ଆମେରିକାରେ ରାଷ୍ଟ୍ରପତି ଜୋ ବାଇଡେନ ଚାରିବର୍ଷ ପାଇଁ କ୍ଷମତାକୁ ଆସିଥିଲେ ହେଁ ମାତ୍ର ଦୁଇବର୍ଷ ମଧ୍ୟରେ ଅପ୍ରିୟ ହୋଇଥିବା ଲକ୍ଷ୍ୟ କରାଯାଉଛି । କଂଗ୍ରେସ ପାଇଁ ଚାଲିଥିବା ମଧ୍ୟାବଧି ନିର୍ବାଚନ ବେଳେ ବୟସ୍କ ବାଇଡେନ ଉଭୟ ଦକ୍ଷତା ଏବଂ ବିଚାର ଦୃଷ୍ଟିରୁ ଦୁର୍ବଳ ଥିବା ସ୍ପଷ୍ଟ ହୋଇଥିଲା । ଏତେ କମ୍ ସମୟରେ ଲୋକଙ୍କ ନିକଟରେ ଅଲୋଡା ହେବା ଡେମୋକ୍ରାଟିକ ଦଳ ପାଇଁ ସମସ୍ୟା ସୃଷ୍ଟି କରିଥିଲା । ବିରୋଧୀ ଦଳ ରିପବ୍ଲିକାନର ସମ୍ଭାବ୍ୟ ପ୍ରାର୍ଥୀ ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଡେମୋକ୍ରାଟ ଦଳର ଏହି ଦୁର୍ବଳ ସ୍ଥିତିରୁ ଫାଇଦା ନେବାଲାଗି ପୂରାଦମରେ ଲାଗିପଡିଥିଲେ । ବଡ କଥା ହେଲା ବାଇଡେନ ନିଜ ଦଳ ଭିତରେ ସମାଲୋଚନାର ଶିକାର ହୋଇଥିଲେ । ଦଳର ବରିଷ୍ଠ ନେତ୍ରୀ ତୁଳସୀ ଗାବାର୍ଡ ବାଇଡେନଙ୍କୁ ଯୁଦ୍ଧଖୋର ରାକ୍ଷସ ଭାବେ ବର୍ଣ୍ଣନା କରି ତାଙ୍କର ଅନେକ ନୀତିକୁ ସମାଲୋଚନା କରି ଦଳରୁ ଇସ୍ତଫା ଦେଇଥିଲେ । କୋରୋନା ପରବ ର୍ୀ କାଳରେ ଆର୍ôଥକ ପରିଚାଳନାରେ ଅବ୍ୟବସ୍ଥା ଏବଂ ୟୁକ୍ରେନ -ରୁଷିଆ ଯୁଦ୍ଧରେ ଆମେରିକାର ଭୂମିକାକୁ କେନ୍ଦ୍ର କରି ସାରା ପୃଥିବୀରେ ଏକ ନକାରାତ୍ମକ ଛବି ସୃଷ୍ଟି ହୋଇଛି, ଯାହା ଆଗାମୀ ଦିନରେ ଆମେରିକାର ଅନେକ ସହଯୋଗୀ ରାଷ୍ଟ୍ରମାନଙ୍କୁ ଦୂରେଇ ନେବ ।
ସଂପ୍ରତି ଜାପାନ ଏହା ଅନୁଭବ କରି ନିଜର ପୂର୍ବନୀତି ବଦଳାଇ ଦ୍ୱିତୀୟ ବିଶ୍ୱଯୁଦ୍ଧ ପୂର୍ବସ୍ଥିତିକୁ ଫେରିବାକୁ ଇଛାକରି ସବ୍ମେରିନ୍ ନିର୍ମାଣ ପାଇଁ ଯେଜନା କରୁଛି । ଆମେରିକା ଉପରୁ ଜାପାନର ଭରସା ହ୍ରାସ ପାଉଛି । ରୁଷିଆକୁ ନିୟନ୍ତ୍ରଣରେ ରଖିବା ପାଇଁ ଆମେରିକା ଯେପରି ୟୁକ୍ରେନର ଗୋଟି ଚାଳନା କରିଥିଲା ତାହା ବୁମେରାଂ ସାବ୍ୟସ୍ତ ହୋଇଛି । ଆଗାମୀ ଆର୍ôଥକ ବର୍ଷରେ ଦେଶର ଅର୍ଥନୀତି ଆହୁରି ଅଧିକ ତଳକୁ ଖସିବାର ସଂକେତ ଏବେଠୁ ମିଳିସାରିଲାଣି । ବାଇଡେନ କ୍ଷମତାକୁ ଆସିବା ପରଠାରୁ ଅସ୍ଥିର ମନରେ ନୀତି ନିର୍ଦ୍ଧାରଣ କରିବା ଦେଖାଯାଉଛି । ସେ ଶାରୀରିକ ଦୃଷ୍ଟିରୁ ଯେପରି ଦୁର୍ବଳ ରହିଆସିଛନ୍ତି, ମାନସିକ ଦୃଷ୍ଟିରୁ ମଧ୍ୟ ସେହିପରି ଅସନ୍ତୁଳିତ ରହିଛନ୍ତି । ଏସବୁ ତାଙ୍କର କାର୍ଯ୍ୟକଳାପରୁ ସ୍ପଷ୍ଟ ବାରି ହୋଇପଡୁଛି । ନିର୍ବାଚନ ପ୍ରଚାର ବେଳେ ମ ରେ ତାଙ୍କ ଗୋଡ ଠିକଣା ଢଙ୍ଗରେ ନପଡିବା ଯୋଗୁ ଅନେକ ସ୍ଥାନରେ ଉପରାଷ୍ଟ୍ରପତି କମଳା ହାରିସ୍ ତାଙ୍କ ପାଖେ ପାଖେ ରହି ସାହାଯ୍ୟ କରିବା ଦେଖାଯାଇଥିଲା । ପୂର୍ବରୁ ବିମାନର ପାହାଚ ଉପରୁ ଓହ୍ଲାଇବା ବେଳେ ସେ ଖସିପଡିବା ସମସ୍ତେ ଦେଖିଛନ୍ତି । ଏବେ ଶାରୀରିକ ଦୃଷ୍ଟିରୁ ସେ ପୂର୍ଣ୍ଣ ସୁସ୍ଥ ନାହାନ୍ତି । ତେଣୁ ଭାଷଣ ଦେବା ସମୟରେ କଥାରେ ତାଳମେଳ ରହୁନଥିବା ପରିଲକ୍ଷିତ ହେଉଛି । ଯେମିତି ଆମେରିକାରେ ୫୪ଟି ରାଜ୍ୟଥିବା , କ୍ଷମତାକୁ ଆସିଲା ବେଳେ ଗ୍ୟାସ ଦର ପା ଡଲାର ଅଧିକ ଥିବା ବିଷୟ ସେ ଉଲ୍ଲେଖ କରିଥିଲେ । ୭ ନଭେମ୍ବର ଦିନ ନିର୍ବାଚନ ପ୍ରଚାର ବେଳେ ଫ୍ଲୋରିଡାର ନବନିର୍ବାଚିତ ଗଭର୍ଣ୍ଣର ଏବଂ ରିପବ୍ଲିକାନ ନେତା ରନ୍ ଡେସା ିସ୍ ବାଇଡେନଙ୍କୁ ସମାଲୋଚନା କରିଥିଲେ । ବାରମ୍ବାର ସେ ମିଛ କହୁଥିବା ଅଭିଯୋଗ ଆଣିଥିଲେ ।
ହାଉସ ଅଫ୍ ରିପ୍ରେଜେ ଟିଭର ୪୩୫ ଆସନ ସହ ସିନେଟର ୧୦୦ରୁ ୩୫ ଆସନ ପାଇଁ ମଧ୍ୟାବଧି ନିର୍ବାଚନ ହୋଇଥିଲା । ଗତ ଦୁଇବର୍ଷ ଧରି ଉଭୟ ସଂସଦରେ ଡେମୋକ୍ରାଟ ଦଳ ସଂଖ୍ୟାଗରିଷ୍ଠ ସ୍ଥିତିରେ ରହିଆସିଥିଲା । ତେଣୁ ଆଇନପାସ୍ କରିବା ପାଇଁ ବାଇଡେନ କୌଣସି ପ୍ରକାର ଅସୁବିଧାର ସମ୍ମୁଖୀନ ହୋଇନାହାନ୍ତି । ଏବେ କିନ୍ତୁ ନିର୍ବାଚନ ପରେ ସ୍ଥିତି ବଦଳିବା ସ୍ପଷ୍ଟ ହୋଇଗଲାଣି । ଆମେରିକାର ମିଡିଆ ଲୋକେ ଡୋନାଲ୍ଡ ଟ୍ରମ୍ପ ପୁନର୍ବାର ସମସ୍ତଙ୍କୁ ଚକିତ କରିଦେବେ ବୋଲି ଆକଳନ କରିବସିଥିଲେ, ଯାହା ନିର୍ବାଚନ ପରେ ବଦଳିଯାଇଛି । ସର୍ଭେରୁ ଜଣାପଡିଛି ଯେ ଭୋଟରମାନେ ରିପବ୍ଲିକାନ ଦଳକୁ ସମର୍ଥନ ଦେବାକୁ ରାଜିଥିଲେ ମଧ୍ୟ ଯୁବ ଭୋଟରମାନେ ଡୋନାଲଡ୍ଙ୍କ ଟ୍ରମ୍ପଙ୍କ ହାମ୍ବଡା ନୀତିକୁ ଆଦୌ ପସନ୍ଦ ନକରି ଡେମୋକ୍ରାଟ ଦଳକୁ ଭୋଟ ଦେବା ଯୋଗୁଁ ହିସାବ ବଦଳିଯାଇଛି । ଏପରିକି ରିପବ୍ଲିକାନ ଦଳର ରାଜ୍ୟ ଗଭର୍ଣ୍ଣର ନିର୍ବାଚିତ ହେଲାବେଳେ ସିନେଟ ପାଇଁ ସେଠାରେ ଡେମୋକ୍ରାଟ ଦଳକୁ ଲୋକେ ଭୋଟ ଦେବା ଏହାର ପ୍ରମାଣ । ଏଥିରୁ ଯେଉଁ ସୂଚନା ମିଳୁଛି ଯେ ଆଗାମୀ ଦିନରେ ଦଳ ପ୍ରାର୍ଥୀ ବଦଳାଇବା ନିଶ୍ଚିତ । କାରଣ ଟ୍ରମ୍ପଙ୍କ ନେତୃତ୍ୱକୁ ସବୁ ଲୋକେ ପସନ୍ଦ କରିବା ସହଜ ହେଉନାହିଁ ।
ତେଣୁ ଡେସା ିସଙ୍କ ସପକ୍ଷରେ ମତ ଉଠିଲାଣି । ଏବେ ଡେସା ିସ ଗଭର୍ଣ୍ଣର ଭାବେ ବିଜୟୀ ହୋଇଛନ୍ତି । ଟ୍ରମ୍ପଙ୍କ ତୁଳନାରେ ସେ ଅଧିକ ସକ୍ରୀୟ , ସ୍ୱଚ୍ଛ ଏବଂ ଯୁବନେତା ହୋଇଥିବାରୁ ତାଙ୍କ ସମର୍ଥନ ଦଳ ଭିତରେ ବଢିବାରେ ଲାଗିଛି । ରିପବ୍ଲିକାନଙ୍କ ଭୋଟ ନିୟନ୍ତ୍ରଣ କରିବାକୁ ଉଦ୍ୟମକରି ବାଇଡେନ ସଫଳ ହୋଇଛନ୍ତି । ୯ ନଭେମ୍ବର ୨୦୨୨ରେ ହୋଇଥିବା ମଧ୍ୟାବଧି ନିର୍ବାଚନର ସମସ୍ତ ଫଳାଫଳ ଏପର୍ଯ୍ୟନ୍ତ ପ୍ରକାଶ ପାଇନାହିଁ । କାଗଜ ଭୋଟ ଦେବାର ବ୍ୟବସ୍ଥା ଏ ପର୍ଯ୍ୟନ୍ତ ଆମେରିକାରେ ଜାରିଥିବା ଯୋଗୁ ଭୋଟଗଣନା ବିଳମ୍ବିତ ହୋଇଛି । ମାତ୍ର ୪୦ କୋଟି ଜନସଂଖ୍ୟା ବିଶିଷ୍ଟ ଆମେରିକାର ନିର୍ବାଚନ ଫଳାଫଳ ଗୋଟିଏ ସପ୍ତାହ ପରେ ମଧ୍ୟ ପ୍ରକାଶ ପାଇବା ସମ୍ଭବପର ହୋଇନାହିଁ । ଏହାକୁ କିଛି ବ୍ୟକ୍ତି ସମର୍ଥନ କରୁଥିଲେ ମଧ୍ୟ ଏହା ଆମେରିକାର ବ୍ୟବସ୍ଥାଗତ ଦୁର୍ବଳତାକୁ ସୂଚାଇ ଦେଉଛି । ନିର୍ବାଚନରେ ଆଶାତୀତ ସଫଳତା ପାଇନଥିଲେ ମଧ୍ୟ ଟ୍ରମ୍ପ ଡେମୋକ୍ରାଟକୁ ଆକ୍ରମଣ କରିବା ଜାରି ରଖିଛନ୍ତି । ଆମେରିକାକୁ ଏକ ବିଫଳ ରାଷ୍ଟ୍ରସ୍ତରକୁ ଆଣିବା ପାଇଁ ବାଇଡେନଙ୍କ ଦୁର୍ବଳ ନେତୃତ୍ୱ ହିଁ ଦାୟୀ ବୋଲି କହି ସେ ପ୍ରଚାର ଚଳାଇଛନ୍ତି । ୟୁକ୍ରେନ ଦ୍ୱନ୍ଦ୍ୱରେ ଅସ୍ତ୍ର ଯୋଗାଣ କରି ଆମେରିକା ଦେବାଳିଆ ହୋଇଯିବ ବୋଲି ସେ କହି ବୁଲୁଛନ୍ତି ।
ଏପରିକି ନିକଟରେ ହୋଇଥିବା ନିର୍ବାଚନରେ ଜାଲିଆତି ହୋଇଥିବାର ସେ ଅଭିଯୋଗ କରିଛନ୍ତି । କାରଣ ସାଧାରଣରେ ରିପବ୍ଲିକାନର ଲୋକପ୍ରିୟତା ସେ ୍ୱ ମତଦାନରେ ଦଳ ପଛରେ ରହିବାକୁ ସହଜରେ ସେ ବିଶ୍ୱାସ କରିପାରୁନାହାନ୍ତି । ନେଭାଡା ପରି ରାଜ୍ୟରେ ଦଳର ପରାଜୟ ତାଙ୍କୁ ବିସ୍ମିତ କରିଛି । ସିନେଟର ୩୫ଟି ଆସନ ପାଇଁ ହୋଇଥିବା ନିର୍ବାଚନରେ ଶାସକ ଦଳ ଗୋଟିଏ ଆସନ ରିପବ୍ଲିକାନ ହାତରୁ ଛଡାଇ ନେଇଛି । ନିର୍ବାଚନ ହୋଇଥିବା ସିନେଟର ୩୫ଟି ଆସନ ମଧ୍ୟରୁ ୧୪ଟି ଡେମୋକ୍ରାଟ ଏବଂ ୨୧ଟି ରିପବ୍ଲିକାନ ଦଳର ହାତରେ ରହିଥିଲା । ଏବେ ୫୦ଟି ଆସନ ଲାଭ କରି ଡେମୋକ୍ରାଟ ନିଜ ସ୍ଥିତି ସୁଧାରିଛି । ଫଳରେ ଡେମୋକ୍ରାଟଙ୍କ ନିୟନ୍ତ୍ରଣକୁ ସିନେଟ ଆସିଛି । ରିପବ୍ଲିକାନ ୪୯ ଆସନରେ ସୀମିତ ଥିଲାବେଳେ ଗୋଟିଏ ଆସନ କମଳା ହାରିସଙ୍କ ରହିଛି । ସେ ଉପରାଷ୍ଟ୍ରପତି ରହିବା ସହ ଆବଶ୍ୟକ ସ୍ଥଳେ ଭୋଟ ଦେବେ । ତେଣୁ ସଦନରେ ମୋଟ ୧୦୦ ସିନେଟ ଆସନରୁ ଡେମୋକ୍ରାଟ ହାତରେ ୫୧ ଏବଂ ରିପବ୍ଲିକାନ ହାତରେ ୪୯ ଆସନ ରହିଛି । କିନ୍ତୁ ହାଉସ୍ ଅଫ୍ ରିପ୍ରେଜେେ ଟିଭ୍ରେ ରିପବ୍ଲିକାନ ଦଳ ଆଗରେ ରହିଛି । ଟ୍ରମ୍ପଙ୍କ ନିକଟତମ ନେତ୍ରୀ ଏବଂ ମିଡିଆ କର୍ମୀ କାରୀ ଲେକ୍ ଆରିଜୋନା ଗଭର୍ଣ୍ଣର ପଦବୀ ନିର୍ବାଚନରେ ଡେମୋକ୍ରାଟ ଦଳର କାଟୀ ହବ୍ସଙ୍କ ଠାରୁ ପରାଜିତ ହୋଇଛନ୍ତି । ଆମେରିକାର ନିର୍ବାଚନର ପରମ୍ପରାରେ ଦେଖାଯାଇଛି ଯେ ଶାସକଦଳ ସବୁବେଳେ ମଧ୍ୟାବଧି ନିର୍ବାଚନରେ ଆସନ ହରାଇଥାଏ । କିନ୍ତୁ ଚଳିତବର୍ଷର ନିର୍ବାଚନ ସେହି ପରମ୍ପରାକୁ ଭାଙ୍ଗିବାକୁ ସକ୍ଷମ ହୋଇଛି ।
ଗତ ୫୦ ବର୍ଷ ଧରି ଏହି ଧାରା ଚାଲି ଆସିଥିଲା । ଏ ପ୍ରକାର ଫଳାଫଳକୁ ଲକ୍ଷ୍ୟ କରି ଆରିଜୋନାର ରିପବ୍ଲିିକାନ ପ୍ରତିନିଧି ଏବଂ ଟ୍ରମ୍ପଙ୍କ ସମର୍ଥକ ମୋ ବ୍ରୁକ୍ସ ତାଙ୍କ ପ୍ରତିକ୍ରିୟାରେ କହିଛନ୍ତି ଯେ ଯଦି ଦଳ ପୂର୍ବତନ ରାଷ୍ଟ୍ରପତିଙ୍କୁ ୨୦୨୪ ପାଇଁ ପୁନର୍ବାର ପ୍ରାର୍ଥୀ କରେ ତେବେ ତାହା ଭୁଲ ହେବ । ହେଲେ ନିର୍ବାଚନ ଫଳାଫଳକୁ ଗୁରୁତ୍ୱ ନଦେଇ ଟ୍ରମ୍ପ ୨୦୨୪ରେ ରାଷ୍ଟ୍ରପତି ପ୍ରାର୍ଥୀ ହେବେ ବୋଲି ଘୋଷଣା କରିସାରିଲେଣି । ଟ୍ରମ୍ପ ତାଙ୍କର ବାସସ୍ଥାନ ମାର-ଇ-ଲାଗୋ ଇଷ୍ଟେଟରୁ ଗଣମାଧ୍ୟମକୁ କହିବାକୁ ଯାଇ ଏହା ପ୍ରକାଶ କରିଛନ୍ତି । ପ୍ରତିନିଧି ସଭା ପାଇଁ ରିପବ୍ଲିକାନ ପକ୍ଷରୁ ବାଚସ୍ପତି ପଦପାଇଁ କେଭିନ ମାକ୍କାର୍ଥୀଙ୍କୁ ପ୍ରାର୍ଥୀ କରାଯିବ ବୋଲି ଜଣାପଡିଛି । ସେପଟେ ସିନେଟରେ ରିପବ୍ଲିକାନ ନେତା ପାଇଁ ରିକ୍ ସ୍କଟ ପ୍ରାର୍ଥୀ ହେବେ ବୋଲି ନିଜ ଆଡୁ କହିସାରିଲେଣି । ତା’ହେଲେ ତାଙ୍କୁ ରିଚ୍ ମାକ୍କନେଲଙ୍କ ସହ ଲଢିବାକୁ ହେବ ।
ଆମେରିକାର ସିନେଟରେ ଶାସକଦଳ ଡେମୋକ୍ରାଟର ବହୁମତ ବଳବ ର ରହୁଥିଲା ବେଳେ ନିର୍ବାଚନ ପରେ ପ୍ରତିନିଧି ସଭାରେ ରିପବ୍ଲିକାନ ଦଳ ସପକ୍ଷରେ ବହୁମତ ରହିବ ବୋଲି ଜଣାପଡିଛି । ଫଳାଫଳର ଧାରାରୁ ଯାହା ଜଣାପଡିଛି ମୋଟ ୪୩୫ ଆସନରୁ ୨୧୭ ଆସନ ଟ୍ରମ୍ପଙ୍କ ଦଳ ପାଇଥିଲା ବେଳେ ଡେମୋକ୍ରାଟ ଦଳ ୨୦୯ ଆସନ ପାଇଛି । ସଂସଦରେ ବହୁମତ ପାଇଁ ୨୧୮ ଆସନ ଆବଶ୍ୟକ ଯାହା ରିପବ୍ଲିକାନ ଦଳ ହାସଲ କରିପାରେ । ଏଭଳି ଭିନ୍ନ ଜନମତ ଅଗାମୀ ଦିନରେ ରାଷ୍ଟ୍ରପତିଙ୍କ ପ୍ରାର୍ଥୀତ୍ୱକୁ ପ୍ରଭାବିତ କରିପାରେ । ଆମେରିକାର ଏହି ଦୁଇ ପ୍ରତିଦ୍ୱନ୍ଦ୍ୱୀ ଦଳ ଫଳାଫଳ ପ୍ରକାଶ ପରେ ଆତ୍ମସମୀକ୍ଷା କରିବେ ନିଶ୍ଚୟ । କିନ୍ତୁ ବ ର୍ମାନର ପରିସ୍ଥିତିରେ ଆମେରିକାର ଭୋଟରମାନେ ଦ୍ୱନ୍ଦ୍ୱରେ ରହିଥିବା ସ୍ପଷ୍ଟ ଜଣାପଡୁଛି ।