ଭାରତରେ ରୋହିଙ୍ଗିଆ ମାନଙ୍କର ନେଟବର୍କ (Rohingya Network) ତିଆରି କରିବାକୁ ବଡ ଷଡଯନ୍ତ୍ର ଚାଲିଛି । କିଛି ଭାରତୀୟ ଚରମପନ୍ଥୀ ଗ୍ରୁପ ଭାରତରେ ରୋହିଙ୍ଗିଆ ମାନଙ୍କର ନେଟବର୍କ ତିଆରି କରିବା ପାଇଁ ଲାଗିଛନ୍ତି । ଆସାମରେ ୨୪ ଜଣ ରୋହିଙ୍ଗିଆଙ୍କ ଗିରଫ ହେବା ପରେ ପରବର୍ତୀ ଜାଂଚରେ ଏହି ଖୁଲାସା ହୋଇଛି ।
ଜିଆରପି ପୋଲିସ ଆସାମର ଗୌହାଟୀ ଠାରେ ୯ ଜଣ ରୋହିଙ୍ଗିଆଙ୍କୁ ଗିରଫ କରିଥିଲା । ଏଥି ମଧ୍ୟରେ ତିନି ଜଣ ମହିଳା ଥିଲେ । ସେମାନଙ୍କ ନିକଟରେ କଥିତ ଭାବେ ୟୁନାଇଟେଡ ନେସନ୍ସ ହାଇ କମିଶନର ଫର ରିଫ୍ୟୁଜି ବା ୟୁଏନଏଚସିଆରର (UNHCR (United Nations High Commissioner for Refugees) ଫେକ ପରିଚୟ ମତ୍ର ମଧ୍ୟ ରହିଥିଲା ।
ଜାମ୍ମୁର ନରବାଲ ଅଂଚଳର ଜଣେ ଭାରତୀୟ ନାଗରିକ ଅମନ ଉଲ୍ଲା ଏହି ରୋହିଙ୍ଗିଆ ମାନଙ୍କ ସହ ଥିଲା । ଭାରତୀୟ ନାଗରିକ ଅମନ ଉଲ୍ଲା ସେମାନଙ୍କ ତ୍ରିପୁରା ଓ ଆସାମ ସୀମା ଦେଇ ଭାରତ ମଧ୍ୟରେ ପ୍ରବେଶକୁ ତଦାରଖ କରୁଥିଲା ।
କେବଳ ସେତିକି ନୁହେଁ ଏହା ପରେ ଆଉ ୧୫ ଜଣ ରୋହିଙ୍ଗିଆଙ୍କୁ ମଧ୍ୟ ଗିରଫ କରା ଯାଇଥିଲା । ସେମାନଙ୍କ ସହିତ ତିନି ଜଣ ଏଜେଂଟ ମଧ୍ୟ ଥିଲେ । ଏହି ତିନି ଜଣ ଏଜେଂଟ ଭାରତୀୟ ଥିଲେ ଓ ସେମାନେ ରୋହିଙ୍ଗିଆ ମାନଙ୍କୁ ୂଭାରତ ମଧ୍ୟରେ ପ୍ରବେଶ କରାଇ ସେମାନଙ୍କର ନେଟବର୍କ ଭାରତରେ ତିଆରି କରିବାକୁ ଚେଷ୍ଟିତ ଥିଲେ ।
ଜାଂଚ ପରେ ସ୍ପଷ୍ଟ ହେଲା ଯେ ଗିରଫ ଭାରତୀ ନାଗରିକ ଜାମ୍ମୁର ଅମନ ଉଲ୍ଲାର ଜେହାଦୀ ସଂଗଠନ(Arakan Rohingya Salvation Army) ଆରାକନ ରୋହିଙ୍ଗିଆ ସାଲଭେସନ ଆର୍ମୀ ବା (ଏଆରଏସଏ) ସହ ପ୍ରତ୍ୟକ୍ଷ ସମ୍ପର୍କ ରହିଛି । ଅମନ ଉଲ୍ଲା ଆସାମରେ ଗୁପ୍ତ ଜିହାଦୀ କ୍ୟାମ୍ପ ଓ ସ୍ଲିପର ସେଲ ସ୍ଥାପନା କରିବା ପାଇଁ କାମ କରୁଥିଲା ।
ଜାଂଚ ପରେ ଏଭଳି ଗୁରୁତର ତଥ୍ୟ ସାମନାକୁ ଆସିବା ପରେ ଆସାମ ପୋଲିସ (Assam Police) ମାମଲାକୁ ଜାତୀୟ ତଦନ୍ତକାରୀ ସଂସ୍ଥା ବା ଏନଆଇଏକୁ (National Investigation Agency NIA) ହସ୍ତାନ୍ତର କରି ଦେଇଛି । ଆତଙ୍କବାଦୀ କାର୍ଯ୍ୟକଳାପ ମାମଲା ଗୁଡିକର ଜାଂଚ ଏନଆଇଏ କରିଥାଏ ଓ ଏଥିରେ ସଂସ୍ଥାର ବିଶେଷଜ୍ଞତା ରହିଛି ।
ଅମନ ଉଲ୍ଲା ପଚରା ଉଚୁରା ବେଳେ କହିଛି ଯେ ବଙ୍ଗଳାଦେଶୀ ଓ ରୋହିଙ୍ଗିଆ ମୁସଲମାନ ମାନଙ୍କୁ ସେ ବିଭିନ୍ନ ଚୋରା ଟନେଲ ଦେଇ ଭାରତ – ବଙ୍ଗଳାଦେଶ ସୀମା ପାର କରାଇଥାଏ । ଏହା ପରେ ଯୁବକ ମାନଙ୍କୁ ସେମାନଙ୍କର ଜିହାଦୀ ତାଲିମ ପାଇଁ ପଠା ଯାଇଥାଏ ।
ଏଠାରେ ଉଲ୍ଲେଖ କରା ଯାଇ ପାରେ ଯେ ଚଳିତ ବର୍ଷ ଜାନୁଆରୀ ମାସରେ ଭାରତ – ବଙ୍ଗଳାଦେଶ ସୀମାରେ ଥିବା କରିମଗଂଜ ଡିଲ୍ଲାରେ ଏକ ୨୦୦ ମିଟର ଦୈର୍ଘ୍ୟ ବିଶିଷ୍ଟ ଗୁପ୍ତ ଟନେଲକୁ ଆସାମ ପୋଲିସ ଦେଖି ପାରିଥିଲା ।
କରିମଗଂଜ ପୋଲିସ ଜଣେ ବଙ୍ଗଳାଦେଶୀ ଯୁବକକୁ ଗିରଫ କରି ପଚରା ଉଚୁରା କରିବା ପରେ ତା ଠାରୁ ମିଳିଥିବା ସୂଚନା ଅନୁସାରେ ଏହି ଟନେଲ ବିଷୟରେ ଜାଣିବାକୁ ପାଇଥିଲା ।