“ତାଲିବାନ ସମର୍ଥକ ଜାତିବାଦୀ- ବଂଶବାଦୀ ମାନସିକତାକୁ ଜନସାଧାରଣ ବର୍ଦାସ୍ତ କରିବେ ନାହିଁ “ । କାହାର ନାମ ନ ନେଇ ଯୋଗୀ କହିଲେ -“ ମନେ ରଖନ୍ତୁ ବିଛା କେଉଁଠି ବି ରହିବ, କାମୁଡିବ “ । ରାମ ଜନ୍ମଭୂମିରେ ମନ୍ଦିର ନିର୍ମାଣ ପାଇଁ ହୋଇଥିବା ଆନ୍ଦୋଳନ ବେଳେ ୧୯୯୦ ମସିହାରେ କରସେବା କରିବାକୁ ସାରା ଦେଶରୁ ଯାଇଥିବା କର ସେବକ ମାନଙ୍କ ଉପରେ ମୁଲାୟମ ସିଂହ ଯାଦବ ସରକାର ଗୁଳି ଚଳାଇଥିଲେ । ବିନା ଅସ୍ତ୍ର ଶସ୍ତ୍ରରେ ଥିବା ଶହ ଶହ କର ସେବକ ମୁଲାୟମଙ୍କ ଗୁଳିଚାଳନା ଯୋଗୁ ପ୍ରାଣ ହରାଇଥିଲେ । ଏହି ଗୁଳିକାଣ୍ଡପରେ ଅଯୋଧ୍ୟାର ସରଜୁ ନଦୀର ପାଣି ଲାଲ ହୋଇ ଯାଇଥିଲା ।
ଏହାକୁ ନେଇ ଉତ୍ତର ପ୍ରଦେଶର ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ପ୍ରବଳ ବର୍ଷିଛନ୍ତି । ରାଜ୍ୟର ବିଭିନ୍ନ ସ୍ଥାନରେ ଆୟୋଜିତ ଜନସଭାରେ ଉଦବୋଧନ ଦେଇ ସେ ସମାଜବାଦୀ ପାର୍ଟିର ତୁଷ୍ଚୀକରଣ ରାଜନୀତି ଉପରେ କଡା ପ୍ରହାର କରିଛନ୍ତି । ୧୯୯୦ ମସିହାରେ ମୁଲାୟମ ସିଂହ ଯାଦବ ସରକାର ଦ୍ୱାରା ଶହ ଶହ କରସେବକଙ୍କୁ ଗୁଳି ଚଳାଇ ହତ୍ୟା କରା ଯାଇଥିବା ପ୍ରସଙ୍ଗକୁ ଉଠାଇ ଯୋଗୀ କହିଥିଲେ – “ରାମ ଭକ୍ତଙ୍କ ଉପରେ ଗୁଳି ଚଳାଇବା ତାଲିବାନୀ ମାନସିକତା । ତାଲିବାନ ସମର୍ଥକ ଜାତିବାଦୀ- ବଂଶବାଦୀ ମାନସିକତାକୁ ଜନସାଧାରଣ ବର୍ଦାସ୍ତ କରିବ ନାହିଁ । ମନେ ରଖନ୍ତୁ ବିଛା କେଉଁଠି ବି ରହିବ କାମୁଡିବ । “
ଯୋଗୀ ଆହୁରି କହିଛନ୍ତି ଯେ – “ପୂର୍ବବର୍ତୀ ସରକାରକୁ ମାଫିଆ ଓ ଗୁଣ୍ଡା ମାନେ ଚଳାଉଥିଲେ । ହେଲେ ବର୍ତମାନ ସରକାରରେ ଅସାମାଜିକ ତତ୍ୱ ମାନଙ୍କୁ ଆଇନର ଭୟ ରହିଛି । ଯୋଗୀ କହିଛନ୍ତି – ପୂର୍ବରୁ ଭାରତୀୟ ରାଜନୀତି ଜାତିବାଦ ଓ ବଂଶବାଦରେ ଫସି ରହିଥିଲା । ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗରୀବ ଓ ବିକାଶ ପ୍ରତି ଧ୍ୟାନ ଦେଇ ରାଜନୀତିର ଦିଗ ବଦଳାଇ ଦେଇଛନ୍ତି ।
ସେ କହିଛନ୍ତି – “ଯେତେବେଳେ ତୁଷ୍ଚିକରଣର ରାଜନୀତି ପ୍ରଚଳିତ ଥିଲା ସେତେବେଳେ ବିକାଶ ନ ଥିଲା । ସେତେବେଳେ ଦଙ୍ଗା ଥିଲା, ଭ୍ରଷ୍ଟାଚାର ଥିଲା, ଅରାଜକତା ଥିଲା, ଆତଙ୍କବାଦ ଥିଲା, ଅତ୍ୟାଚାର ଥିଲା ଓ ଅନ୍ୟାୟ ଥିଲା । କିନ୍ତୁ ଆଜି ସବକା ସାଥ – ସବକା ବିକାଶ ଅଛି, ତା ସହିତ ସବକା ବିକାଶ ମଧ୍ୟ ରହିଛି । “
ଯୋଗୀ ଜନସାଧାରଣଙ୍କୁ ପଚାରିଥିଲେ ଯେ କଣ ଆପଣଙ୍କୁ ୨୦୧୭ ପୂର୍ବରୁ ରାସନ ଠିକ ଭାବେ ମିଳୁଥିଲା, ଲୋକ ମାନେ ଉତ୍ତର ଦେଲେ ନା । ଯୋଗୀ କହିଲେ –“ମିଳୁ ନ ଥିଲା, କାରଣ ଯେଉଁ ଲୋକ ମାନେ ଅବା ଜାନ କହୁଥିଲେ ସେମାନେ ଗରୀବଙ୍କ ପାଇଁ ଥିବା ରାସନକୁ ହଜମ କରି ଯାଉଥିଲେ । ସେତେବେଳେ କୁଶୀନଗରର ଲୋକଙ୍କ ପାଇଁ ଉଦ୍ଦିଷ୍ଟ ରାସନ ନେପାଳ ଓ ବଙ୍ଗଳାଦେଶ ଚାଲି ଯାଉଥିଲା । କିନ୍ତୁ ଆଜି ଯଦି କେହି ଗରୀବଙ୍କ ରାସନକୁ ହଡପ କରିବାକୁ ଚେଷ୍ଟା କରିବ ତେବେ ସେ କରି ପାରିବ ନାହିଁ, ଓଲଟା ତାକୁ ଜେଲ ଯିବାକୁ ପଡିବ । ”