ମୋପଲା ବିଦ୍ରୋହ ନାମରେ ୧୯୨୧ ମସିହାରେ ଘଟିଥିବା ହିନ୍ଦୁ ଜନ ସଂହାର ଘଟଣାକୁ ଶହେ ବର୍ଷ ପୂର୍ତି ହୋଇଛି । ଇତିହାସର ଏହି ଅନାଲୋଚିତ ଅଧ୍ୟାୟକୁ ନେଇ ପୁଣି ଥରେ ଚର୍ଚା ଆଲୋଚନା ଓ  ବିତର୍କ ଆରମ୍ଭ ହୋଇଛି । ଏହି ତଥାକଥିତ ମାଲାବାର ବିଦ୍ରୋହକୁ କମ୍ୟୁନିଷ୍ଟ ଐତିହାସିକ ମାନେ ଇଂରେଜ ମାନଙ୍କ ବିରୁଦ୍ଧରେ ଲଢେଇ ଓ ଜମିଦାର ମାନଙ୍କ ବିରୁଦ୍ଧରେ କୃଷକ ମାନଙ୍କ ବିଦ୍ରୋହ ବୋଲି ପ୍ରଚାରିତ କରି ଆସିଛନ୍ତିା ବାସ୍ତବରେ ଏହା ଏକ ହିନ୍ଦୁ ଜନ ସଂହାର ଥିଲା ଯେଉଁଥିରେ ମୋପଲା ମୁସଲମାନ ଓ ତାଙ୍କର ନେତା ମାନେ ଅନ୍ୟୁନ ୧୦ ହଜାର ହିନ୍ଦୁଙ୍କୁ ହତ୍ୟା କରିଥିଲେ ଓ ହଜାର ହଜାର ହିନ୍ଦୁଙ୍କୁ ଇସଲାମରେ ଜୋରଜବରଦସ୍ତି ଧର୍ମାନ୍ତରିତ କରାଇଥିଲେ ।  ମହିଳା ମାନଙ୍କ ସହ ଅତ୍ୟନ୍ତ ପୈଶାଚିକ କାର୍ଯ୍ୟ କରା ଯାଇଥିଲା । ୧୯୨୧ ମସିହାରେ ପାଖା ପାଖି ଛଅ ମାସ ଧରି ଏହି ମାରକାଟ କରା ଯାଇଥିଲା । ଅତି କମରେ ଦଶ ଲକ୍ଷ ହିନ୍ଦୁ ଏହି ଅଂଚଳ ଛାଡି ପଳାୟନ କରିବାକୁ ବାଧ୍ୟ ହୋଇଥିଲେ । 

୧୯୨୧ ମସିହାରେ ପ୍ରଥମ ଥର ପାଇଁ ଏପରି ହୋଇଥିଲା ତାହା ନୁହୋଁ ତେଣୁ  ଏହି ଘଟଣାର ଐତିହାସିକ ପୃଷ୍ଠଭୂମିକୁ ବୁଝିବାକୁ ପଡିବ । 

କେରଳର ଭୂଗୋଳକୁ ତିନିଭାଗରେ ବିଭକ୍ତ କରା ଯାଇ ପାରେ । ଏଗୁଡିକ ହେଲା ମାଲାବାର, ତ୍ରିଚି ଓ ଟ୍ରାଭନକୋର ଅଂଚଳ । ଇସଲାମ ସହିତ କେରଳର ସମ୍ପର୍କ ୧୬ ଶହ ମସିହାରୁ ବାଣିଜ୍ୟ ଜରିଆରେ ଆରମ୍ଭ ହୋଇଥିଲା । ସେତେବେଳ ଠାରୁ ମାଲାବାର ଅଂଚଳରେ କନଭର୍ସନ କାମ ଚାଲିଥିଲା ଓ କିଛି ଲୋକଙ୍କୁ ଇସଲାମରେ ମତାନ୍ତରିତ କରା ଯାଇଥିଲା । ଏହାକୁ ନେଇ ସେଠାରେ ସାଂପ୍ରଦାୟିକ ବାତାବରଣ ଦେଖା ଯାଉଥିଲା । ହେଲେ ହାଇଦର ଅଲୀ  ନାମକ ଜଣେ ଇସଲାମୀ ମତାନ୍ଧ ଯେତେବେଳେ ମାଲାବାର ଉପରେ ବିଜୟ ଲାଭ କଲା ସେତେବେଳେ ସେଠାକାର ଭୂମି ହିନ୍ଦୁ ମାନଙ୍କର ରକ୍ତରେ ଭିଜି ଯାଇଥିଲା । ତା ପୁଅ ଟିପୁ ସୁଲତାନ ହାଇଦର ଠାରୁ ଅଧିକ ମତାନ୍ଧ ଥିଲା । ସେତେବେଳେ ତାର ଅତ୍ୟାଚାର ସହି ନ ପାରି  ମାଲାବାରର ହିନ୍ଦୁ ମାନେ ଲକ୍ଷ ଲକ୍ଷ ସଂଖ୍ୟାରେ ତ୍ରିଚି ଓ ଟ୍ରାଭନକୋର ଅଂଚଳକୁ ନିଜର ଘର ଦ୍ୱାର, ଜମି ବାଡି ଛାଡି ପଳାୟନ କରିଥିଲେ । ଟିପୁ ଏହି ହିନ୍ଦୁ ମାନଙ୍କ ସମ୍ପତିକୁ ମୋପଲା ମୁସଲମାନ ମାନଙ୍କୁ ଭୋଗ କରିବାକୁ ଦେଇ ଦେଇଥିଲା । ତା ପରେ ଟିପୁ ବ୍ରିଟିଶ ମାନଙ୍କ ହାତରେ ପରାଜିତ ହେବା ପରେ ସ୍ଥିତି ବଦଳିଲା ଓ ପଳାୟନ କରିଥିବା ହିନ୍ଦୁ ମାନେ ସେମାନଙ୍କର ଭିଟା ମାଟିକୁ ଫେରିଲେ ଓ ସେମାନେ ତାଙ୍କର ଜମି ଜମା ଉପରେ ପୁଣି ଥରେ କବଜା କଲେ । ଏହା ଫଳରେ ମାଲାବାର ଅଂଚଳରେ ଉତେଜନା ଦେଖା ଦେଇଥିଲା । ଏହି ସମୟ ମଧ୍ୟରେ ସେଠାରେ   ୫୨ଟି ବଡ ଦଙ୍ଗା ଦୋଇଥିଲା ଓ  ୩୬ଟି ଛୋଟ  ଅର୍ଥାତ  ପାଖାପାଖି ଶହେ ଟି ଦଙ୍ଗା ହୋଇ ସାରିଥିଲା । 

ଯେତେବେଳେ ତୁ୍‌ର୍କୀର ଖଲିଫାକୁ ହଟାଇ ଦିଆଗଲା ସେତେବେଳେ ଇସଲାମୀ ଶକ୍ତି ମାନେ ଖଲିଫା ଶାସନର ପୁନଃ ପ୍ରତିଷ୍ଠା ପାଇଁ ଏକ ଆନ୍ଦୋଳନ ଆରମ୍ଭ କଲେ । ଏହାର ଭାରତର ସ୍ୱାଧୀନତା ସଂଗ୍ରାମ ସହ କୌଣସି ସମ୍ପର୍କ ନ ଥିଲା । ଏହି ଆନ୍ଦୋଳନ ଆରମ୍ଭ ହେଲା ପରେ  ମାଲାବାର ଅଂଚଳରେ ପୁଣି ଥରେ ମୋପଲା ମାନଙ୍କ ଦ୍ୱାରା  ଟାର୍ଗେଟ କରା ଗଲା ।  

ଏହା କେତେ ନୃଶଂସ ଓ ବିଭତ୍ସ ଥିଲା ତାହା   ୧୯୨୧ ମସିହା ସେପ୍େଟମ୍ବର ୨୫ ତାରିଖ ଦିନ ଘଟିଥିବା ଘଟଣାକୁ ଉପରେ ଦୃଷ୍ଟି ପକାଇଲେ ବୁଝିବା ସହଜ ହେବ । 

କେରଳର ଥୁବୁର ଓ କରୁବାୟକାଣ୍ଡି ମଧ୍ୟରେ ଏକ ଥୁଂଟା ପାହାଡ ମଝିରେ ଜଣେ ଖିଲାଫତୀ ନେତା ତାର ୪ ହଜାର ଅନୁଗାମୀଙ୍କ ସହ ରାଲୀ କଲା ଓ ସଭା ସମୟରେ ୪୦ ଜଣ ହିନ୍ଦୁଙ୍କୁ ଧରା ଯାଇଥିଲା । ପରେ ସେମାନଙ୍କୁ ପଛରୁ ହାତ ବାନ୍ଧି ଖିଲାଫତି ନେତାଙ୍କ ସାମନାରେ ହାଜର କରା ଗଲା ।  ସେମାନଙ୍କର ମୁଣ୍ଡ କାଟ କରା ଯାଇଥିଲା, ଖପୁରୀ ଗୁଡିକ କୂଅରେ ଫିଙ୍ଗି ଦିଆ ଯାଇଥିଲା । ସେତେବେଳେ ମାଲାବାର କାଲିକଟର ଯିଏ ଡେପଟି କଲେକ୍ଟର ଥିଲେ ତାଙ୍କର ଲିଖିତ ପୁସ୍ତକ ମୋପଲା ରିବେଲିୟନ-୧୯୨୧ରେ ସେପ୍େଟମ୍ବର ୨୫ ର ଘଟଣାର ବିସ୍ତୃତ ବିବରଣୀ ଦିଆ ଯାଇଛି । 

ଏହି ପୁସ୍ତକରେ ୫୬ ପୃଷ୍ଠାରେ ସେ ଲେଖିଛନ୍ତି - “ସେହି ସ୍ଥାନ ପାଖରେ ଏକ ଗଛ ଓ କୂଅ ଥିଲା । ଜଣେ ପରେ ଜଣେ ହିନ୍ଦୁକୁ ସେଠାକୁ ନିଆ ଯାଇଥିଲା । ଜଲ୍ଲାଦ ସେଠାରେ ଠିଆ ହୋଇ ଜଣଙ୍କ ପରେ ଜଣଙ୍କର ମୁଣ୍ଡ କାଟ କରିବା ସହ ଶବକୁ କୂଅ ମଧ୍ୟକୁ ଠେଲୁଥିଲା । 

ଯାହାଙ୍କୁ ଫିଙ୍ଗା ଯାଇଥିଲା ସେଥି ମଧ୍ୟରୁ ଅନେକ ମରି ନଥିଲେ, କିନ୍ତୁ ସେମାନେ ବାହାରିବା ସମ୍ଭବ ନ ଥିଲେ । ହତ୍ୟାକାଣ୍ଡର ତିନି ଦିନ ଯାଏ କିଛି ଲୋକଙ୍କ କୂଅ ମଧ୍ୟରୁ ଚିତ୍କାର ଓ କ୍ରନ୍ଦନ ଶୁଣିବାକୁ ମିଳିଥିଲା । ସମସ୍ତେ ଅତ୍ୟନ୍ତ ଭୟାନକ ଭାବେ ମୃତ୍ୟୁବରଣ କରିଥିବେ । ମୁଁ ସେଠାରେ କିଛି ଦିନ ପରେ ଗଲା ପରେ ଦେଖିଲି ଯେ ସେହି କୂଅ ସମ୍ପୂର୍ଣ ଭାବେ ମଣିଷର ହାଡରେ ଭର୍ତି ହୋଇଥଲା । ମୋ ପାଖରେ ଥିବା ଆର୍ଯ୍ୟ ସମାଜର ପଣ୍ଡିତ ଋଷିରାମ ୩୦ଟି ଖପୁରୀ ଗଣିିଲେ । ”

ଏଭଳି ଘଟଣା ଲଗାତାର ୬ ମାସ ଧରି ଚାଲିଥିଲା । ଏହି ସମୟ ମଧ୍ୟରେ ମୋପଲା ନରସଂହାରରେ ପାଖାପାଖି ଦଶ ହଜାର ହିନ୍ଦୁଙ୍କୁ ହତ୍ୟା କରା ଯିବା ଓ ହଜାର ହଜାର ହିନ୍ଦୁଙ୍କୁ ଜୋର ଜବରଦସ୍ତି ଇସଲାମରେ ମତାନ୍ତରିତ କରିବାର ଆଧିକାରିକ ରେକର୍ଡ ମିଳେ । ହେଲେ ବେସରକାରୀ ଭାବେ ଏହାର ସଂଖ୍ୟା ଖୁବ ଅଧିକ ।

ସେତେବେଳର ଏହି ବିଭତ୍ସ  ଓ ପୈଶାଚିକ କୃତ୍ୟ ସମ୍ପର୍କରେ ସେତେବେଳର ପ୍ରତ୍ୟକ୍ଷଦର୍ଶୀ ମାନେ ଅନେକ କିଛି ଲେଖିଛନ୍ତି । ବାବା ସାହେବ ଭୀମରାଓ  ଆଂବେଡକର ହୁଅନ୍ତୁ ବା ଆନିବେସାନ୍ତ ହୁଅନ୍ତୁ ବା ଅନ୍ୟ ମାନେ ହୁଅନ୍ତୁ ସେମାନେ ସେ ସମୟରେ ଏହା ଉପରେ ଅନେକ କିଛି ଲେଖିଛନ୍ତି । 

ଏହି ହିନ୍ଦୁ ବିରୋଧୀ ଜନସଂହାରକୁ  ଶହେ ବର୍ଷ ପୂରଣ ହୋଇ ସାରିଥିବା ବେଳେ ଲୋକ ମାନଙ୍କୁ ନ୍ୟାୟ ବର୍ତମାନ ଯାଏ ମିଳି ନାହିଁ ।  ଓଲଟା କମ୍ୟୁନିଷ୍ଟ ଓ ଇସଲାମିଷ୍ଟ ଐତିହାସିକ ମାନେ  ମୋପଲା ହତ୍ୟାକାରୀ ମାନଙ୍କୁ ସ୍ୱାଧୀନତା ସଂଗ୍ରାମୀ ଓ କୃଷି ବିଦ୍ରୋହୀ ବୋଲି ଲେଖି ସେମାନଙ୍କର ମହିମାମଣ୍ଡନ ହୋଇଛି । ସେମାନଙ୍କୁ ସ୍ୱାଧୀନତା ସଂଗ୍ରାମୀଙ୍କ ସୂଚୀରେ ସାମିଲ କରା ଯାଇ ସେମାନଙ୍କୁ ପେନସନ ପ୍ରଦାନ କରା ଯାଉଛି । 

ତେବେ ଏହି ପ୍ରସଙ୍ଗରେ ବାରମ୍ବାର ବିରୋଧ ହେବା ପରେ ଏବେ ମୋଦୀ   ସରକାର ଗତ କିଛି ଦିନ ତଳେ ଏକ ବଡ ନିଷ୍ପତି ଗ୍ରହଣ କରିଛନ୍ତି । ଭାରତ ସରକାର  ତଥାକଥିତ ମାଲାବାର ବିଦ୍ରୋହରେ ସାମିଲ ଲୋକ ମାନଙ୍କର ନାମକୁ ଭାରତୀୟ ସ୍ୱାଧୀନତା ସଂଗ୍ରାମର ବଳିଦାନ ଦେଇଥିବା ଲୋକ ମାନଙ୍କ ତାଲିକାରୁ ବାଦ ଦେବାକୁ ନିଷ୍ପତି ନେଇଛନ୍ତି ।  ଏହା ନିଶ୍ଚିତ ଭାବେ ଡେରୀରେ ହେଲେ ମଧ୍ୟ ସ୍ୱାଗତଯୋଗ୍ୟ ପଦକ୍ଷେପ । 

ମୋପଲା ହିନ୍ଦୁ ଜନସଂହାରର ଶହେ ବର୍ଷ ପୂର୍ତି ଅବସରରେ ଏ ବିଷୟରେ ଆଲୋଚନା ଖୁବ ଜରୁରୀ ।   ଦେଶରେ ବିଶେଷ ଭାବରେ କେରଳରେ ଇସଲାମୀ ଶକ୍ତି ମାନେ ଜୋରସୋରରେ କାମ କରୁଛନ୍ତି । କେରଳରୁ ସବୁଠାରୁ ଅଧିକ ସଂଖ୍ୟାରେ ଯୁବକ ବୈଶ୍ୱିକ ଇସଲାମୀ ସଂଗଠନ ଆତଙ୍କବାଦୀ ସଂଗଠନ ଆଇଏସଆଇଏସରେ ସାମିଲ ହେଉଛନ୍ତି । କେରଳ ଜେହାଦର ମୂଳ କେନ୍ଦ୍ର ହୋଇ ଗଲାଣି । ଏହାର ମୂଳରେ ମୋପଲା ହିନ୍ଦୁ ଜନସଂହାର ରହିଛି । ତେଣୁ ଏହାର ଶହେ ବର୍ଷ ପୂର୍ତି ଅବସରରେ ଏହା ଉପରେ ବିଶଦ ଚର୍ଚା ଆଲୋଚନା ହେବା ଜରୁରୀ ।

ଜର୍ଜ ସନ୍ତାୟନା ନାମରେ ଜଣେ ସ୍ପେନର ଦାର୍ଶନିକଙ୍କର ଇତିହାସ ସମ୍ପର୍କରେ ଏକ ଉକ୍ତି ବଡ ପ୍ରସିଦ୍ଧ  ଉକ୍ତି ରହିଛି । ସେ । ସେ କହିଛନ୍ତି ଯେ - ଇତିହାସରୁ ଯିଏ ଶିକ୍ଷା ନିଏ ନାହିଁ, ତା ସହ ସେପରି ବାରମ୍ବାର ହୋଇଥାଏ ।