ଜାମ୍ମୁ କାଶ୍ମୀରରେ ଅନୁଚ୍ଛେଦ 370କୁ ଉଚ୍ଛେଦ କରି 2 ବର୍ଷରୁ ଅଧିକ ସମୟ ହୋଇ ସାରିଲାଣି । ସୁରକ୍ଷା ବ୍ୟବସ୍ଥାକୁ କଡାକଡି କରାଯିବା ଓ ଅତିରିକ୍ତ ସୁରକ୍ଷା ପାଇଁ ଆତଙ୍କବାଦୀ ମାନେ କୌଣସି ଅପ୍ରିୟ ଘଟଣା ଘଟାଇ ପାରି ନ ଥିଲେ । ସମସ୍ତ ବିଛିନ୍ନତାବାଦୀ ଓ ପାକିସ୍ତାନ ସମର୍ଥକ କାଶ୍ମୀରୀ ନେତାଙ୍କୁ ସେମାନଙ୍କ ଘରେ ନଜରବନ୍ଦ କରି ରଖାଯାଇଥିଲା । କିନ୍ତୁ ବର୍ତମାନ ପୁଣି ଥରେ କାଶ୍ନୀର ଉପତ୍ୟକାରେ ହିନ୍ଦୁ ଓ ଶିଖ ମାନଙ୍କର ହତ୍ୟା ଆରମ୍ଭ ହୋଇ ଗଲାଣି। ଏହି ସମୟରେ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ପୁରୁଣା ବକ୍ତବ୍ୟକୁ ଲୋକ ମାନେ ମନେ ପକାଉଛନ୍ତି ।
84 ବର୍ଷୀୟ ଫାରୁକ ଅବଦୁଲ୍ଲା ନ୍ୟାସନାଲ କନଫ୍ରେନ୍ସର ସଭାପତି । ସେ ରାଜ୍ୟର ମୁଖ୍ୟମନ୍ତ୍ରୀ ରହି ସାରିଛନ୍ତି । ତାଙ୍କର ପୁଅ ଫାରୁକ ଅବଦୁଲ୍ଲା ମଧ୍ୟ ଜାମ୍ମୁ କାଶ୍ମୀରର ମୁଖ୍ୟମନ୍ତ୍ରୀ ରହି ସାରିଛନ୍ତି । ତେଣୁ ତାଙ୍କର ବକ୍ତବ୍ୟକୁ ହାଲୁକା ଭାବେ ନିଆ ଯାଇ ପାରିବ ନାହିଁ ।
ତାଙ୍କର ଏହି ବକ୍ତବ୍ୟ ସେ ଅନୁଚ୍ଛେଦ 370 ହଟିବାର ଚାରି ମାସ ପୂର୍ବରୁ ଅର୍ଥାତ ଏପ୍ରିଲ 2019ରେ ଦେଇଥିଲେ ।
ସେ କହିଥିଲେ – ସେମାନେ ଭାବୁଛନ୍ତି ଯେ ବାହାରୁ ଲୋକ ଆଣି ଏଠାରେ ବସାଇବେ ଓ ଆମେ ଶୋଇ ରହିଥିବୁ । ଅନୁଚ୍ଛେଦ 370କୁ ହଟାଇବେ ? ଆଲ୍ଲାହଙ୍କ ରାଣ ଖାଇ କହୁଛି ଏହା ଆଲ୍ଲାହକୁ ମଂଜୁର ହେବ ନାହିଁ । ଆମେ ସେମାନଙ୍କ ଠାରୁ ସ୍ୱାଧୀନ ହୋଇଯାଉ । ଆମେ ମଧ୍ୟ ଦେଖିବୁ ଏମାନଙ୍କର ପତାକା ଧରିବାକୁ କିଏ ରହିବ ।