visarjan) କେଉଁ ଠାରେ ଓ କିପରି ଭାବେ କରା ଯାଇ ପାରିବ ସେ ନେଇ ପ୍ରଶାସନ ପକ୍ଷରୁ ଏକ ମାର୍ଗଦର୍ଶିକା ଜାରୀ କରା ଯାଇଥିଲା ।
ଏଥିରେ ଲୋକ ମାନଙ୍କୁ ନିଶ୍ଚିତ ସ୍ଥାନରେ ବିସର୍ଜନ କରିବାକୁ ଓ କେବଳ ଦିନରେ ବିସର୍ଜନ କରିବାକୁ ଅନୁମତି ଥିବା କୁହା ଯାଇଥିଲା । ତେବେ ହଠାତ୍ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଥିଲା ଯେଉଁଥିରେ ମ୍ୟୁନିସିପାଲିଟି କର୍ମଚାରୀ ମାନେ ବର୍ଜ୍ୟବସ୍ତୁ (Garabge Truck) ନେଉଥିବା ବାହନରେ ମୂର୍ତିକୁ ରଖି ନେଉଥିବା ଦେଖା ଯାଇଥିଲା ।
ସେହପରି ଏକ ଅନ୍ୟ ଭିଡିଓ ମଧ୍ୟ ଭାଇରାଲ ହୋଇଥିଲା ଯେଉଁଥିରେ ମ୍ୟୁନିସିପାଲିଟି କର୍ମଚାରୀ ମାନେ ପାଖାପାଖି ଦଶ ଫୁଟ ଦୂରରୁ ମୂର୍ତି ଗୁଡିକୁ ଫିଙ୍ଗୁଥିବା ଦେଖା ଯାଉଛି ।
ଏହି ଭିଡିଓ ଭାଇରାଲ ହେବା ପରେ ରାୟପୁରର ଜନ ସାଧାରଣ ତାତି ଯାଇଥିଲେ ଓ ମେୟର ଏଜାଜ ଧେବରଙ୍କୁ ଘେରାଉ କରି ତାଙ୍କ ବିରୋଧରେ ନାରାବାଜୀ କରିଥିଲେ ।
ଲୋକ ମାନଙ୍କ କହିବାର ଥିଲା ଯେ ଯେଉଁ ମାନେ ଦଶ ଦିନ ଧରି ଗଣେଶ ପୂଜା କରିଛନ୍ତି ସେମାନେ ନିଜେ ବିସର୍ଜନ କାମ କରି ପାରିଥାନ୍ତେ । ତାଙ୍କ ପାଇଁ ଏପରି କରିବା କିଛି ଅସୁବିଧା ନ ଥିଲା ।
ଯଦି ରାୟପୁର ମହାନଗର ନିଗମ ଏହି କାମ କରିବା ପାଇଁ ଅସମର୍ଥ ଥିଲା ତେବେ ତାକୁ ଏହି କାମ ନିଜ ହାତକୁ ନେବା ଉଚିତ ନ ଥିଲା ।
ଲୋକ ମାନେ ମହାନଗର ନିଗମର କଥାକୁ ବିଶ୍ୱାସ କରି ସେମାନଙ୍କୁ ବିସର୍ଜନ ପାଇଁ ମୂର୍ତି ପ୍ରଦାନ କରିଥିଲେ । ହେଲେ ମହାନଗର ନିଗମ ମୂର୍ତି ଗୁଡିକ ସହ ଏପରି ବ୍ୟବହାର କରି ଲୋକ ମାନଙ୍କର ଭାବନା ସହ ଖେଳ ଖେଳିଛି । ଏପରି କାମ ହାତକୁ ନେଇ ଗଣେଶ ମୂର୍ତିକୁ ଅସମ୍ମାନ କରିବା ମହାନଗର ନିଗମ ପକ୍ଷରେ ଠିକ ହୋଇ ନାହିଁ ।