90 ଦଶକରେ କାଶ୍ମୀର ଉପତ୍ୟକାରେ କାଶ୍ମୀରୀ ପଣ୍ଡିତ ମାନଙ୍କ ସହ ହୋଇଥିବା ନୃଶସଂତା ଓ ବର୍ବରତାକୁ ଦର୍ଶାଉଥିବା ଫିଲ୍ମ ଦି କାଶ୍ମୀର ଫାଇଲ୍ମ ସମ୍ପର୍କରେ ଏକ ବଡ ଖୁଲାସା ଫିଲ୍ନର ନିର୍ଦେଶକ ବିବେକ ରଂଜନ ଅଗ୍ୱିହୋତ୍ରୀ କରିଛନ୍ତି । ସେ ଗଣମାଧ୍ୟମକୁ ସାକ୍ଷାତକାର ଦେଇଖ କହିଛନ୍ତି ଯେ ମହାନ ଗାୟିକା ଲତା ମଙ୍ଗେସକରଙ୍କୁ କାଶ୍ମୀର ଫାଇଲ୍ସ ଫିଲ୍ମ ପାଇଁ ଏକ ଗୀତ ଗାଇବାକୁ ଯୋଗାଯୋଗ କରିଥିଲେ । ଲତା ମଙ୍ଗେସକର ଏଥି ପାଇଁ ରାଜି ମଧ୍ୟ ହୋଇ ଯାଇଥିଲେ ହେଲେ ଗୀତ ରେକର୍ଡ ହେବା ପୂର୍ବରୁ ଲତା ଦିଦି ଚାଲି ଯାଇଥିଲେ ।
ବିବେକ ଅଗ୍ନିହୋତ୍ରୀ କହିଛନ୍ତି ଯେ କାଶ୍ମୀର ଫାଇଲ୍ସ ଫିଲ୍ମରେ ଗୋଟିଏ ହେଲେ ଗୀତ ନାହିଁ । ଏହା ଏକ ଅତ୍ୟନ୍ତ ଦୁଃଖଦ ମହାକାବ୍ୟ ନାଟକ ଅଟେ । କିନ୍ତୁ ଏହି ଫିଲ୍ମ କାଶ୍ମୀରୀ ହିନ୍ଦୁ ନରସଂହାର ପୀଡିତ ମାନଙ୍କ ପ୍ରତି ମଧ୍ୟ ଏକ ଶ୍ରଦ୍ଧାଂଜଳି ।
ସେ କହିଛନ୍ତି ଯେ ଏହି ଫିଲ୍ମ ପାଇଁ ମୁଁ ଜଣେ କାଶ୍ମୀରୀ ଗାୟକଙ୍କ ଲୋକଗୀତକୁ ରେକର୍ଡ କରିଥିଲି । ଆମେ ଚାହୁଁଥିଲୁ ଯେ ଲତା ଦିଦି ଏହି ଗୀତକୁ ଗାଆନ୍ତୁ । ଲତା ଦିଦି ଫିଲ୍ମ ମାନଙ୍କ ପାଇଁ ଗାଇବା ବନ୍ଦ କରି ସାରିଥିଲେ। ଏହା ସତ୍ୱେ ଆମେ ଲତା ଦିଦିଙ୍କୁ ଏହି ଗୀତ ଗାଇବାକୁ ଅନୁରୋଧ କରିଥିଲୁ ।
ବିବେକ ରଂଜନ ଅଗ୍ନିହୋତ୍ରୀ କହିଛନ୍ତି ଯେ ତାଙ୍କ ସ୍ତ୍ରୀ ପଲ୍ଲବୀ ଜୋଶୀଙ୍କର ଲତା ଦିଦିଙ୍କ ସହ ଖୁବ ଘନିଷ୍ଠ ସମ୍ପର୍କ ଥିଲା । ତେଣୁ ସେ ଆମ ଫିଲ୍ମ ପାଇଁ ଗୀତ ଗାଇବାକୁ ରାଜି ହୋଇଯାଇଥିଲେ । କାଶ୍ମୀର ବିଷୟ ଲତା ଦିଦିଙ୍କ ହୃଦୟର ଅତ୍ୟନ୍ତ ନିକଟତର ଥିଲା । ଲତା ଦିଦି କହିଥିଲେ ଯେ କରୋନା ବିପଦ କମ ହେବା ପରେ ସେ ଗୀତ ରେକର୍ଡ କରିବେ । ତାଙ୍କୁ ଷ୍ଟୁଡ଼ିଓକୁ ଯିବାର ଅନୁମତି ନ ଥିଲା । ତେଣୁ ଆମେ ତାଙ୍କ ସହ ଗୀତ ରେକର୍ଡ କରିବାକୁ ଅପେକ୍ଷା କରିଥିଲୁ । କିନ୍ତୁ ଭଗବାନଙ୍କର ଆଉ କିଛି ଇଚ୍ଛା ଥିଲା । ସେ ଆଉ ଫିଲ୍ମ ପାଇଁ ଗୀତ ଗାଇ ପାରିଲେ ନାହିଁ ଓ ଆର ପାରିକୁ ଚାଲିଗଲେ ।