ଇଣ୍ଡିଆନ ଆମେରିକାନ ମୁସଲିମ କାଉନସିଲ ହେଉଛି ଏକ ସନ୍ଦିଗ୍ଦ ସଂସ୍ଥା ଯାହା ଆମେରିକାରେ ଭାରତର ମୁସଲମାନମାନଙ୍କ ପାଇଁ କାମ କରୁଛି ବୋଲି ଦାବି କରେ । ସେମାନେ ଏବେ ଭାରତର କିଛି ସାମ୍ବାଦିକମାନଙ୍କୁ ପୁରଷ୍କାର ଦେବାରେ ଲାଗିଛନ୍ତି ଓ ସେମାନଙ୍କୁ ହାତ କରି ଭାରତରେ ମୁସଲମାନମାନେ ଅତ୍ୟାଚାର ହେଉଛନ୍ତି, ଭାରତରେ ହିନ୍ଦୁମାନେ ମୁସଲମାନମାନଙ୍କର ଅଧିକାରକୁ ଖଣ୍ଡିତ କରୁଛନ୍ତି ଏପରି ଖବର ଲେଖାଉଛନ୍ତି ।
ପୁରଷ୍କାର ତାଲିକାରେ ଯେଉଁ ଯେଉଁ ସଂସ୍ଥାମାନ ଅଛନ୍ତି ଏମାନେ ସବୁ ହେଉଛନ୍ତି ସେହି ଭଳି ଗଣମାଧ୍ୟମମାନେ ଯେଉଁମାନେ ପ୍ରତିଟି ଖବର ପାଇଁ ହିନ୍ଦୁମାନଙ୍କୁ ଭୁଲ ଦର୍ଶାନ୍ତି । ଏମିତିକି ଆତଙ୍କବାଦୀ ଆକ୍ରମଣ ଖବରକୁ ମଧ୍ୟ ଆନ୍ଦୋଳନ ଶବ୍ଦର ବ୍ୟବହାର କରିଥାଆନ୍ତି । ନ୍ୟୁଜ ଲଣ୍ଡ୍ରି, କାରଭାନ, ନ୍ୟୁଜ ମିନଟ, ସ୍କ୍ରୋଲ ଭଳି ସଂସ୍ଥାମାନଙ୍କୁ ପୁରଷ୍କାର ମିଳୁଛି ।
ଦେଶରେ ପ୍ରଚଳିତ ନିୟମାନୁସାରେ କୌଣସି ଗଣମାଧ୍ୟମ ଓ ଏହାର ସାମ୍ବାଦିକମାନେ କୌଣସି ବିଦେଶି ସଂସ୍ଥାଠାରୁ ଅର୍ଥ ଆଣିପାରିବେ ନାହିଁ । ବିଦେଶୀ ଅନୁଦାନ ନିୟନ୍ତ୍ରନ ଆଇନ ୨୦୧୦ର ଧାରା ୩(୧) ଅନୁସାରେ ଏହା ବେଆଇନ ।
ଇଣ୍ଡିଆନ ଆମେରିକାନ ମୁସଲିମ କାଉନସିଲର ଭାରତ ବିରୋଧୀ କାର୍ଯ୍ୟଧାରା ଭାରତ ସରକାରଙ୍କର ଅବଗତରେ ରହିଛି । ଆଗରୁ ଜାନୁୟାରୀ ମାସ ୨୭ ତାରିଖରେ କେନ୍ଦ୍ରୀୟ ମନ୍ତ୍ରୀ ମୁକ୍ତାର ଆବାସ ନକଭି ଇଣ୍ଡିଆନ ଆମେରିକାନ ମୁସଲିମ କାଉନସିଲର ପାକିସ୍ତାନର ଆତଙ୍କବାଦ ସଙ୍ଗଠନ ଆଇଏସଆଇ ଓ କେରଳ ପିଏଫଆଇ ସହିତ ସର୍ମ୍ପକ ରହିଛି ବୋଲି କହିଥିଲେ । ଆଗରୁ ଇଣ୍ଡିଆନ ଆମେରିକାନ ମୁସଲିମ କାଉନସିଲର ଟ୍ୱିଟର ଆକାଉଂଟରେ ମୁସଲମାନମାନଙ୍କ ଉପରେ ଆକ୍ରମଣ ହେଉଥିବାର ଅନେକ ମିଥ୍ୟା ଭିଡିଓ ସେଆର କରାଯାଇଥିଲା । ଯାହାକୁ ପରେ ଭାରତ ସରକାରଙ୍କର ଆପତି ପରେ ଏହାକୁ ଟ୍ୱିଟର ପକ୍ଷ୍ୟରୁ ହଟାଇ ଦିଆଯାଇଥିଲା । ଏବେ ଦେଖିବାକୁ ବାକି ରହିଲା ଯେ ପୁରଷ୍କାର ପାଇଥିବା ଓ ଆର୍ଥୀକ ସୁବିଧା ନେଇଥିବା ଗଣମାଧ୍ୟମର ପ୍ରତିନିଧିମାନଙ୍କ ଉପରେ ଭାରତ ସରକାରଙ୍କର ଆଭିମୁଖ୍ୟ କଣ ରହୁଛି ।