ଆନ୍ଧ୍ର ପ୍ରଦେଶର ଗୁଂଟୁରର ସରକାରୀ ଡାକ୍ତରଖାନାର ଏକ ଭିଡିଓ ଏବେ ସାମାଜିକ ଗଣମାଧ୍ୟମରେ ଖୁବ ଭାଇରାଲ ହେବାରେ ଲାଗିଛି । ଭିଡିଓରେ ଯାହା ଦେଖିବାକୁ ମିଳୁଛି ସେଥିରେ ଡାକ୍ତରଖାନାରେ ରୋଗୀମାନେ ଲମ୍ବା ଲାଇନରେ ଠିଆ ହୋଇଛନ୍ତି ଡାକ୍ତରଙ୍କୁ ଦେଖା କରିବା ପାଇଁ । ସେହିଭଳି ଅନେକ ଲୋକ ଇଜେଂକସନ ଧରି ନିଜର ପରିବାରର ଅସୁସ୍ଥ ଲୋକଙ୍କୁ ଧରିକି ଠିଆ ହୋଇଛି ନର୍ସଙ୍କୁ ଅପେକ୍ଷା କରି । ସରକାରୀ ଔଷଧ ମିଳୁଥିବା ସ୍ଥାନରେ ମଧ୍ୟ ଲମ୍ବା ଲାଇନ ଔଷଧ ପାଇଁ ।
କିନ୍ତୁ ଡାକ୍ତରଖାନା ଭିତରେ ଏକ ମନୋରମ ମାହୋଲରେ ଏପଟେ ଭାରି ମଉଜ ମଜଲିସରେ ଖ୍ରୀଷ୍ଟମାସ ଉସ୍ତ୍ରବ ସବୁ ଡାକ୍ତର, ନର୍ସ ଓ କର୍ମଚାରୀମାନେ ପାଳନ କରୁଥିବାର ଦେଖିବାକୁ ମିଳୁଛି । ସେହି ସମୟରେ ଜଣେ ରୋଗୀ ଏହାକୁ ନେଇ ପ୍ରତିବାଦ କରିବାରୁ ସେଠାରେ ଥିବା କର୍ମଚାରୀମାନେ ଆସି ସେହି ରୋଗୀଙ୍କୁ ଧମକାଉଥିବାର ଚିତ୍ର ଦେଖିବାକୁ ମିଳୁଛି ।
ଏପରିକି ସେହି ସମୟରେ ଡାକ୍ତରଖାନାର ଜଣେ କର୍ମଚାରୀ ଆସି ରୋଗୀଙ୍କୁ ସରକାରୀ ଡାକ୍ତରଖାନାକୁ ଆସିଛ, ଏତେ ବ୍ୟସ୍ତ କାହିଁକି ହେଉଛ ବୋଲି କହୁଥିବାର ଦେଖିବାକୁ ମିଳୁଛି ।
ଆନ୍ଧ୍ରପ୍ରଦେଶରେ ଏବେ ଖ୍ରୀଷ୍ଟିଆନ ଧର୍ମାନ୍ତିକରଣ, ଖ୍ରୀଷ୍ଟିଆନମାନଙ୍କୁ ବିଶେଷ ସୁବିଧା ମିଳୁଥିବାର ଅଭିଯୋଗ ଆସୁଥିଲା । ହେଲେ ଏଭଳି ରୋଗୀ ସେବାକୁ ଠପ କରି ଡାକ୍ତରଖାନା ଭିତରେ ଖୋଲାଖୋଲି ଉସ୍ତ୍ରବ ପାଳନ କରିବା ତାହା ଚିନ୍ତା ବଢାଇଛି । ତାହା ସେମାନଙ୍କର ଔଦ୍ଧତାକୁ ପ୍ରମାଣିତ କରୁଛି ।