ଗତକାଲିର ଟି-20 ବିଶ୍ବକପରେ ଭାରତ – ପାକିସ୍ତାନ ମ୍ୟାଚରେ ପାକିସ୍ତାନର ବିଜୟ ପରେ ରାଜଧାନୀ ଦିଲ୍ଲୀ ସମେତ ଦେଶର ଅନେକ ସ୍ଥାନରେ ବାଣ ଫୁଟିବା ଠାରୁ ଆରମ୍ଭ କରି ଖୁସିରେ ଉଲ୍ଲସିତ ହେବାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହାକୁ ନେଇ ସୋସିଆଲ ମିଡିଆରେ ପ୍ରବଳ ପ୍ରତିକ୍ରିୟା ଦେଖା ଦେଇଛି ।
ଦିଲ୍ଲୀର ଜଣେ ସାମାଜିକ କାର୍ଯ୍ୟକର୍ତା ଅବିରଲ ଶର୍ମା ତାଙ୍କର ଟ୍ୱିଟର ହ୍ୟାଣ୍ଡେଲରେ ଏପରି ଏକ ଭିଡିଓ ଶେୟାର କରିଛନ୍ତି ।
ବରିଷ୍ଠ ସାମ୍ବାଦିକ ଅଶୋକ ଶ୍ରୀବାସ୍ତବ ଏହା ଉପରେ ମନ୍ତବ୍ୟ ଦେଇ ଲେଖିଛନ୍ତି ଯେ - ଏହି ଭିଡିଓ ରାଜଧାନୀ ଦିଲ୍ଲୀର ସୀମାପୁରୀ ଅଂଚଳର ବୋଲି କୁହାଯାଉଛି । ଏଠାରେ ମୁସଲମାନ ମାନେ ସଂଖ୍ୟାଗରିଷ୍ଠ । ପାକିସ୍ତାନର ବିଜୟର ଖୁସି ମନାଯାଉଛି । ଯାହା କେବେ କାଶ୍ମୀରରେ ହେଉଥିଲା ତାହା ଏବେ ରାଜଧାନୀରେ ହେଉଛି । ଦିପାବଳୀରେ ହିନ୍ଦୁ ମାନେ ବାଣ ଫୁଟାଇ ପାରିବେ ନାହିଁ, ହେଲେ ପାକିସ୍ତାନ ପାଇଁ ମୁସଲମାନ ମାନେ ବାଣ ଫୁଟାଇ ପାରିବେ । -
କିଛି ଲୋକ କହିଛନ୍ତି ଯେ ଏହି ଭିଡିଓ ବାହାଘରର ମଧ୍ୟ ହୋଇ ପାରେ । ଏହାର ଉତ୍ତରରେ କିଛି ଲୋକ କହିଛନ୍ତି ଯେ ଦି ଲ୍ଲୀରେ ବାଣ ଫୁଟା ସମ୍ପୂର୍ଣ ବନ୍ଦ ଥିବା କାରଣରୁ ପୋଲିସ ସେମାନଙ୍କୁ ଗିରଫ କରିବା କଥା । ହେଲେ ଏବେ ଯାଏ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ ।
ଠିକ ସେହିପରି ଦିଲ୍ଲୀ ବିଜେପିର ପ୍ରବକ୍ତା ଅଜୟ ଶେହରାୱତ ପାକିସ୍ତାନର ବିଜୟରେ ଖୁସି ମନାଉଥିବାର କାଶ୍ମୀରର ଏକ ଭିଡିଓ ଶେୟାର କରିଛନ୍ତି ।
ସେ ଏହି ଭିଡିଓ ଶେୟାର କରି କହିଛନ୍ତି ଯେ ଦେଶର ସୈନିକ ମାନଙ୍କ ବଳିଦାନରେ ଖୁସି ମନାନ୍ତି, ଏମାନଙ୍କ ପାଇଁ ତ ଏହା ଛୋଟ କଥା ।
ସେହିପରି ଡାକ୍ତର ମୋନିକା ଲାଙ୍ଘେ ନାମକ ଜଣେ ଡାକ୍ତର ଶ୍ରୀନଗରର ଏସକେଆଇଏମଏସ ମେଡିକାଲ କଲେଜର ଏକ ଭିଡିଓକୁ ଶେୟାର କରିଛନ୍ତି । ସେ କହିଛନ୍ତି ଯେ ଏହି ମେଡିକାଲ କଲେଜର ଏମବିବିଏସ ଓ ପିଜି ଛାତ୍ର ମାନେ ଭାରତଠାରୁ ପାକିସ୍ତାନର ବିଜୟରେ ଖୁସି ମନାଉଛନ୍ତି । ଏଭଳି ଦେଶଦ୍ରୋହୀଙ୍କ ଦେଖି ଲଜ୍ଜା ଲାଗୁଛି ।