The Independence:Greta-Thunberg-reveals-conspiracy-trouble-India-The-Independence

 ଭାରତ ସରକାରଙ୍କ ଦ୍ୱାରା କୃଷି ଆଇନ ବିରୁଦ୍ଧରେ ଦୀର୍ଘ ଦିନ ଧରି ପଂଜାବ, ହରିଆଣା ଓ ପଶ୍ଚିମ ଉତର ପ୍ରଦେଶର କିଛି ଚାଷୀ ସଂଗଠନ ଆନ୍ଦୋଳନ କରୁଛନ୍ତି । ଭାରତ ସରକାର ଏହି ଆନ୍ଦୋଳନକାରୀ ମାନଙ୍କର ସହ କଥାବାର୍ତା କରୁଛନ୍ତି ଓ ତାଙ୍କର ଦାବି ଅନୁସାରେ ଦେଢ ବର୍ଷ ପାଇଁ ଏହି ଆଇନକୁ କାର୍ଯ୍ୟକାରୀ ନ କରିବା ପାଇଁ ମଧ୍ୟ ପ୍ରସ୍ତାବ ଦେଇଛନ୍ତି । ହେଲେ ଏହି ଚାଷୀ ସଂଗଠନ ମାନେ ସେମାନଙ୍କର ଜିଦରେ ଅଟଳ ଅଛନ୍ତି ଯେ ଏହି ଆଇନକୁ ରଦ୍ଦ କରା ଯାଉ । ସେମାନେ ସରକାର, ସୁପ୍ରିମକୋର୍ଟ କାହାର କଥା ଶୁଣିବାକୁ ପ୍ରସ୍ତୁତ ନାହାନ୍ତି । ଗଣତନ୍ତ୍ର ଦିବସରେ ଟ୍ରାକ୍ଟର ରାଲୀ ନାମରେ ଯେଭଳି ଏହି ଚାଷୀ ସଂଗଠନର ଲୋକ ମାନେ ଦିଲ୍ଲୀର ରାଜରାସ୍ତାରେ ହିଂସା ଓ ଉପଦ୍ରବ କଲେ । ଚାଷୀ ମାନଙ୍କ ନାମରେ ଚାଲିଥିବା ଏହି ଅରାଜକତାବାଦକୁ ଦିଲ୍ଲୀ ପୋଲିସ ଅତ୍ୟନ୍ତ ଧୈର୍ଯ୍ୟପୂର୍ବକ ବ୍ୟବହାର କଲା । ସେଥିରୁ ସ୍ପଷ୍ଟ ଯେ ସରକାର ଚାହୁ ନାହାନ୍ତି ଯେ ଏହି ଘଟଣା ଆଗକୁ ନ ବଢୁ ।

ପଂଜାବର ମୁଖ୍ୟମନ୍ତ୍ରୀ କ୍ୟାପ୍ଟେନ ଅମରିନ୍ଦର ସିଂହଙ୍କ ଠାରୁ ଆରମ୍ଭ କରି ପଂଜାବର ଅନ୍ୟ କଂଗ୍ରେସ ସାଂସଦ ମଧ୍ୟ ସ୍ପଷ୍ଟ କରି ସାରିଛନ୍ତି ଯେ ଏହି ଆନ୍ଦୋଳନ ଦେଶର ସୁରକ୍ଷା ପାଇଁ ବିପଜ୍ଜନକ ହୋଇ ସାରିଲାଣି । ଏହି ଆନ୍ଦୋଳନର ନେତୃତ୍ୱ ଖାଲିସ୍ତାନୀ, ଇସଲାମିଷ୍ଟ ଓ ନକ୍ସଲବାଦୀ ମାନଙ୍କର ହାତରେ ରହିଛି । ଏହା ପାଇଁ ଫଣ୍ଡିଂ ଓ ଯୋଜନା ବାହାରୁ ହେଉଛି । ବୋଧ ହୁଏ ଏହି କାରଣ ପାଇଁ ସରକାର ଦେଢ ବର୍ଷ ପାଇଁ ଆଇନକୁ ସ୍ଥଗିତ କରିବା ପ୍ରସ୍ତାବ ଦେବା ସତ୍ୱେ ସେମାନେ ଏହି କଥାକୁ ଶୁଣିବାକୁ ନାରାଜ । ବର୍ତମାନ ଯାଏ ଏହି ଅରାଜକତାବାଦୀ ଆନ୍ଦୋଳନ ପଛରେ ପାକିସ୍ତାନ ଓ କାନାଡାରେ ବସିଥିବା ଖଲିସ୍ତାନୀ . ଇସଲାମିଷ୍ଟ ଓ ନକ୍ସଲବାଦୀ ମାନେ ଥିବା ଅନୁମାନ କରା ଯାଉଥିଲା । ମାତ୍ର ଗତ କିଛି ଦିନ ହେଲା କିଛି ତଥାକଥିତ ବିଦେଶୀ ସେଲିବ୍ରିଟି ଟ୍ୱିଟର ଜରିଆରେ ଏହି ଆନ୍ଦୋଳନକୁ ଡେଇଁଛନ୍ତି । ଏମାନଙ୍କ ମଧ୍ୟରେ ଏମିତି ସେଲିବ୍ରିଟି ଅଛନ୍ତି ସେମାନଙ୍କୁ ଭାରତୀୟ ସଂସଦରେ ପାରିତ ହୋଇଥିବା କୃଷି ଆଇନ ସମ୍ପର୍କରେ ଜ୍ଞାନ ଥିବା ତ ଦୂରର କଥା ବୋଧ ହୁଏ ଏହା ଜଣା ନ ଥିବ ଯେ ବିଶ୍ୱ ଭାରତ କେଉଁଠି ଅଛି । ତଥାପି ସେମାନେ ଚାଷୀ ଆନ୍ଦୋଳନ ସମର୍ଥନରେ ଟ୍ୱିଟ କରି ଭାରତକୁ କାଠଗଡାରେ ଠିଆ କରାଇଛନ୍ତି ।
ସବୁଠାରୁ ବଡ କଥା ହେଲା ଯେ ତଥାକଥିତ ଲବିଷ୍ଟ ପରିବେଶବିତ ଗ୍ରେଟା ଥନବର୍ଗଙ୍କ ଟ୍ୱିଟ ପରେ ଭାରତ ବିରୁଦ୍ଧରେ କିଭଳି ଭାବେ ବୈଶ୍ୱିକ ଷଡଯନ୍ତ୍ର ହୋଇଛି ତାର ପ୍ରମାଣ ମିଳିଛି । ଫେବୃଆରୀ ମାସ ୨ ତାରିଖ ଦିନ ଗ୍ରେଟା ଟ୍ୱିଟ କଲା ବେଳେ ଭୁଲରେ ଏକ ଟୁଲ କିଟ ମଧ୍ୟ ଶେୟାର କରି ଦେଇଥିଲେ । ତେବେ ତାଙ୍କୁ ଏ ବିଷୟରେ ଜଣା ପଡିଲା ପରେ ସେ ସଙ୍ଗେ ସଙ୍ଗେ ଏହାକୁ ଡିଲିଟ କରି ଦେଇଥିଲେ । ତେବେ ତାଙ୍କର ଏହି ଭୁଲ କାରଣରୁ ଅନେକ କିଛି ଷଡଯନ୍ତ୍ରର ପର୍ଦାଫାସ ହୋଇ ଯାଇଛି । ଏହି ଟୁଲ କିଟରେ ଭାରତ ବିରୁଦ୍ଧରେ କିପରି ସୁନିୟୋଜିତ ଭାବେ ବୈଶ୍ୱିକ ସ୍ତରରେ ଯୋଜନା ପ୍ରସ୍ତୁତ କରା ଯାଇଛି ତାର ରହସ୍ୟୋଦଘାଟନ ହୋଇଛି । ଗ୍ରେଟାଙ୍କ ଦ୍ୱାରା ଭୁଲବଶତଃ ଶେୟାର କରା ଯାଇଥିବା ଟୁଲକିଟରୁ ସ୍ପଷ୍ଟ ଯେ ଏହି ଚାଷୀ ଆନ୍ଦୋଳନକୁ ବିଭିନ୍ନ ମହଲରୁ ଯେଉଁ ସମର୍ଥନ ମିଳୁଛି ବୋଲି ଭାରତୀୟ ମାନଙ୍କୁ ଦର୍ଶା ଯିବାକୁ ଚେଷ୍ଟା କରା ଯାଉଛି ତାହା ବାସ୍ତବିକ ସତ୍ୟ ନୁହେଁ । ଏହା ଆଦୌ ସ୍ୱତଃ ପ୍ରବୃତ ନୁହେଁ । ନଭେମ୍ବର ୨୦୨୦ରୁ ଏହି ଯୋଜନା ପ୍ରସ୍ତୁତ ହୋଇଛି । ଏହି ଡକ୍ୟୁମେଂଟରୁ ଏହା ମଧ୍ୟ ସ୍ପଷ୍ଟ ହେଉଛି ଯେ ଜାନୁଆରୀ ୨୬ ତାରିଖ ଦିନ ଦଙ୍ଗା, ଉପଦ୍ରବ, ହିଂସା ଜରିଆରେ ଭାରତକୁ ଅସ୍ଥିର କରିବାକୁ ଷଡଯନ୍ତ୍ର କରା ଯାଇଥିଲା ।
ଏହି ଟୁଲକିଟରେ ହ୍ୟାସଟ୍ୟାଗ କଣ ରହିବ ତାର ଉଲ୍ଲେଖ କରା ଯିବା ସହ କେଉଁ କେଉଁ ସେଲିବ୍ରିଟି କଣ ଟ୍ୱିଟ କରିବେ ତାହାର ମଧ୍ୟ ଉଲ୍ଲେଖ ରହିଛି । ଭାରତର ପ୍ରଧାନମନ୍ତ୍ରୀ, ପ୍ରଧାନମନ୍ତ୍ରୀ କାର୍ଯ୍ୟାଳୟ ଓ ଅନ୍ୟ ମନ୍ତ୍ରଣାଳୟକୁ ଟ୍ୱିଟ ଟ୍ୟାଗ କରା ଯିବା ଦରକାର ବୋଲି ମଧ୍ୟ ଏହି ଡକ୍ୟୁମେଂଟରେ ଉଲ୍ଲେଖ ରହିଥିଲା । କେବଳ ସେତିକି ନୁହେଁ ଜାତି ସଂଘ ହ୍ୟୁମାନ ରାଇଟ୍ସ, ବ୍ରିଟେନର ପ୍ରଧାନମନ୍ତ୍ରୀ ବୋରିସ ଜନସନ, ଆମନେଷ୍ଟିକୁ ଟ୍ୟାଗ କରି ହସ୍ତକ୍ଷେପ ଦାବି କରିବା ପାଇଁ ମଧ୍ୟ ଏଥିରେ ଉଲ୍ଲେଖ ରହିଥିଲା । ଏହାର ଅର୍ଥ ହେଲା ଭାରତକୁ ଅସ୍ଥିର କରିବା ଓ ଭାରତରେ ଅରାଜକତା ସୃଷ୍ଟି କରିବା ପାଇଁ ବୈଶ୍ୱିକ ସ୍ତରରେ ଷଡଯନ୍ତ୍ର ହୋଇଛି । ଏହାର ସମ୍ପୂର୍ଣ ଯୋଜନା ଓ ରୂପ ରେଖ ନିର୍ଧାରଣ କରା ଯାଇ ସେହି ଅନୁସାରେ ଧୀରେ ଧୀରେ କାର୍ଯ୍ୟ ହେଉଛି । ଭାରତ ବିରୋଧୀ ବୈଶ୍ୱିକ ଶକ୍ତି ମାନେ ଏହି ଯୋଜନାକୁ ସଠିକ ଭାବେ କ୍ରିୟାନ୍ୱୟନ କରିବା ପାଇଁ ଗୋଟିଏ ପରେ ଗୋଟିଏ ପଦକ୍ଷେପ ନେଇ ଚାଲିଛନ୍ତି । ଆଉ ଏପରି ସବୁ ସ୍ୱତଃ ପ୍ରବୃତ ଭାବେ ହେଉଛି ଓ ଏହା ପଛରେ କେହି ନାହାନ୍ତି, ଏପରି ଏକ ବାର୍ତା ମଧ୍ୟ ଦିଆ ଯିବା ପାଇଁ ଚେଷ୍ଟା ଚାଲିଥିଲା । ହେଲେ ଗ୍ରେଟା ଥନବର୍ଗଙ୍କ ଭୁଲ ତାଙ୍କର ଷଡଯନ୍ତ୍ର ଉପରେ ପରଦା ଉଠାଇ ଦେଇଛି । ଏବେ ଦୃଷ୍ଟି ପକାଇବା ଏହି ଭାରତ ବିରୋଧୀ ବୈଶ୍ୱିକ ଶକ୍ତି ମାନେ କିଭଳି ଭାବେ ଭାରତକୁ ଅସ୍ଥିର କରିବାର ଯୋଜନାକୁ ଆଗେଇ ନେଇଥିଲେ । ଏହାର ପ୍ରଥମ ପଦକ୍ଷେପ ଥିଲା ଚାଷୀ ମାନଙ୍କୁ ଭ୍ରମିତ କରାଇ ଆନ୍ଦୋଳନ କରାଇବା । ଏହି ଆନ୍ଦୋଳନ ଲଗାତାର ଚାଲିବା ସତ୍ୱେ ଏହାର ଲାଭ ମିଳି ନ ଥିଲା । କାରଣ ଭାରତ ସରକାର ସ୍ପଷ୍ଟ କରିଥିଲେ ଯେ ଚାଷୀ ମାନଙ୍କ ସହ କଥାବାର୍ତା କରିବାକୁ ସବୁବେଳେ ପ୍ରସ୍ତୁତ । କେବଳ ସେତିକି ନୁହେଁ ସରକାର ସେମାନଙ୍କର ସହ କଥାବାର୍ତା ମଧ୍ୟ କରିଥିଲେ ଓ ଆଇନକୁ ଦେଢ ବର୍ଷ ଯାଏ ସ୍ଥଗିତ ରଖିବାକୁ ମଧ୍ୟ ପ୍ରସ୍ତାବ ଦେଇଥିଲେ ।
ଏହା ପରେ ଚାଷୀ ମାନଙ୍କ ନାମରେ ଏହି ଅରାଜକତାବାଦୀ ମାନେ ଗଣତନ୍ତ୍ର ଦିବସ ଦିନ ଟ୍ରାକ୍ଟର ରାଲୀ ବାହାର କରିବାକୁ ଦାବି କରିଥିଲେ । ସାଧାରଣ ଭାବେ ଗଣତନ୍ତ୍ର ଦିବସ ଦିନ ଏଭଳି କୌଣସି ପ୍ରକାର ରାଲୀକୁ ସରକାର ଅନୁମତି ଦେଇ ନ ଥାନ୍ତି । ତେବେ ଭାରତ ସରକାର ଏହାକୁ ମଧ୍ୟ ଅନୁମତି ଦେଲେ । ଏହା ପରେ ଯାହା ହେବାର ଥିଲା ହେଲା । ବିଦେଶରେ ତିଆରି ହୋଇଥିବା ପୂର୍ବ ନିର୍ଧାରିତ ଯୋଜନା ଅନୁସାରେ ଦିଲ୍ଲୀର ରାଜରାସ୍ତାରେ ଏମାନେ ହିଂସା ଓ ଅରାଜକତାର ନଗ୍ନ ନାଚ କଲେ । ଏହି ସମୟରେ ମଧ୍ୟ ଦିଲ୍ଲୀ ପୋଲିସ ସେମାନଙ୍କ ବିରୁଦ୍ଧରେ ବଳ ପ୍ରୟୋଗ କରି ପାରି ଥାନ୍ତା । ମାତ୍ର ପ୍ରଶାସନ ଅସୀମ ଧେର୍ଯ୍ୟର ପରିଚୟ ଦେଇଥିଲା ଓ ବଳ ପ୍ରୟୋଗ କରି ନ ଥିଲା । ତେବେ ଅନ୍ୟ ପକ୍ଷରେ ଏହି ଉପଦ୍ରବକାରୀ ଓ ଅରାଜକତାବାଦୀଙ୍କ ଆକ୍ରମଣରେ ଦିଲ୍ଲୀ ପୋଲିସର ଜବାନ ମାନେ ଆହତ ହେଲେ । ଯଦି ପ୍ରଶାସନ ବଳ ପ୍ରୟୋଗ କରି ଥାନ୍ତା ତେବେ ସେମାନେ ଏହି କଥାକୁ ନେଇ ଭାରତ ବିରୋଧୀ ଶକ୍ତି ମାନଙ୍କର କ୍ରୀଡନକ ସାଜିଥିବା ଅରାଜକତାବାଦୀ ମାନେ ପୁଣି ଚିତ୍କାର କରିଥାନ୍ତେ ଯେ ଚାଷୀ ମାନଙ୍କ ପ୍ରତି ଅତ୍ୟାଚାର କରା ଯାଇଛି । ମାତ୍ର ଦିଲ୍ଲୀ ପୋଲିସ ଅସୀମ ଧୈର୍ଯ୍ୟର ପରିଚୟ ଦେଇ ସେମାନଙ୍କର ଷଡଯନ୍ତ୍ରକୁ ବିଫଳ କରି ଦେଲା ।

ଏହି ବିଫଳତାର ଠିକ ଏହା ପରେ ଭାରତ ବିରୋଧୀ ବୈଶ୍ୱିକ ଷଡଯନ୍ତ୍ରକାରୀ ମାନେ ଭାରତକୁ ଜାଣି ନ ଥିବା ଭାରତର କୃଷି ବିଲ କଣ ବୁଝି ନ ଥିବା ସେଲିବ୍ରିଟି ମାନଙ୍କୁ ମୈଦାନରେ ଓହ୍ଲାଇ ଦେଲେ । ସବୁ ଯୋଜନାପୂର୍ବକ ହେଉଥିଲା । ହେଲେ ଗ୍ରେଟା ଥନବର୍ଗଙ୍କ ଗୋଟିଏ ଭୁଲ ସେମାନଙ୍କର ସମ୍ପୂର୍ଣ ଷଡଯନ୍ତ୍ରର ପର୍ଦାଫାସ କରି ଦେଲା ।ବର୍ତମାନ ପ୍ରଶ୍ନ ଉଠୁଛି ଯେ ଏହି ତଥାକଥିତ ଆକ୍ଟିଭିଷ୍ଟ ମାନଙ୍କୁ ଏହି କାମରେ କିଏ ଲଗାଇଛି । ଏହି ଆକ୍ଟିଭିଷ୍ଟ ମାନଙ୍କୁ କେବେ କେହି ତିବତରେ ଲାଲ ଚୀନର ମାନବିକ ଅଧିକାର ଉଲ୍ଲଂଘନ ସମ୍ପର୍କରେ ପ୍ରଶ୍ନ କରିବାର ଦେଖିଛନ୍ତି ? ଯଦି ନାହିଁ ତେବେ ସେମାନେ ଭାରତ ବିରୋଧୀ ଅପପ୍ରଚାରରେ କାହିଁକି ସାମିଲ ହେଉଛନ୍ତି ? ଏହି ଭାରତ ବିରୋଧୀ ବୈଶ୍ୱିକ ଷଡଯନ୍ତ୍ର ପଛରେ କିଏ ରହିଛି ? ପ୍ରସିିଦ୍ଧ ବିଦ୍ୱାନ ରାଜୀବ ମାଲହୋତ୍ରା ତାଙ୍କର ପ୍ରସିଦ୍ଧ ପୁସ୍ତକ ବ୍ରେକିଂ ଇଣ୍ଡିଆରେ ଏହି ଭାରତ ବିରୋଧୀ ଶକ୍ତି ମାନଙ୍କ ବିଷୟରେ ବିସ୍ତାରରେ ଉଲ୍ଲେଖ କରିଛନ୍ତି । ଭାରତ ଉପରେ ଏଭଳି ଆକ୍ରମଣ ଜାରୀ ରହିବ ଏହା ନିଶ୍ଚିତ । ତେଣୁ ଭାରତର ଲୋକ ମାନଙ୍କୁ ଏଭଳି ବୈଶ୍ୱିକ ଷଡଯନ୍ତ୍ର ସମ୍ପର୍କରେ ଜାଣିବା ସହ ଭାରତ ସରକାରଙ୍କୁ ମଧ୍ୟ ଏମାନଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାର ସମୟ ଆସିଛି ।

ଡ. ସମନ୍ବୟ ନନ୍ଦ

Author Image

The Independence

RELATED NEWS

0 Comments

leave a comment




Recent Posts

The Independence:Prime-Minister-reiterates-in-RajyaSabha-MSP-to-continue

“ଏମଏସପି ଥିଲା, ଏମଏସପି ଅଛି ଓ ଏମଏସପି ରହିବ ,ଦୟାକରି ଲୋକଙ୍କୁ ଭ୍ରମିତ କରନ୍ତୁ ନାହିଁ ”– ପ୍ରଧାନମନ୍ତ୍ରୀ ରାଜ୍ୟସଭାରେ

The Independence:Patanjali-YogPeeth-Joshi-Math-Tragedy

ଉତ୍ତରାଖଣ୍ଡ ବିପର୍ଯ୍ୟୟରେ ଅନାଥ ହୋଇଥିବା ପିଲା ମାନଙ୍କୁ ପୋଷ୍ୟ ଭାବେ ଗ୍ରହଣ କରିବ ପତଂଜଳି ଯୋଗପୀଠ

The Independence:pm-narendra-modi-in-west-bengal-haldia-mamata-banerjee

“ସେ ଭାରତ ମାତା କି ଜୟ କହିଲେ ରାଗି ଯାଆନ୍ତି,ହେଲେ ଦେଶ ବିରୁଦ୍ଧରେ ବିଷ ଓଗାଳୁଥିବାଙ୍କ ବିରୁଦ୍ଧରେ ନୁହେଁ” – ମମତାଙ୍କ ଉପରେ ବର୍ଷିଲେ ମୋଦି

The Independence:Greta-Thunberg-reveals-conspiracy-trouble-India-The-Independence

ଗ୍ରେଟା ଥନବର୍ଗ, ଟୁଲକିଟ ଓ ଭାରତ ବିରୋଧୀ ବୈଶ୍ୱିକ ଷଡଯନ୍ତ୍ର

The Independence:yogendra-yadav-anti-india-activities-threat-to-india-ip-extension-delhi-society

‘ଦେଶଦ୍ରୋହୀ’ ଯୋଗେନ୍ଦ୍ର ଯାଦବ ଭାରତ ପାଇଁ ବିପଦ, ସୋସାଇଟି ଲୋକ ମାନେ ତାଙ୍କୁ ବାହାର କରିବା ପାଇଁ କଲେ ବିକ୍ଷୋଭ

The Independence:farmer-tractor-rally-protest-red-fort-investigation-by-encounter-specialist-acp-lalit-mohan-negi

ଏନକାଉଣ୍ଟର ସ୍ପେସାଲିଷ୍ଟ ଏସିପି ଲଳିତ ମୋହନ ନେଗୀ କରିବେ ଲାଲ କିଲ୍ଲା ଉପରେ ହିଂସା ମାମଲାର ଜାଂଚ, ଦେଖନ୍ତୁ ଭାଇରାଲ ହୋଇଥିବା ଭିଡିଓ ଓ ଫଟୋ

The Independence:case-against-journalist-for-spreading-fake-news-on-farmer-protest

ଫେକ ନ୍ୟୁଜ ପ୍ରଚାରିତ କରିଥିବା ସାମ୍ବାଦିକ ମଧ୍ୟ ୟୁପି ପୋଲିସର ରାଡାରରେ, ରାଜଦୀପ, ଶଶୀ ଥରୁର ସମେତ 11 ଜଣଙ୍କ ଉପରେ ଦେଶଦ୍ରୋହ ମାମଲା ରୁଜୁ

The Independence:farmer-leader-rakesh-tikait-threatened-suicide-said-farmers-are-being-tortured

ରାକେଶ ଟିକାୟତଙ୍କ ଉପରେ ଲାଗିଲା UAPA:ମିଡିଆ ସାମନାରେ କାନ୍ଦି କହିଲେ ଗିରଫ କଲେ କରିବି ଆତ୍ମହତ୍ୟା

The Independence:ASI-unearths-ancient-temple-floor-near-Suka-Sari-complex-in-Bhubaneswar

ମାଟିତଳୁ ଉଦ୍ଧାର ହେଲା ଦଶମ ଶତାବ୍ଦୀର ପାର୍ଶ୍ୱ ମନ୍ଦିର

The Independence:PM-pays-tribute-to-Lala-Lajpat-Rai

ଜୟନ୍ତୀରେ ପଂଜାବ କେଶରୀଙ୍କୁ ସ୍ମରଣ କଲେ ପ୍ରଧାନମନ୍ତ୍ରୀ

The Independence:Yogi-Adityanath-donates-Rs-one-crore-on-behalf-of-Goraksh-Peeth-for-construction-of-Ram-Temple

ଯୋଗୀ ଆଦିତ୍ୟନାଥ ଗୋରକ୍ଷ ପୀଠ ତରଫରୁ ରାମ ମନ୍ଦିର ପାଇଁ ଦେଲେ ଏକ କୋଟି ଟଙ୍କାର ସମର୍ପଣ ରାଶି

The Independence:delhi-police-register-firs-against-farmer-leaders-including-yogendra-yadav-200-rioters-detained-so-far

ଯୋଗେନ୍ଦ୍ର ଯାଦବ ସମେତ ଅନ୍ୟ ଚାଷୀ ନେତାଙ୍କ ବିରୁଦ୍ଧରେ ଦିଲ୍ଲୀ ପୋଲିସ କଲା ଏଫଆଇଆର, ବର୍ତମାନ ସୁଦ୍ଧା 200 ଦଙ୍ଗାକାରୀ ଅଟକ

The Independence:injured-farmer-died-protesters-not-helping-police-taking-hospital

ଟ୍ରାକ୍ଟର ଓଲଟିବା ପରେ ମଧ୍ୟ ଜୀବିତ ଥିଲା ଚାଷୀ, ପ୍ରଦର୍ଶନକାରୀ ଡାକ୍ତରଖାନା ନେଲେ ନାହିଁ, ପୋଲିସକୁ ନେବାକୁ ଦେଲେ ନାହିଁ, ଟିଭି ଚାନେଲର ରହସ୍ୟୋଦଘାଟନ

The Independence:People-demand-arrest-of-Rajdeep-for-spreading-fake-news

ଫେକ ନ୍ୟୁଜ ପାଇଁ ରାଜଦୀପଙ୍କୁ ଗିରଫ କରିବାକୁ ସୋସିଆଲ ମିଡିଆରେ ଦାବି ଜୋର ଧରିଲା , ଦେଖନ୍ତୁ କିପରି ଫେକ ନ୍ୟୁଜ ପ୍ରଚାର କରୁଛନ୍ତି ରାଜଦୀପ

The Independence:The-violence-and-disturbances-unleashed-in-Delhi--the-sacred-Republic-Day-are-extremely-painful-and-deplorable-says-RSS

ଦିଲ୍ଲୀ ହିଂସା : ଗଣତନ୍ତ୍ରରେ ଅରାଜକତାର କୌଣସି ସ୍ଥାନ ନାହିଁ - ଆରଏସଏସ

The Independence:delhi-farmer-tractor-rally-vilence-liquor-sword-police

ଦେଶୀ- ବିଦେଶୀ ମଦରେ ଲଦା ହୋଇଥିଲା ପ୍ରଦର୍ଶନକାରୀ ଚାଷୀଙ୍କ ଟ୍ରାକ୍ଟର, ଦିଲ୍ଲୀପୋଲିସ କଲା ଜବତ , ଦେଖନ୍ତୁ ଫଟୋ

The Independence:rajdeep-sardesai-farmers-death-police-ito-delhi

ଦୃତ ଗତିରେ ଟ୍ରାକ୍ଟର କାରଣରୁ ଚାଷୀର ମୃତ୍ୟୁ, ରାଜଦୀପ କହିଲେ ପୋଲିସ ଗୁଳିରେ ହୋଇଛି ମୃତ୍ୟୁ, ପରେ ଟ୍ୱିଟକୁ କଲେ ଡିଲିଟ

The Independence:NO-PADMA-AWARD-FROM-BOLYWOOD

ବଲିଉଡରୁ କେହି ପାଇଲେ ନାହିଁ ପଦ୍ମ ସମ୍ମାନ, ଲୋକେ କହିଲେ ‘ମୋର ଦେଶ ବଦଳୁଛି ’

The Independence:imran-khan-mortgage-islamabad-fatima-jinnah-park

ଜିନ୍ନାଙ୍କ ଭଉଣୀଙ୍କ ପାର୍କକୁ ବନ୍ଧା ପକାଇବ ଇମରାନ ସରକାର, କାଙ୍ଗାଳ ହେବାରୁ ବର୍ତିବାକୁ ଦରକାର 500 ବିଲିୟନ ଟଙ୍କା

The Independence:Maulana-donates-1-lakh-Hundred-Rs-for-Construction-of-Ram-Temple-at-Ayodhya

ରାମ ମନ୍ଦିର ନିର୍ମାଣ ପାଇଁ ମୌଲାନା ସୟୈଦ କୈକବ ମୁଜତାବା ଦେଲେ 1 ଲକ୍ଷ 1 ଶତ ଟଙ୍କାର ସମର୍ପଣ ରାଶି

The Independence:63-years-old-ayub-from-surat-sixth-wife-refused-sex

ଷଷ୍ଠ ସ୍ତ୍ରୀ ଶାରୀରିକ ସମ୍ପର୍କ ରଖିବାକୁ ମନା କଲା ପରେ ସପ୍ତମ ସ୍ତ୍ରୀ ଖୋଜୁଛି 63 ବର୍ଷୀୟ ଆୟୁବ, ମାମଲା ରୁଜୁ

The Independence:kerala-bishop-recommends-church-backed-candidate-for-assembly-election-cpi

ବିଶପଙ୍କ ଗୋପନୀୟ ପତ୍ର: ଚର୍ଚ ସମର୍ଥକ ପ୍ରାର୍ଥୀଙ୍କୁ ଦିଅ ଟିକେଟ, ଖ୍ରୀଷ୍ଟିଆନ ମାନେ କମ୍ୟୁନିଷ୍ଟ ପାର୍ଟିକୁ ଦେବେ ସମର୍ଥନ

The Independence:evangelist-paul-dhinakaran-accused-of-amassing-unaccounted-weath-it-raid

ଖ୍ରୀଷ୍ଟ ପ୍ରଚାରକ ପଲ ଦୀନାକରନ ଠାରୁ ମିଳିଲା 118 କୋଟିଟଙ୍କାର ଅବୈଧ ସମ୍ପତ୍ତି, 4.5 କିଲୋ ସୁନା

The Independence:madhya-pradesh-protem-speaker-rameshwar-sharma-sends-ramayana-to-wb-cm-mamata-banerjee

ମମତା ବାନାର୍ଜୀଙ୍କୁ ରାମାୟଣ ପଠାଇଲେ ମଧ୍ୟପ୍ରଦେଶର ପ୍ରଟେମ ସ୍ପିକର ରାମେଶ୍ୱର ଶର୍ମା

The Independence:bjp-share-video-mamata-banerjee-islamic-prayer-jai-shri-ram

ସରକାରୀ କାର୍ଯ୍ୟକ୍ରମରେ ଯଦି ‘ଲା ଇଲାହା ଇଲ୍ଲଲ୍ଲାହ’ତେବେ 'ଜୟ ଶ୍ରୀରାମ' କହିଲେ ସମସ୍ୟା କାହିଁକି : ଭିଡିଓ ଜାରୀ କରି ପ୍ରଶ୍ନ କଲା ବିଜେପି