ଏପ୍ରିଲ ୧ । ରାଜ୍ୟ ସରକାର ମାନିଲେ କି ରାଜ୍ୟରେ ଅଛନ୍ତି ୭ ବିଦେଶି ତବଲିଗ ଧର୍ମପ୍ରଚାରକ । ୬ ଜଣ ସୁଦାନର ଆଉ ଜଣେ ଅନ୍ୟ ଏକ ଆଫ୍ରିକିୟ ଦେଶର । ଏମାନେ ସମସ୍ତେ ଥିଲେ ରାଉରକେଲାରେ କ୍ୱାରଂଟାଇନରେ । ବର୍ତମାନ ଏମାନଙ୍କର କ୍ୱାରଂଟାଇନ ସରିଛି । ହେଲେ ଏବେ ସୁଦ୍ଧା ସେମାନେ କାହିଁକି ଗିରଫ ହୋଇନାହାନ୍ତି । ଭିସା ଆଇନ ଉଲଙ୍ଘନରେ ସେମାନଙ୍କୁ ରାଜ୍ୟ ସରକାର ଗିରଫ କରିବା କଥା ଯାହା ଏବେ ସୁଦ୍ଧା ରାଜ୍ୟ ସରକାର କରିନାହାନ୍ତି । ଏପରିକି ସେମାନେ ଏବେ କେଉଁଠି ଅଛନ୍ତି ସେ ବିଷୟରେ ବି ରାଜ୍ୟ ସରକାର କୌଣସି ତଥ୍ୟ ଦେଉନାହାନ୍ତି । ସେହି ବିଦେଶୀ ତବଲିଗମାନେ ଭାରତକୁ ଆସିଥିଲେ ପର୍ଯ୍ୟଟନ ଭିସାରେ । ପର୍ଯ୍ୟଟନ ଭିସାର ନିୟମକୁ ଭାଙ୍ଗି ସେମାନେ ଦିଲ୍ଲିରେ ଆୟୋଜିତ ଜମାତରେ ଯୋଗଦେଲେ । ଏହାପରେ ସେମାନେ ଓଡିଶା ଆସିଥିଲେ ସେମାନଙ୍କର ଧର୍ମପ୍ରଚାର କାମରେ ଯାହା ସମ୍ପୃର୍ଣ୍ଣ ବେଆଇନ । କାରଣ କୌଣସି ବିଦେଶୀ ଆସିକି ଆମ ଦେଶରେ ଧର୍ମ ପ୍ରଚାର କରିବେ ନାହିଁ । ଏତେ ସବୁ ବେଆଇନ କାମର ପ୍ରମାଣ ଥାଇବି ରାଜ୍ୟ ସରକାର କାହିଁକି ନରମ ଅଛନ୍ତି ସେମାନଙ୍କ ଉପରେ ।
ଆଉ ଗୋଟିଏ ଦ୍ୱନ୍ଦାତ୍ମକ ତଥ୍ୟ ବି ଅଛି । କେନ୍ଦ୍ର ସରକାର କେତେ ତବଲିଗ ଜମାତି ନୂଆଦିଲ୍ଲୀରୁ ବିଭିନ୍ନ ରାଜ୍ୟକୁ ଫେରିଛନ୍ତି ସେମାନଙ୍କ ଯେଉଁ ତଥ୍ୟ ପ୍ରକାଶ କରିଥିଲେ ସେଥିରେ ଓଡିଶାକୁ ୧୧ ଜଣ ବିଦେଶି ତବଲିଗ ଥିବାର ଉଲ୍ଲେଖ୍ୟ ଥିଲା । ହେଲେ ରାଜ୍ୟ ସରକାର କିନ୍ତୁ ୭ ଜଣଙ୍କ କଥା କହିଲେ । ବାକି ୪ ଜଣ କୁଆଡେ ଗଲେ ? ସେମାନଙ୍କ ବିଷୟରେ ରାଜ୍ୟ ସରକାର କାହିଁକି କିଛି କହୁନାହାନ୍ତି ।
ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସରକାର କରୋନା ବିରୁଦ୍ଧରେ ଲଢେଇ ପାଇଁ ଆବଶ୍ୟକୀୟ ପଦକ୍ଷେପ ନେଉଥିବା ବେଳେ ଆଇନ ଭାଙ୍ଗୁଥିବା ତବଲୀଗୀ ମାନଙ୍କ ବିରୁଦ୍ଧରେ କଡା କାର୍ୟାନୁଷ୍ଠାନ ଗ୍ରହଣ କରିଛନ୍ତି । ଉତ୍ତର ପ୍ରଦେଶ ପୋଲିସ ବହରାଇଚ ଜିଲ୍ଲାରେ ଆଇନ ଉଲ୍ଲଂଘନ କରିଥିବା ବିଦେଶୀ ତବଲୀଗୀ ମାନଙ୍କୁ ଜେଲକୁ ପଠାଇ ଦେଇଛି । ଏମାନଙ୍କର କ୍ବାରେଂଟାଇନ ସମାପ୍ତ ହେବା ପରେ ସେମାନଙ୍କୁ ଜେଲକୁ ପଠାଇ ଦିଆଯାଇଥିବା ଜଣା ପଡିଛି । ଏହି ତବଲୀଗୀ ମାନଙ୍କୁ ଭିସା ଓ ପାସପୋର୍ଟ ନିୟମ ଉଲ୍ଲଂଘନରେ ଗିରଫ କରା ଯିବା ପରେ ସେମାନଙ୍କୁ ଜେଲକୁ ପଠାଇ ଦିଆଯାଇଛି । ଏହି ୧୭ ଜଣ ଅଭିଯୁକ୍ତ ବିଦେଶୀ ତବଲୀଗୀ ଇଣ୍ଡୋନେସିଆ ଓ ଥାଇଲାଣ୍ଡର ନାଗରିକ । ଏମାନେ କ୍ବାରେଂଟାଇନରେ ଥିଲେ । କ୍ବାରେଂଟାଇନର ଅବଧି ସମାପ୍ତ ହେବା ମାତ୍ରେ ପୋଲିସ ତାଙ୍କୁ ଦେଶର ନିୟମ ଉଲ୍ଲଂଘନ ଅଭିଯୋଗରେ ଜେଲକୁ ପଠାଇ ଦେଇଛି । ହେଲେ ଓଡିଶା ରାଜ୍ୟ ସରକାରଙ୍କର ସେମାନଙ୍କ ପ୍ରତି ଏତେ ଦରଦ କାହିଁକି ?
ସେହିପରି ବିହାରରେ ବିଦେଶରୁ ଆସିଥିବା ତବଲୀଗୀ ଜମାତୀ ମାନଙ୍କ ବିରୁଦ୍ଧରେ କାର୍ୟ୍ୟାନୁଷ୍ଠାନ ଦେଖିବାକୁ ମିଳିଛି । ରାଜଧାନୀ ପାଟନାରେ ଇସଲାମର ପ୍ରଚାର ପାଇଁ ଆସିଥିବା ୧୭ ଜଣ ବିଦେଶୀଙ୍କୁ କ୍ବାରେଂଟାଇନ ସମୟ ଶେଷ ହେବା ପରେ ଗିରଫ କରି ଜେଲକୁ ପଠାଇ ଦିଆ ଯାଇଛି । କେନ୍ଦ୍ର ଗୃହ ମନ୍ତ୍ରଣାଳୟର ଆଦେଶ ପରେ ଏହି ପଦକ୍ଷେପ ଉଠା ଯାଇଛି । ଏହି ସମସ୍ତ ତବଲୀଗୀ ଜମାତୀ କିର୍ଗିସ୍ତାନ, କଜାକିସ୍ତାନ ଓ ମାଲୟେସିଆର ଓ ଟୁରିଷ୍ଟ ଭିସାରେ ସେମାନେ ଭାରତ ଆସି ଇସଲାମର ପ୍ରଚାର କରୁଥିଲେ । ସ୍ଥାନୀୟ ଅଧିକାରୀଙ୍କ ଅନୁସାରେ ସେମାନଙ୍କର ଭିସା ଅବଧି ୩୦ ଜୁନ ଯାଏ ଥିଲା । ହେଲେ ସେମାନେ ପର୍ୟ୍ୟଟକ ଭିସାରେ ଆସି ଥିବାରୁ ଧର୍ମ ପ୍ରଚାର କରିବାର ଅଧିକାର ନ ଥିଲା । ତେଣୁ ତାଙ୍କୁ ଗିରଫ କରାଯାଇ ଜେଲ ପଠାଇ ଦିଆ ଯାଇଛି । ଏହି ବିଦେଶୀ ମାନଙ୍କର ନମୁନା ତିନି ଥର ପରୀକ୍ଷା ପରେ ମଧ୍ୟ ନେଗେଟିଭ ଆସିଥିଲା । ଯଦି ଓଡିଶାରେ ରହିଥିବା ବିଦେଶିମାନଙ୍କର କରୋନା ନେଗେଟିଭ ବାହାରିଛି ତାହେଲେ ସେମାନଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ହେବା ଉଚିତ୍ ।