କଟକ ବାରବାଟୀ ଷ୍ଟାଡିୟମରେ ଅନୁÂିତ ଭାରତ - ୱେଷ୍ଟଇଣ୍ଡିଜ୍ ସିରିଜ୍ ର ତୃତୀୟ ତଥା ଅନ୍ତିମ ମ୍ୟାଚରେ ଭାରତ ଆଗରେ ବିଶାଳ ଲକ୍ଷ୍ୟ ରହିଛି । ପ୍ରଥମେ ବ୍ୟାଟିଂ କରିବା ପାଇଁ ସୁଯୋଗ ପାଇଥିବା ୱେଷ୍ଟଇଣ୍ଡିଜ୍ ଟିମ୍ କ୍ୟାପଟେନ୍ କାଇରନ୍ ପୋଲାର୍ଡ ଓ ନିକୋଲାସ୍ ପୁରନଙ୍କ ଧୂଆଁଧାର ବ୍ୟାଟିଂ ବଳରେ ନିର୍ଦ୍ଧାରିତ ୫୦ ଓଭରରେ ୫ ୱିକେଟ୍ ହରାଇ ୩୧୫ ରନ୍ କରିଛି । ଫଳରେ ବାରବାଟୀ ସିରିଜ୍ ଜିତିବା ପାଇଁ ଟିମ୍ ଇଣ୍ଡିଆକୁ ୩୧୬ ରନ୍ କରିବାକୁ ପଡ଼ିବ ।
ୱେଷ୍ଟ୍ ଇଣ୍ଡିଜ୍ ପକ୍ଷରୁ ଯୁବ ବ୍ୟାଟ୍ସମ୍ୟାନ୍ ନିକୋଲାସ ପୁରନ୍ ମାତ୍ର ୬୪ ବଲରେ ୧୦ ଚୌକା ଓ ୩ ଛକା ସହ ୮୯ ଏବଂ ପୋଲାର୍ଡ ୫୧ ବଲରେ ୩ ଚୌକା ଓ ୭ ଛକା ସହ ଅପରାଜିତ ୭୪ ରନ୍ କରିଛନ୍ତି । ଅନ୍ୟପକ୍ଷରେ ଦିନିକିଆରେ ପଦାର୍ପଣ କରିଥିବା ଭାରତର ନବଦୀପ ସାଇନି ନିଜର ପ୍ରଥମ ମ୍ୟାଚରେ ୨ ୱିକେଟ୍ ଦଖଲ କରିଛନ୍ତି ।
ସୁପର ସଣ୍ଡେର ଏହି ମ୍ୟାଚ୍ ରେ ଟିମ୍ ଇଣ୍ଡିଆ କ୍ୟାପଟେନ୍ ବିରାଟ୍ କୋହଲି ଟସ୍ ଜିତି ପ୍ରଥମେ ଫିଲ୍ଡିଂ କରିବାକୁ ନିଷ୍ପତି ନେଇଥିଲେ । ପ୍ରଥମରୁ ଇଣ୍ଡିଜ୍ ଟିମର ଆରମ୍ଭ ଧୀମା ରହିଥିଲା । ଓପନର ଏଭିନ୍ ଲୁଇସ୍ ୫୦ ବଲ୍ ରେ ମାତ୍ର ୨୧ ରନ୍ କରି ରବୀନ୍ଦ୍ର ଜାଡେଜାଙ୍କ ଦ୍ୱାରା ଆଉଟ୍ ହୋଇଥିଲେ । ସେହିପରି ଅନ୍ୟତମ ଓପନର ଶାଇ ହୋପଙ୍କ ବ୍ୟକ୍ତିଗତ ୪୨ (୫୦ ବଲ୍, ୫ ଚୌକା) ରନ୍ କରିଥିବା ବେଳେ ମହମ୍ମଦ ଶାମିଙ୍କ ବଲରେ କ୍ଲିନ୍ ବୋଲ୍ଡ ହୋଇଥିଲେ । ଅନ୍ୟମାନଙ୍କ ମଧ୍ୟରେ ରୋଷ୍ଟନ୍ ଚେଜ୍ ୩୮ (୪୮ ବଲ୍ , ୩ ଚୌକା) , ଶିମରନ୍ ହେଟମେୟର୍ (୩୩ ବଲ୍, ୨ ଚୌକା, ୨ ଛକା) ,ନିକୋଲସ୍ ପୋରାନ୍ ୮୯(୬୪ ବଲ୍ ,୧୦ ଚୌକା,୪ ଛକା) କରି ଆଉଟ୍ ହୋଇଥିଲେ । ପରେ ପୋଲାର୍ଡ ଶେଷ ଓଭର ଗୁଡ଼ିକରେ ଆକ୍ରମଣାତ୍ମକ ବ୍ୟାଟିଂ କରି ଇଣ୍ଡିଜକୁ ୩୧୫ ରନରେ ପହଂଚାଇଥିଲେ । ତାଙ୍କ ସହ ଜେସନ୍ ହୋଲ୍ଡର୍ ୭ ରନ୍ କରି ଅପରାଜିତ ଥିଲେ । ଭାରତ ପକ୍ଷରୁ ଶାର୍ଦ୍ଧୁଲ, ଶାମି ଓ ଜାଡେଜା ଗୋଟିଏ ଲେଖାଏ ୱିକେଟ୍ ନେଇଥିବା ବେଳେ ନବଦୀପ ୨ ଟି ୱିକେଟ୍ ନେଇଥିଲେ ।