ଇସଲାମାବାଦର ମଧ୍ୟ ଭାଗରେ ରହିଛି ଲାଲ ମସଜିଦ। ଇସଲାମୀ ଆତଙ୍କବାଦକୁ ନେଇ ଏହି ଲାଲ ମସଜିଦ ସବୁବେଳେ ଚର୍ଚାରେ ରହି ଆସିଥାଏ । 2007 ମସିହାରେ ଜେନେରାଲ ପରବେଜ ମୁଶାରଫ ପାକିସ୍ତାନର ରାଷ୍ଟ୍ରପତି ଥିବା ବେଳେ ଏହି ମସଜିଦ ଉପରେ ରେଡ ହୋଇଥିଲା ଓ ଏଠାରେ ଲୁଚି ରହିଥିବା ଶହ ଶହ ଜେହାଦୀ ମୃତ୍ୟୁ ବରଣ କରିଥିଲେ । ବର୍ତମାନ ମଧ୍ୟ ଏହି ମସଜିଦ ଚର୍ଚାରେ ଅଛି ।
ଏହି ମସଜିଦ ପାକିସ୍ତାନର ରାଜଧାନୀରେ ସବୁଠାରୁ ପୁରୁଣା ମସଜିଦ । ଏହି ମସଜିଦର ମୁଖ୍ୟ ମୌଲାନା ଅବଦୁଲ ଅଜିଜର ଏକ ସାକ୍ଷାତକାର ପାକିସ୍ତାନୀ ଟିଭି ଚାନେଲ ୟୁନ୍ୟୁଜ ଟିଭି ଜାରୀ କରିଛି । ଏହି ସାକ୍ଷାତକାରରେ ତାକୁ ଦାବା ବା ଦାବତ ର ଲକ୍ଷ୍ୟ ଓ ଉଦ୍ଦେଶ୍ୟ ସମ୍ପର୍କରେ ପଚରା ଯାଇଥିଲା ।
ଏଠାରେ ଉଲ୍ଲେଖ କରା ଯାଇ ପାରେ ଯେ ଅଣ ମୁସଲମାନ ମାନଙ୍କୁ ଇସଲାମକୁ ନିମନ୍ତ୍ରଣ ଦେବା ପାଇଁ ଆୟୋଜିତ କାର୍ଯ୍ୟକ୍ରମକୁ ଦାବା ବା ଦାବତ କୁହା ଯାଇଥାଏ ।
ଗଣମାଧ୍ୟମ ରିପୋର୍ଟ ଅନୁସାରେ ପ୍ରଶ୍ନକର୍ତାଙ୍କ ପ୍ରଶ୍ନର ଉତ୍ତରରେ ପାକିସ୍ତାନର ଲାଲ ମସଜିଦର ଏହି ପ୍ରସିଦ୍ଧ ମୌଲାନା ଅବଦୁଲ ଅଜିଜ କହିଛି –
ଆମର ଲକ୍ଷ୍ୟ ସମ୍ପୂର୍ଣ ବିଶ୍ୱ ପାଇଁ ରହିଛି ... । ଆମେ ଚାହୁଁ ପାକିସ୍ତାନରେ ସମ୍ପୂର୍ଣ ଇସଲାମୀ ଶାସନ ଲାଗୁ ହେଉ । ସେହିପରି ବଙ୍ଗଳାଦେଶରେ ମଧ୍ୟ ଇସଲାମୀ ଶାସନ ଲାଗୁ ହେଉ । ହିନ୍ଦୁସ୍ତାନ ଅର୍ଥାତ ଭାରତରେ ମଧ୍ୟ ଇସଲାମୀ ଶାସନ ଲାଗୁ କରିବା ଆମର ଲକ୍ଷ୍ୟ । ବିଶ୍ୱରୁ ଖ୍ରିଷ୍ଟିଆନିଟି, ଜୁଡାଇଜିମର ମୂଳତ୍ପାଟନ, ହିନ୍ଦୁ- ଶିଖ ମାନଙ୍କର ସମାପ୍ତି, ଶିଆ, ଅହମଦିଆ ମାନଙ୍କର ସମାପ୍ତି ଆମର ଲକ୍ଷ୍ୟ । ବିଶ୍ବର ପ୍ରତ୍ୟେକ କଚ୍ଚା ଘର ହେଉ ବା କଂକ୍ରିଟ ଘର ହେଉ ସବୁ ଘରୁ ଆମେ କଲମା ଶୁଣିବାକୁ ଚାହୁଁଛୁ । ସମସ୍ତ ବିଶ୍ବ ଇସଲାମରେ ମତାନ୍ତରିତ ହେଉ, ଏହା ହିଁ ଆମର ଲକ୍ଷ୍ୟ । କାରଣ ଇସଲାମ ହି ହେଉଛି ଏକମାତ୍ର ସଚ୍ଚା ରିଲିଜିୟନ ।
ସେ ଆହୁରି କହିଛି ଯେ – ଆମେରିକା ହେଉ ବା ଭାରତ ହେଉ, ସେମାନେ ଖ୍ରିଷ୍ଟିଆନ ହୁଅନ୍ତୁ ବା ହିନ୍ଦୁ ହୁଅନ୍ତୁ, ସମସ୍ତ ବିଶ୍ବକୁ ବାଧ୍ୟ କରି ଇସଲାମ ଗ୍ରହଣ କରାଇବା ଆମର ଲକ୍ଷ୍ୟ । ଇନସାଲ୍ଲାହ, ସେହି ସମୟ ଆସି ପହଂଚୁଛି । ଏପରି ସମୟ ଖୁବ ଶୀଘ୍ର ଆସିବ ଯେତେବେଳେ ସମ୍ପୂର୍ଣ ବିଶ୍ବରେ କେଉଁ ରିଲିଜିୟନ ନ ଥିବା, କେବଳ ଇସଲାମ ଥିବ । ଅନ୍ୟ ସମସ୍ତେ ସମାପ୍ତ ହୋଇଯାଇଥିବେ । ଏହା ହିଁ ଆମର ମିଶନ ।
ଏହି ଏକ ମିନିଟ 40 ସେକେଣ୍ଡ ବିଶିଷ୍ଟ ଭି଼ଡିଓ ଜରିଆରେ ଏହି ମୌଲାନା ତାର ମନର ଅଭିଳାଷ ସମ୍ପର୍କରେ ଖୁଲାସା କରିଛି ।
ଏହି ମୌଲାନା କୌଣସି ସାଧାରଣ ବ୍ୟକ୍ତି ନୁହେଁ । ପାକିସ୍ତାନୀ ସରକାରରେ ତାର ଅଖଣ୍ଡ ପ୍ରଭାବ ରହିଛି । ତାର ପିତାଙ୍କ ନାମ ହେଉଛି ମୋହମ୍ମଦ ଅବଦୁଲ୍ଲା ଗାଜୀ ଓ ସେ ପାକିସ୍ତାନର ପୂର୍ବତନ ଏକଛତ୍ରବାଦୀ ଶାସକ ଜିଆ ଉଲ ହକର ଘନିଷ୍ଠ ଥିଲା । 70 ଓ 80 ଦଶକରେ ଗାଜୀ ତାର ମଦ୍ରାସାରୁ ହଜାର ହଜାର ସଂଖ୍ୟାରେ ମୁସଲମାନ ଯୁବକ ମାନଙ୍କୁ ଆଫଗାନିସ୍ତାନରେ ଇସଲାମ ପାଇଁ ଯୁଦ୍ଧ କରିବାକୁ ମୁଜାହିଦ୍ଦିନ ଭାବେ ପଠାଇଥିଲା । 1998 ମସିହାରେ ତାର ହତ୍ୟା ହୋଇଯାଇଥିଲା । ବର୍ତମାନ ଅଜିଜ ମସଜିଦର ମୁଖ୍ୟ ଭାବେ କାମ କରିବା ସହ ତାର ମଦ୍ରାସାରେ ପଢୁଥିବା ପିଲା ମାନଙ୍କ ମନରେ ସମସ୍ତଙ୍କ ପ୍ରତି ଘୃଣା ଭାବ ଭର୍ତି କରିବା ସହ ସମଗ୍ର ବିଶ୍ୱରୁ ଅନ୍ୟ ସମସ୍ତଙ୍କୁ ନିପାତ କରି ଇସଲାମ ସ୍ଥାପିତ କରିବାର ଲକ୍ଷ୍ୟ ରଖି କାମ କରୁଛି ।