କରୋନାରେ ଗୁରୁତର ଅସୁସ୍ଥ ହୋଇଥିବା ବିରୋଧୀ ଦଳ ନେତା ପ୍ରଦିପ୍ତ ନାୟକ ଏବେ ସୁଦ୍ଧା ସମ୍ପୃର୍ଣ୍ଣ ସୁସ୍ଥ ହୋଇନାହାନ୍ତି । ଏମସ ଡାକ୍ତରଖାନାରେ ଏବେ ବି ଅଛନ୍ତି ବିରୋଧୀ ଦଳ ନେତା ପ୍ରଦିପ୍ତ ନାୟକ । ଅମ୍ଳଜାନ ଉପରେ ନିର୍ଭରଶିଳତା ସମ୍ପୃର୍ଣ୍ଣ ଭାବରେ ସମାପ୍ତ ହୋଇନାହିଁ । ନାକରୁ ଖାଦ୍ୟ ନଳୀ ବି ବାହାରିନାହିଁ । ହେଲେ ସେ ଚୁପ୍ ହୋଇଯାଇନାହାନ୍ତି । ତାଙ୍କ ଜିଲ୍ଲାରେ ଘଟିଥିବା ବହୁ ଚର୍ଚ୍ଚିତ ଲୋକହର୍ଷଣକାରି ମମିତା ମେହେର ହତ୍ୟାକାଣ୍ଡରେ କିପରି ମମିତାଙ୍କୁ ନ୍ୟାୟ ମିଳିପାରିବ ସେଥିପାଇଁ ଜାରି ରହିଛି ତାଙ୍କର ପ୍ରୟାସ ।
ବଲାଙ୍ଗୀରର ଝିଅ ମମିତା ମେହେର କଳାହାଣ୍ଡିର ମହାଲିଙ୍ଗଠାରେ ଥିବା ଅଭିଯୁକ୍ତି ଗୋବିନ୍ଦ ସାହୁର ସ୍କୁଲରେ ଅଧ୍ୟକ୍ଷା ଭାବରେ କାମ କରୁଥିଲେ । ଗୋବିନ୍ଦ ସାହୁଙ୍କର ଅନେକ ଅନୈତିକ ସର୍ମ୍ପକର ପ୍ରମାଣ ରଖିଥିଲେ ମୃତା ମମିତା ମେହେର, ଯେଉଁଥିପାଇଁ ମମିତାଙ୍କୁ ଯୋଜନାବଦ୍ଧ ଭାବରେ ହତ୍ୟା କରିଥିଲେ ଗୋବିନ୍ଦ । ହେଲେ ଗୋବିନ୍ଦଙ୍କୁ ସୁରକ୍ଷା ଦେଇଥିଲେ ଗୃହମନ୍ତ୍ରୀ ଦିବ୍ୟଶଙ୍କର ମିଶ୍ର । ଏହି ବିଷୟରେ ବିରୋଧୀ ଦଳ ନେତା ପ୍ରଦିପ୍ତ ନାୟକ ହିଁ ପ୍ରଥମେ ଅଭିଯୋଗ କରିଥିଲେ ଓ କ୍ୟାପଟେନ ଦିବ୍ୟଶଙ୍କର ମିଶ୍ରଙ୍କୁ ବହିଷ୍କାର କରିବା ପାଇଁ ଦାବି କରିଥିଲେ ।
ସେହିପରି ଅନ୍ୟମାନେ ନିରବ ଥିଲାବେଳେ ପ୍ରଦିପ୍ତ ନାୟକ ହିଁ ଏହି ଘଟଣାରେ ମୁଖ୍ୟମନ୍ତ୍ରୀଙ୍କୁ ପ୍ରଥମେ ଚିଠି ଲେଖି ଏହି ଘଟଣାର ସିବିଆଇ ତଦନ୍ତ ଦାବି କରିଥିଲେ । ଏପରିକି ଗୋବିନ୍ଦ ସାହୁଙ୍କ ସହିତ କ୍ୟାପଟେନ ଦିବ୍ୟଶଙ୍କରଙ୍କ ଘନିଷ୍ଠ ସର୍ମ୍ପକ କଥା ମଧ୍ୟ ସେ ଟ୍ୱିଟ କରିଥିଲେ ଯାହା ପରେ ଗଣମାଧ୍ୟମ ପାଇଁ ଏହି ଖବର ଉପରେ ଆଉ କିଛି ନୁଆ ତଥ୍ୟ ଯୋଗାଇଥିଲା । ଗୋବିନ୍ଦ ସାହୁର ଅନେକ ଗୁମର ଖୋଲିବାରେ ସେ ବଡ ଭୂମିକା ନେଇଛନ୍ତି । କେବଳ ଦିବ୍ୟଶଙ୍କର ନୁହେଁ ମନ୍ତ୍ରୀ ପ୍ରତାପ ଜେନାଙ୍କ ସହିତ ଗୋବିନ୍ଦର ସର୍ମ୍ପକ ଅଛି ବୋଲି ମଧ୍ୟ ପ୍ରଥମେ କହିଥିଲେ ପ୍ରଦିପ୍ତ ।
ଦେଖିବାକୁ ଗଲେ ଏହି ଘଟଣାକୁ ନେଇ ଏମିତି ଅନେକ କିଛି ବିଷୟ ଉଠାଇଛନ୍ତି ପ୍ରଦିପ୍ତ ନାୟକ । ଶାରିରିକ ଅସୁସ୍ଥତା ତାଙ୍କୁ ରୋକି ପାରିନି । କହିବାକୁ ଗଲେ ଲୋକେ ତାଙ୍କୁ ଯେଉଁ ଦାୟୀତ୍ୱ ଦେଇଛନ୍ତି ତାହା ସେ ଚିକିସ୍ତ୍ରାଧୀନ ଥାଇବି କରିବା ପାଇଁ ଚେଷ୍ଟା ଚଲାଇଛନ୍ତି । ଆଗରୁ ବିଧାନସଭା ଅଧୀବେସନ ବେଳେ ସେ ହସ୍ପିଟାଲ ବେଡରେ ଥାଇ ଯୋଗ ଦେଇଥିଲେ ଯାହାକୁ ନେଇ ବିଭିନ୍ନ ଗଣମାଧ୍ୟମରେ ଚର୍ଚ୍ଚା ହୋଇଥିଲା ।
ସେ ନିଜେ ଏବେ ବାହାରକୁ ଯାଇ ପାରୁନାହାନ୍ତି କାରଣ ଅମ୍ଳଜାନର ଆବଶ୍ୟକତା ପଡୁଛି । ସେଥିପାଇଁ କଳାହାଣ୍ଡିରେ ହେଉଥିବା ବିଭିନ୍ନ ପ୍ରତିବାଦ, ଆନ୍ଦୋଳନରେ ସାମିଲ ହୋଇପାରୁନାହାନ୍ତି । କିନ୍ତୁ କଳାହାଣ୍ଡିରେ ବିଜେପି କରୁଥିବା ରାଜନୈତିକ କାର୍ଯ୍ୟକ୍ରମକୁ ସେ ଭୁବନେଶ୍ୱରରେ ରହି ତଦାରଖ କରୁଛନ୍ତି । କାର୍ଯ୍ୟକର୍ତାମାନଙ୍କ ସହିତ ଫୋନରେ ଯୋଗାଯୋଗ ରଖି ଏହି ଆନ୍ଦୋଳନକୁ ଚଲାଇ ରଖିଛନ୍ତି ପ୍ରଦିପ୍ତ ନାୟକ । ମମିତା ମେହେରଙ୍କୁ ନ୍ୟାୟ ନମିଳିବା ପର୍ଯ୍ୟନ୍ତ ସେ ଚୁପ ବସିବେ ନାହିଁ ବୋଲି କହିଛନ୍ତି ବିରୋଧୀ ଦଳର ନେତା ପ୍ରଦିପ୍ତ ନାୟକ ।