ବରଗଡ଼ ଡନ୍, ଡ୍ରଗ୍ ପେଡଲରର, ଗୋ-ବେପାରୀ ରାଜା ଖାନ । ଭଟ୍ଟଲି ବାହୁବଳୀ ବିଧାୟକ ସୁଶାନ୍ତ ସିଂଙ୍କ ଖାସ ରାଜା ଖାନ୍ । ୟୁପି ପୋଲିସର ମୋଷ୍ଟ ୱାଣ୍ଟେଡ୍ ଗୁଡ୍ଡୁ ମୁସଲିମର ଲିଙ୍କ ପୁରୀ ପରେ ବରଗଡ଼ । ଗୁଡ୍ଡୁର ଡ୍ରାଇଭର ଆସିଥିଲା ବରଗଡ଼ । ଭେଟିଥିଲା ରାଜୁ ଖାନକୁ । ତନାଘନା କରି ରାଜୁ ଖାନ୍ ପାଖରେ ପହଞ୍ଚିଥିଲା ଉତ୍ତରପ୍ରଦେଶର ଏସଟିଏଫ୍ ଟିମ୍ । ଓଡିଶା ପୋଲିସ ଡିଜିଙ୍କ ସୂଚନା ଅନୁସାରେ ପ୍ରୋଟୋକଲ୍ ଅନୁସାରେ ତାଙ୍କୁ ସହାୟତା ଯୋଗାଇ ଦିଆଯାଇଥିଲା । ଗୁଡ୍ଡୁ ମୁସଲିମ୍ ସହ ରାଜା ଖାନ୍ର ଲିଙ୍କ୍ ଥିବା ସୂଚନା ମିଳିଛି ।
ସୋହେଲାରେ ବିଜନେସ୍ କରୁଛି ରାଜା ଖାନ୍ । ବିଜେଡିର ବାହୁବଳୀ ବିଧାୟକ ସୁଶାନ୍ତ ସିଂହଙ୍କ ଖାସ୍ ରାଜା । ପୂର୍ବରୁ ଡ୍ରଗସ କାରବାରରେ ଗିରଫ ହୋଇଥିଲା ରାଜା । ବିଧାୟକଙ୍କ ଛତ୍ରଛାୟାରେ ରହି ଚଲାଇଥିଲା ତାର ଅପରାଧର ସାମ୍ରାଜ୍ୟ । ଗ୍ୟାଙ୍ଗଷ୍ଟର ଗୁଡ୍ଡୁ ମୁସଲମାନ୍ ସହିତ ରାଜାର ଲିଙ୍କକୁ ନେଇ ଚର୍ଚ୍ଚା ଜୋର ଧରିଛି । ଉମେଶ ପାଲ୍ ହତ୍ୟାକାଣ୍ଡ ଘଟଣାର ୧୦ ଅଭିଯୁକ୍ତଙ୍କ ମଧ୍ୟରୁ ଗୁଡୁ ମୁସଲିମ୍ ଅନ୍ୟତମ । ୧୦ ଅଭିଯୁକ୍ତଙ୍କ ମଧ୍ୟରୁ ୬ ଜଣ ପ୍ରାଣ ହରାଇଥିବାବେଳେ ଗୁଡୁ ମୁସଲିମ ସମେତ ଆଉ ୪ ଅଭିଯୁକ୍ତ ଏବେ ଫେରାର ଅଛନ୍ତି । ଗୁଡୁ ଅତିକର ସହଯୋଗୀ । ତା ନାଁରେ 24 ରୁ ଅଧିକ ମାମଲା । ବୋମା ତିଆରିରେ ସେ ଥିଲା ମାଷ୍ଟର । ଅତିକର ଅସ୍ତ୍ରଶସ୍ତ୍ର ସ୍ମଗଲିଂର ମୁଖ୍ୟ ଥିଲା ଗୁଡ୍ଡୁ । ଗୁଡ୍ଡୁର ଶେଷ ଲୋକେସନ୍ ଥିଲା ପୁରୀ । ଏବେ ରାଜା ଖାଁ ସ୍କାନରରେ ।
ଅପରାଧୀଙ୍କ ନିରାପଦ ଆଶ୍ରୟସ୍ଥଳ ପାଲଟିଛି ଓଡ଼ିଶା । ଏବେ ବଡ଼ ପ୍ରଶ୍ନ ଓଡ଼ିଶା ପୋଲିସ ବାହାର କରିବ କି ରାଜା ଖାନର ଅପରାଧୀକ ଲିଙ୍କ୍ , ସୁଶାନ୍ତ ସିଂହଙ୍କ ସହ ସଂପର୍କ ନେଇ ବିରୋଧୀଙ୍କ ଅଭିଯୋଗର ହେବ ତ ତଦନ୍ତ ? ତାହା ଦେଖିବାକୁ ବାକି ରହିଲା ।