ୟୁକ୍ରେନ (Ukraine) ଓ ଋଷ (Russia) ମଧ୍ୟରେ ଭୟଙ୍କର ଯୁଦ୍ଧ (Russia-Ukraine War) ଜାରି ରହିଛି । ଆଜି ଋଷ ଓ ୟୁକ୍ରେନ ମଧ୍ୟରେ ଯୁଦ୍ଧର ପଞ୍ଚମ ଦିନ । ଦିନ ଯେତିକି ବଢ଼ୁଛି, ୟୁକ୍ରେନର ଅବସ୍ଥା ବିଗିଡ଼ିବାରେ ଲାଗିଛି । ଦୋକାନଗୁଡିକରେ କୌଣସି ରାସନ ନାହିଁ, ଏଟିଏମରେ ଟଙ୍କା ନାହିଁ, ଲୋକମାନେ ଖାଇବା ପିଇବାରେ ଅସୁବିଧା ହେଉଛନ୍ତି । ଫସି ରହିଥିବା ଲୋକମାନେ ଅନ୍ୟ ଦେଶରେ ରହୁଥିବା ପରିଚିତମାନଙ୍କଠାରୁ ସାହାଯ୍ୟ ମାଗୁଛନ୍ତି ।

ୟୁକ୍ରେନରେ ଭାରତରେ ରାଷ୍ଟ୍ରଦୂତ ଡକ୍ଟର ଇଗୋର ପୋଲିଖା କହିଛନ୍ତି ଯେ ୟୁକ୍ରେନରେ ଅନେକ ସାଧାରଣ ନାଗରିକଙ୍କ ମୃତ୍ୟୁ ହେବା ସହ ଆହତ ହୋଇଛନ୍ତି । ଋଷର ଶାନ୍ତି-ସଂଘର୍ଷ ଅଭିଯାନର ପରିଣାମ ସ୍ୱରୂପ ବୋମା ବିସ୍ଫୋରଣ, ଗୁଳି ବିନିମୟରେ ୧୬ ଜଣ ଶିଶୁଙ୍କର ମୃତ୍ୟୁ ହୋଇସାରିଛି ।

ଯଦି ଯୁଦ୍ଧ ବନ୍ଦ ନହୁଏ, ତେବେ ଶରଣାର୍ଥୀଙ୍କ ସଂଖ୍ୟା ୭୦ ଲକ୍ଷ ଅତିକ୍ରମ କରିପାରେ । ଋଷ ସହିତ ଆଲୋଚନା ଉପରେ ରାଷ୍ଟ୍ରଦୂତ କହିଛନ୍ତି ଯେ, ଆଜି ଆମର ପ୍ରତିନିଧୀମଣ୍ଡଳ ଶାନ୍ତିବାର୍ତ୍ତା ପାଇଁ ବେଲାଋଷ (Belarus) କୁ ଯାଇଥିଲେ କିନ୍ତୁ ଯେତେବେଳେ ଶାନ୍ତି ଆଲୋଚନା ହେବାର ଆଶା କରାଯାଉଥିଲା ସେତେବେଳେ ବୋମା ବିସ୍ଫୋରଣ ମଧ୍ୟ ଘଟୁଥିଲା ( Russo-Ukrainian Crisis ) ।

ରାଷ୍ଟ୍ରଦୂତ ଆହୁରି କହିଛନ୍ତି ଯେ, ଗତକାଲି ଋଷ( Russia) ର ବିମାନ ପାଇଁ ୟୁରୋପର ବାୟୁ ସୀମା ବନ୍ଦ କରିଦିଆଯାଇଥିଲା । ଋଷର ଅର୍ଥ ବ୍ୟବସ୍ଥା (Russian Economy) ଦିନକୁ ଦିନ ବିପର୍ଯ୍ୟସ୍ତ ହେବାରେ ଲାଗିଛି । ପ୍ରାୟ ୪,୩୦୦ ଋଷୀୟ ସୈନିକ ପ୍ରାଣ ହରାଇଛନ୍ତି । 

ସେପଟେ ୟୁକ୍ରେନର ରାଷ୍ଟ୍ରପତି କାର୍ଯ୍ୟାଳୟ କହିଛି ଯେ, ଋଷ ସହିତ ଆଲୋଚନା କରିବାର ମୂଳ ଲକ୍ଷ୍ୟ ହେଉଛି ତୁରନ୍ତ ଅସ୍ତ୍ରବିରତି ଉଲ୍ଲଂଘନ ଓ ଋଷର ସୈନ୍ୟ (Russian troops) ପ୍ରତ୍ୟାହାର । ସୋମବାର ୟୁକ୍ରେନ ସେନା କହିଛି ଯେ, କୀଭ (Kyiv) ରେ ପରିସ୍ଥିତି ଏବେବି ତା'ର ନିୟନ୍ତ୍ରଣରେ ଅଛି । 

ୟୁକ୍ରେନ ସେନା (Ukrainian Army) ର ଗ୍ରାଉଣ୍ଡ ଫୋର୍ସ ଫେସବୁକରେ ପୋଷ୍ଟ କରି କହିଛନ୍ତି, "ୟୁକ୍ରେନ ସେନା ପାଖରେ ଏବେ ମଧ୍ୟ କୀଭର ନିୟନ୍ତ୍ରଣ ରହିଛି । ରାତିରେ ଋଷର ସେନା ଦ୍ୱାରା କୀଭର ବାହ୍ୟ ଅଞ୍ଚଳରୁବାରମ୍ୱାର  ଆକ୍ରମଣ କରାଯାଇଥିବା ଆକ୍ରମଣକୁ ପ୍ରତିହିତ କରାଯାଇଛି ।"