ବଙ୍ଗଳାଦେଶ ହିନ୍ଦୁ ୟୁନିଟି କାଉନସିଲ ପକ୍ଷରୁ ଭିଡିଓକୁ ଜାରୀ କରା ଯାଇଛି । ଭିଡିଓକୁ ଜାରୀ କରିବା ସହ ଲେଖା ଯାଇଛି ନୂଆଖାଲୀ ପରେ ଏବେ ଫେଣିରେ ମଧ୍ୟ ହିନ୍ଦୁ ମନ୍ଦିର ଉପରେ ଆକ୍ରମଣ ହୋଇଛି । ତିନି ଆଡୁ ମୁସଲିମ ଭୀଡ ଆସି ଆକ୍ରମଣ କରିଛନ୍ତି । ଏହା ପରେ ଫେଣିରେ ଉତ୍ତେଜନା ଲାଗି ରହିଛି ।
ବଙ୍ଗଳାଦେଶ ହିନ୍ଦୁ ୟୁନିଟି କାଉନସିଲ ପକ୍ଷରୁ ଆହୁରି କୁହା ଯାଇଛି ଯେ “ବଙ୍ଗଳାଦେଶରେ ହିନ୍ଦୁ ମାନଙ୍କ ଉପରେ ଆକ୍ରମଣ ବନ୍ଦ ହୋଇ ନାହିଁ । ସରକାର ଏହାକୁ ବନ୍ଦ କରିବାକୁ ଚେଷ୍ଟା କରିଛନ୍ତି ହେଲେ ଆକ୍ରମଣକୁ ରୋକିବା ଓ ହିନ୍ଦୁ ମାନଙ୍କୁ ସୁରକ୍ଷା ପ୍ରଦାନ କରିବାରେ ବିଫଳ ହୋଇଛନ୍ତି । ଆନ୍ତର୍ଜାତିକ ଗଣମାଧ୍ୟମ ଓ ଆନ୍ତର୍ଜାତିକ ମାନବିକ ଅଧିକାର ସଂଗଠନ ଗୁଡିକ ମୌନ ଭୂମିକା ନିର୍ବାହ କରୁଛନ୍ତି ”
ଅନ୍ୟ ପକ୍ଷରେ ଇସ୍କନ ଏହି ମାମଲାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅନୁରୋଧ କରିଛି ଯେ ଏହି ହିଂସାକୁ ରୋକିବା ପାଇଁ ସେ ବ୍ୟକ୍ତିଗତ ଭାବେ ବଙ୍ଗଳାଦେଶର ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହ କଥାବାର୍ତା କରନ୍ତୁ । ସେହିପରି ଇସ୍କନ ପକ୍ଷରୁ ଜାତି ସଂଘକୁ ପତ୍ର ଲେଖା ଯାଇ ବଙ୍ଗଳାଦେଶକୁ ଏକ ପ୍ରତିନିଧି ଦଳ ପଠାଇବାକୁ ଦାବି କରାଯାଇଛି ।
ଏ ସମ୍ପର୍କରେ ଇସ୍କନର ମୁଖପାତ୍ର ରାଧାରମଣ ଦାସ କଣ କହିଛନ୍ତୁ ଶୁଣନ୍ତୁ --
ଅପର ପକ୍ଷରେ ଏହି ହିନ୍ଦୁଙ୍କ ବିରୁଦ୍ଧରେ ସୁନିୟୋଜିତ ଆକ୍ରମଣ ଘଟଣା ପ୍ରତିବାଦରେ ହିନ୍ଦୁ ମାନେ ବଙ୍ଗଳାଦେଶର ବିଭିନ୍ନ ସ୍ଥାନରେ ହିନ୍ଦୁ ମାନେ ପ୍ରତିବାଦ ଶୋଭାଯାତ୍ରା ମାନ ଆୟୋଜିତ କରିଛନ୍ତି ।
ଦେଖନ୍ତୁ ଏହି ଭିଡିଓରେ କିପରି ହିନ୍ଦୁ ମାନେ ଚଟ୍ଟଗ୍ରାମ ଠାରେ ଇସଲାମୀ ଶକ୍ତିଙ୍କ ଦ୍ୱାରା ଆକ୍ରମଣର ପ୍ରତିବାଦରେ ଏହି ଶୋଭାଯାତ୍ରା ବାହାର କରିଛନ୍ତି ।
ସେହିପରି ନୋଆଖାଲୀ ଠାରେ ଶୁକ୍ରବାର ଦିନ ପାଂଚ ଶହରୁ ଉର୍ଧ ମୁସଲମାନ ମାନଙ୍କ ଦ୍ୱାରା ଇସ୍କନ ମନ୍ଦିରରେ ପ୍ରବେଶ କରି ମୂର୍ତି ଭଙ୍ଗା ରୁଜା, ଲୋକଙ୍କୁ ହତ୍ୟା ଓ ପବିତ୍ର ଗ୍ରନ୍ଥ ଗୀତା ଜଳାଇ ଦେବା ଆଦି ଘଟଣା ଉପରେ ଇସ୍କନର ସାଧୁ ତଥା ଭକ୍ତ ମାନେ ପ୍ରତିବାଦ କରିଛନ୍ତି ।
ବଙ୍ଗଳାଦେଶରେ ସବୁବେଳେ ସଂଖ୍ୟାଲଘୁ ମାନଙ୍କ ଉପରେ ନିର୍ଯ୍ୟାତନା ଚାଲିଛି । ଏହି କାରଣରୁ 1941 ମସିହାରେ ଏହି ଅଂଚଳରେ 28 ପ୍ରତିଶତ ହିନ୍ଦୁ ଥିବା ବେଳେ ଆଜି ବଙ୍ଗଳାଦେଶରେ 8 ପ୍ରତିଶତରୁ ସାମାନ୍ୟ ଅଧିକ ହିନ୍ଦୁ ଅଛନ୍ତି । ଏମାନଙ୍କୁ ମଧ୍ୟ ଭୟଭୀତ କରି ଧର୍ମାନ୍ତରିତ କରିବା କିମ୍ବା ଭିଟାମାଟି ଛାଡି ବାହାରକୁ ଯିବାକୁ ବାଧ୍ୟ କରିବା ପାଇଁ ଇସଲାମୀ ଶକ୍ତି ମାନେ ଯୋଜନାବଦ୍ଧ ଭାବେ ଲାଗିଛନ୍ତି ।
ବଙ୍ଗଳାଦେଶର ବିଭିନ୍ନ ସ୍ଥାନରେ ହିନ୍ଦୁ ମାନଙ୍କ ବିରୁଦ୍ଧରେ ଯୋଜନାବଦ୍ଧ ଭାବେ ଆକ୍ରମଣ ହେଉଥିବା ବେଳେ ପୋଲିସ ପରୋକ୍ଷରେ ମୁସଲିମ ଗୁଣ୍ଡା ମାନଙ୍କୁ ସହଯୋଗ କରୁଛି ବୋଲି ଅଭିଯୋଗ କରିଛନ୍ତି ହିନ୍ଦୁ ମହିଳା ମାନେ । ପୋଲିସକୁ ଫୋନ କରି ଆକ୍ରମଣ ସମ୍ପର୍କରେ ସୂଚନା ଦେଲେ ସୁଦ୍ଧା ପୋଲିସର ବ୍ୟବହାର କିପରି ରହିଛି ତାହା ନିଜେ କୋମିଲା ଅଂଚଳର ହିନ୍ଦୁ ମହିଳା ମାନଙ୍କ ନିକଟରୁ ଶୁଣନ୍ତୁ ।