୨ ଥର ପଦ୍ମ, ୨ ଗୁଣା ବିକାଶ; ଓଡିଶାରେ ହେବ ବିଜେପି ସରକାର
୩୫ ପ୍ରତିଶତ ଚାଷ ଜମି ଜଳସେଚନ କରିବାର ପ୍ରତିଶୃତିକୁ ପୁରଣ କରିବାରେ ବିଫଳ ବିଜେଡି ସରକାର
ଧାନ କ୍ୱିଂଟାଲ ପ୍ରତି ୩୧୦୦ ଟଙ୍କା ପ୍ରଦାନ କରାଯିବ
୪୮ ଘଂଟା ଭିତରେ ଡିବିଟି ଜରିଆରେ ଚାଷୀଙ୍କ ବ୍ୟାଂକ ଖାତାକୁ ଟଙ୍କା ପହଂଚିଯିବ
୨୦୨୯ ସୁଦ୍ଧା ୩ଗୁଣା ଚାଷଜମି ଜଳସେଚିତ କରାଯିବ
ଅଣ ଉତ୍ପାଦନ ସମୟରେ ମତ୍ସଜୀବୀକୁ ୧୦ହଜାର ଟଙ୍କାର ସହାୟତା ମିଳିବ
ଓଡ଼ିଶାରେ ୭୫ହଜାର କିଲୋମିଟର ରାସ୍ତା ନିର୍ମାଣ କରାଯିବ
ଅମୁଳକ ଓ ଭିତିହୀନ ଅଭିଯୋଗ କରିବା ହେଉଛି ବିଜେଡିର ପୁରୁଣା ଅଭ୍ୟାସ
ଭୁବନେଶ୍ୱର, ତା.୦୭/୦୫: ଗତ ୧୦ବର୍ଷରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଭାରତ ଦୃତଗତିରେ ଆଗକୁ ବଢ଼ିଛି । ସାରା ବିଶ୍ୱରେ ଭାରତ ପ୍ରଶଂସାର ପାତ୍ର ହୋଇପାରିଛି । ସମଗ୍ର ବିଶ୍ୱ ଆଜି ମୋଦିଜୀଙ୍କ ସାହାଯ୍ୟ ଲୋଡୁଛି । ବିଶ୍ୱର ୫ମ ଅର୍ଥନୀତି ରାଷ୍ଟ୍ରରୁ ୩ୟ ରାଷ୍ଟ୍ର ହେବାକୁ ଯାଉଛି । ଭାରତବର୍ଷ ଦୃତ ଗତିରେ ଆଜି ପ୍ରଗତି ପଥେ । ୨୫ କୋଟିରୁ ଉର୍ଦ୍ଧ୍ୱ ଗରୀବ ସୀମାରେଖାରୁ ବାହାରକୁ ଆସିଛନ୍ତି । କିନ୍ତୁ ଓଡ଼ିଶାର ବିକାଶ ବହୁ ପଛରେ ପଡିଯାଇଛି । ୨୫ ବର୍ଷର ବିଜେଡି ଶାସନରେ ଓଡିଶାର ଅନେକ ବିକାଶ ସ୍ତମ୍ଭ ହୋଇଥାନ୍ତା । କିନ୍ତୁ ବ୍ୟାପକ ଦୁର୍ନୀତି, ଭ୍ରଷ୍ଟାଚାର ଆଦି ବାଧକ ସାଜିଥିବାରୁ ରାଜ୍ୟର ବିକାଶ ସମ୍ଭବ ହେଲା ନାହିଁ । ସ୍ଥାଣୁ ପାଲଟିଥିବା ବିଜେଡି ସରକାରରେ ଓଡିଶାର ବିକାଶ ଆଦୌ ସମ୍ଭବ ନୁହେଁ । ଓଡିଶାରେ ଶାସନ ବ୍ୟବସ୍ଥାର ପରିବର୍ତନ ନିହାତି ଜରୁରୀ । ସେଥିପାଇଁ ଚଳିତ ନିର୍ବାଚନରେ “୨ ଥର ପଦ୍ମ, ୨ ଗୁଣା ବିକାଶ; ଓଡିଶାରେ ହେବ ବିଜେପି ସରକାର” ବୋଲି ରାଷ୍ଟ୍ରୀୟ ଉପସଭାପତି ତଥା କେନ୍ଦ୍ରପଡା ଲୋକସଭା ପ୍ରାର୍ଥୀ ଶ୍ରୀ ବୈଜୟନ୍ତ ପଣ୍ଡା କହିଛନ୍ତି ।
ରାଜ୍ୟ କାର୍ଯ୍ୟାଳୟରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ପଣ୍ଡା କହିଛନ୍ତି ଯେ, ୨୫ ବର୍ଷର ବିଜେଡି ଶାସନରେ ସବୁଠୁ ଅଧିକ କ୍ଷତିଗ୍ରସ୍ତ ହୋଇଛନ୍ତି ଚାଷୀକୁଳ । ୩୫ ପ୍ରତିଶତ ଚାଷ ଜମି ଜଳସେଚନ କରିବାର ପ୍ରତିଶୃତିକୁ ପୁରଣ କରିବାରେ ବିଫଳ ବିଜେଡି ସରକାରର ଚାଷୀମାରଣ ନୀତି କାରଣରୁ ଚାଷୀଙ୍କୁ ଧାର୍ଯ୍ୟ ସର୍ବନିମ୍ନ ସହାୟକ ମୂଲ୍ୟ ମିଳିଲା ନାହିଁ । କୃଷି ଯନ୍ତ୍ରପାତି ଦୁର୍ନୀତିରେ ବିଜେଡିର ନେତାଙ୍କ ସଂପୃକ୍ତି ଅତ୍ୟନ୍ତ ଲଜ୍ଜାଜନକ । ବିଜେପି ଶାସନରେ ଚାଷୀକୁ ଧାନ କ୍ୱିଂଟାଲ ପ୍ରତି ୩୧୦୦ ଟଙ୍କା ପ୍ରଦାନ କରାଯିବ, ୪୮ ଘଂଟା ଭିତରେ ଡିବିଟି ଜରିଆରେ ଚାଷୀଙ୍କ ବ୍ୟାଂକ ଖାତାକୁ ଟଙ୍କା ପହଂଚିଯିବ । ୨୦୨୯ ସୁଦ୍ଧା ୩ଗୁଣା ଚାଷଜମି ଜଳସେଚିତ କରାଯିବ । ଅଣ ଉତ୍ପାଦନ ସମୟରେ ମତ୍ସଜୀବୀକୁ ୧୦ହଜାର ଟଙ୍କାର ସହାୟତା ମିଳିବ ବୋଲି ଶ୍ରୀ ପଣ୍ଡା କହିଛନ୍ତି ।
ରାଜ୍ୟରେ ଖାଲି ପଡିଥିବା ସରକାରୀ ପଦବୀକୁ ଯଥାଶୀଘ୍ର ପୁରଣ କରାଯିବା ସହିତ ନୂତନ ନିଯୁକ୍ତି ସୃଷ୍ଟି କରାଯିବା ପାଇଁ ବିହୀତ ପଦକ୍ଷେପ ନିଆଯିବ । ଭିତିଭୂମିର ବିକାଶ ହେଲେ ଶିଳ୍ପ ଆସିବା ସହଜ ହୋଇଯିବ । । ବିଜେପି ସରକାର ଆସିଲେ ଓଡ଼ିଶାରେ ୭୫ହଜାର କିଲୋମିଟର ରାସ୍ତା ନିର୍ମାଣ କରାଯିବ । ସମ୍ବଲପୁର, ରାଉରକେଲା, ଧାମରା, ପାରାଦୀପ ନେଇ ଶିଳ୍ପ କରିଡର ପ୍ରତିଷ୍ଠା ହେବ । ୮୫ ହଜାର ସରକାରୀ ପଦବୀ ପୁରଣ କରାଯିବା ସହିତ ୧.୫ ଲକ୍ଷ ନୂତନ ନିଯୁକ୍ତି ଦିଆଯିବ । ନିଯୁକ୍ତିରେ ଓବିସି ଓ ପଛୁଆ ବର୍ଗଙ୍କୁ ପ୍ରାଧାନ୍ୟ ଦିଆଯିବ ବୋଲି ଶ୍ରୀ ପଣ୍ଡା କହିଛନ୍ତି ।
ଗତ ଦୁଇ ଦିନ ତଳେ ସଂକଳ୍ପ ପତ୍ରକୁ ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଜେ.ପି.ନଡ୍ଡା ଲୋକାର୍ପିତ କରିଛନ୍ତି । ସମଗ୍ର ଦେଶ ସମେତ ଓଡ଼ିଶାରେ ବି ମୋଦି ଲହର ଚାଲିଛି । ପ୍ରତିଦିନ ଶହ ଶହ ନେତା, କର୍ମୀମାନେ ଅନ୍ୟ ଦଳରୁ ଆସି ବିଜେପିରେ ମିଶୁଛନ୍ତି । ଜୁନ ୪ରେ ବିଜେଡି ସରକାରର ଅନ୍ତ ହେବ ଓ ୧୦ତାରିଖରେ ଓଡ଼ିଶାରେ ଶପଥ ନେବ ବିଜେପି ସରକାର । ରାସନ, ଆବାସ ଘର ସବୁ କେନ୍ଦ୍ର ସରକାର ଦେଉଛନ୍ତି । ମନରେଗା, ମିଶନଶକ୍ତି ଭଳି ଯୋଜନା ବନ୍ଦ ହୋଇଯିବ ବୋଲି ବିଜେଡି ସରକାର ପରାଜୟ ଭୟରେ ମିଛ ପ୍ରଚାର କରୁଛି । ଯାହା ସଂପୂର୍ଣ୍ଣ ଅମୂଳକ ଓ ଭିତିହୀନ ବୋଲି ଶ୍ରୀ ପଣ୍ଡା କହିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖ୍ୟ ମୁଖପାତ୍ର ସଜ୍ଜନ ଶର୍ମା, ମୁଖପାତ୍ର ସୁଦୀପ୍ତ ରାୟ, ମନୋଜ ମହାପାତ୍ର ଏବଂ ରାଜ୍ୟ ଗଣମାଧ୍ୟମ ସଂଯୋଜକ ସୁଜିତ୍ କୁମାର ଦାସ ପ୍ରମୁଖ ଉପସ୍ଥିତ ଥିଲେ