ରାଜ୍ୟ ସରକାର କରୋନା ଚିକିସ୍ତ୍ରା କରୁଥିବା ସ୍ୱାସ୍ଥ୍ୟସେବାର ସମସ୍ତ ସ୍ୱାସ୍ଥ୍ୟକର୍ମୀ ଯେପରିକି ଡାକ୍ତର, ନର୍ସ ଓ ଅନ୍ୟ ମେଡିକାଲ ଷ୍ଟାଫଙ୍କ ଉପର ସୁରକ୍ଷା ପାଇଁ ବଡ ପଦକ୍ଷେପ ନେଇଛନ୍ତି । ସେମାନଙ୍କୁ ଯଦି କିଏ ଆକ୍ରମଣ କରେ ତାହେଲେ ତା ବିରୋଧରେ ଏନଏସଏ ବା ରାଷ୍ଟ୍ରୀୟ ନିରାପତା ଆଇନ ଅନୁସାରେ କଡା କାର୍ଯ୍ୟାନୁଷ୍ଠାନ ହେବ । ଯଦିଓ ନିଷ୍ପତିରେ ବିଳମ୍ବ ହୋଇଛି ତାହେଲେ ବି ଏହା ଅତ୍ୟନ୍ତ ଆବଶ୍ୟକିୟ ଥିଲା ଓ ନିଷ୍ପତି ସ୍ୱାଗତଯୋଗ୍ୟ । ହେଲେ ଖାଲି ଡାକ୍ତର କାହିଁକି ? କରୋନା ଲଢାଇରେ ଅନ୍ୟତମ ମହାନାୟକ ପୋଲିସଙ୍କ ଉପରେ ଆକ୍ରମଣ ହେଲେ କାହିଁକି ଲାଗିବନି ଏନଏସଏ । ରାଜ୍ୟ ସରକାର ସେ ଦିଗରେ ଚିନ୍ତା କରନ୍ତୁ । କୋରନା ଲକଡାଉନରେ ଦିନରାତି ଏକ କରି ନିଜ କର୍ତ୍ୟବ ସମ୍ପାଦନା କରୁଥିବା ପୋଲିସମାନଙ୍କ ସୁରକ୍ଷା ପାଇଁ ରାଜ୍ୟ ସରକାର ତୁରନ୍ତ ପୋଲିସ ମାନଙ୍କୁ ଆକ୍ରମଣ କରିଥିବା ସେହି ଅପରାଧୀମାନଙ୍କ ବିରୋଧରେ ଏନଏସଏ ଲାଗୁକରନ୍ତୁ ।
ଡାକ୍ତର ବା ସ୍ୱାସ୍ଥ୍ୟକର୍ମୀମାନଙ୍କ ଅପେକ୍ଷା ପୋଲିସ ଉପରେ ଆକ୍ରମଣର ସମ୍ଭାବନା ବେଶି । ପୋଲିସ ସବୁବେଳେ ବାହାରେ କାମ କରେ । ଲକଡାଉନକୁ କଡାକଡି ଭାବେ ଲାଗୁକରିବା ହେଉ ବା କରୋନା ସଂକ୍ରମିତ ବାହାରିଥିବା ଅଂଚଳକୁ ସିଲ କରିବା ହେଉ ସବୁ କାମ ପୋଲିସ ହିଁ କରିବ । ଏପରିକି କରୋନା ରୋଗୀଙ୍କ ସହି କେଉଁ କେଉଁ ମାନେ ମିଶିଛନ୍ତି ସେମାନଙ୍କର ଚିହ୍ନଟ କରିବା କାମ ବି ପୋଲିସର । କାମ କରିବା ବେଳେ ଅପରାଧୀମାନସିକତାର ଲୋକମାନେ ପୋଲିସ ଉପରେ ଆକ୍ରମଣ କରିବାର ସମ୍ଭାବନା ଅଛି । ଏବେ କଟକରେ ଓ ମୟୁରଭଂଜରେ ପୋଲିସ ଉପରେ ଆକ୍ରମଣ ହୋଇଛି । ଦେଶର ଅନ୍ୟ ରାଜ୍ୟମାନଙ୍କରେ ବି ପୋଲିସ ଉପରେ ଟେକାମାଡ, ଆକ୍ରମଣ କରାଯାଉଛି । ଉତର ପ୍ରଦେଶର ଯୋଗୀ ଆଦିତ୍ୟନାଥଙ୍କ ସରକାର ପୋଲିସଙ୍କ ଉପରେ ଆକ୍ରମଣ ହୋଇଥିବା ସମସ୍ତ ଘଟଣାରେ ରାଷ୍ଟ୍ରଦୋହ ମାମଲା ରୁଜୁ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ତାହେଲେ ଓଡିଶା କାହିଁକି ନୁହେଁ ?