ଆମିର ଖାନଙ୍କ ଫିଲ୍ମ ଲାଲ ସିଂ ଚଢାକୁ ଲୋକଙ୍କ ବର୍ଜନ ଅପିଲ କାରଣରୁ ଫିଲ୍ମଟି ଭାରତରେ ଚାଲି ପାରି ନାହିଁ । ତେବେ ଭାରତରେ ଏହି ଫିଲ୍ମ ନ ଚାଲିବା କାରଣରୁ ପାକିସ୍ତାନରେ ଏହି ଫିଲ୍ମକୁ ରିଲିଜ କରି ଆର୍ଥିକ କ୍ଷତିକୁ ଭରଣା କରିବାକୁ ଚେଷ୍ଟା କରାଯାଉଥିବା ଗଣମାଧ୍ୟମ ରିପୋର୍ଟରେ ପ୍ରକାଶ ପାଇଛି ।
ଭାରତରେ ଏହି ଫିଲ୍ମକୁ ବହିଷ୍କାର କରିବାକୁ ଆହ୍ବାନ ପରେ ପାକିସ୍ତାନରେ ଏହି ଫିଲ୍ମକୁ ରିଲିଜ କରିବାକୁ ଦାବି ହୋଇଛି । ପାକିସ୍ତାନୀ ମାନଙ୍କ ପକ୍ଷରୁ ଏହି ଦାବି ତାଙ୍କର ସରକାର ନିକଟରେ କରାଯାଇଛି ।
ପାକିସ୍ତାନର ସିନେପେକ୍ସ ମିଡିଆ ଗ୍ରୁପ ପାକିସ୍ତାନର ଇନଫର୍ମେସନ ମିନିଷ୍ଟ୍ରିକୁ ଏହି ଫିଲ୍ମ ରିଲିଜ କରିବାକୁ ଅନାପତ୍ତି ପ୍ରମାଣପତ୍ର ବା ଏନଓସି ପାଇଁ ଆବେଦନ କରିଥିବା ଜଣା ପଡିଛି।
ଫିଲ୍ମ ସମୀକ୍ଷକ କମାଲ ଖାନ ଏହାକୁ ନେଇ ଏକ ଟ୍ୱିଟ କରିଛନ୍ତି ଯାହା ବର୍ତମାନ ଚର୍ଚାର ବିଷୟ ପାଲଟିଛି ।
ସେ ଟ୍ବିଟ କରି କହିଛନ୍ତି ଯେ - ମିଡିଆ ରିପୋର୍ଟ ଅନୁସାରେ ଆମିର ଖାନ ତାଙ୍କର ଫିଲ୍ମ ଲାଲ ସିଂହ ଚଢାକୁ ପାକିସ୍ତାନରେ ରିଲିଜ କରାଇବାକୁ ସ୍ଥିର କରିଛନ୍ତି । ଇମରାନ ଭାରତର ଲୋକ ମାନଙ୍କ ଉପରେ ଏଇଥି ପାଇଁ ଖୁସି ନାହାନ୍ତି ଯେ ସେମାନେ ତାଙ୍କ ଫିଲ୍ମକୁ ଅସ୍ବୀକାର କରି ଦେଇଛନ୍ତି । ଆମିର ଭାଇ ଭଲ ନିଷ୍ପତି ନେଇଛନ୍ତି । ମୁଁ ତ କହୁଛି ଯେ ଆମିର ପାକିସ୍ତାନ ଚାଲି ଯାଆନ୍ତୁ ଓ ଆଗକୁ ସେଠାରେ ହିଁ ଫିଲ୍ମ ତିଆରି କରନ୍ତୁ ।