ବର୍ତମାନ ଜର୍ଜ ସୋରୋସଙ୍କ ନାମ  ବିତର୍କର କେନ୍ଦ୍ର ବିନ୍ଦୁରେ ରହିଛି ।  ୯୦ ବର୍ଷରୁ ଉର୍ଧ ବୟସ ର ଜର୍ଜ ସୋରୋସ ହେଉଛନ୍ତି ବିଶ୍ୱର ଜଣେ ଧନାଢ୍ୟ ବ୍ୟକ୍ତି । ତାଙ୍କ ନିକଟରେ ଅଜସ୍ର ଧନ ରହିଛି ।  କିଛି ଦିନ ତଳେ ସେ ଭାରତର ନିର୍ବାଚିତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୁଦ୍ଧରେ ବକ୍ତବ୍ୟ ଦେଇଥିଲେ । ଅନେକ ବର୍ଷ ପୂର୍ବରୁ ସେ ଭାରତ ସମ୍ପର୍କରେ ତାଙ୍କର ମନର ଉଦ୍ଦେଶ୍ୟ ସ୍ପଷ୍ଟ କରି ସାରିଥିଲେ । ଭାରତରୁ ସନାତନ ଧର୍ମ, ଭାରତୀୟ ସଭ୍ୟତାକୁ ନଷ୍ଟ କରିବା ତାଙ୍କର ଉଦ୍ଦେଶ୍ୟ ବୋଲି ସେ ଆଗରୁ କହି ସାରିଛନ୍ତି । । ସେତେବେଳେ ଏହି ବକ୍ତବ୍ୟର  କୌଣସି ପ୍ରତ୍ୟକ୍ଷ ରାଜନୈତିକ ଅର୍ଥ ନ ଥିବା କାରଣରୁ ଏହାକୁ ନେଇ ବିଶଦ ଭାବେ ଚର୍ଚା ହୋଇ ନ ଥିଲା । ହେଲେ ବର୍ତମାନ ଜର୍ଜ ସୋରୋସ ଆଉ ଏକ ପାଦ ଆଗକୁ ଯାଇଛନ୍ତି ।  ଭାରତର ସନାତନ ଧର୍ମ, ଭାରତୀୟ  ସଭ୍ୟତାକୁ ସମାପ୍ତ କରିବା  ଦିଗରେ ସବୁଠାରୁ ବଡ ଅବରୋଧ ହେଉଛନ୍ତି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ମୋଦୀ ଶାସନ କ୍ଷମତାରୁ ହଟିଲେ ଓ ତାଙ୍କ ସ୍ଥାନରେ ଆଉ କେହି ଭାରତର ପ୍ରଧାନମନ୍ତ୍ରୀ ହେଲେ  ତାଙ୍କୁ ଏହି କାମ କରିବା ଅତ୍ୟନ୍ତ ସହଜ ହୋଇ ଯିବ । ତେଣୁ ଏବେ  ପ୍ରଧାନମନ୍ତ୍ରୀ ମୋଦୀ ତାଙ୍କ ଟାର୍ଗେଟରେ ଅଛନ୍ତି ।  ଆମେ ଯଦି ଠିକ ଭାବେ ଦୃଷ୍ଟି ପକାଇବା ତେବେ ଦେଖିବା ପ୍ରଥମେ ବିବିସିର ମୋଦୀ ବିରୋଧୀ ପ୍ରପାଗଣ୍ଡା ଡକ୍ୟୁମେଂଟାରୀ  ତା ପରେ ଅଡାନୀ ମାମଲାରେ ହିଣ୍ଡେନବର୍ଗ ରିପୋର୍ଟ ଓ ଏବେ ଜର୍ଜ ସୋରୋସଙ୍କ ବକ୍ତବ୍ୟ ଅନେକ କିଛି ସ୍ପଷ୍ଟ କରୁଛି । 

ଏବେ ଆମେ ଦୃଷ୍ଟି ପକାଇବା ଜର୍ଜ ସୋରୋସ କିଏ । ଜର୍ଜ ସୋରୋସ ହେଉଛି ଜଣେ ଆମେରିକାର ପୁଂଜିପତି । ସେ ଷ୍ଟକ ମାର୍କେଟରେ ପୁଂଜି ଖଟାଇ ହଜାର ହଜାର କୋଟି ଟଙ୍କାର ମାଲିକ ହୋଇଛନ୍ତି ।   ଫୋର୍ବସ ପତ୍ରିକାର  ରିପୋର୍ଟ ଅନୁସାରେ ୧୯୩୦ ମସିହାରେ ହଙ୍ଗେରୀରେ ଜନ୍ମ ଗ୍ରହଣ କରିଥିବା ଜର୍ଜ ସୋରୋସଙ୍କ ନିକଟରେ  ୬.୭ ବିଲିୟନ ଡଲାର ଅର୍ଥାତ ପାଖା ପାଖି ୫୫,୪୫୫ କୋଟି ଟଙ୍କାର ସମ୍ପତି ରହିଛି । 

ସେ ଜଣେ ପୁଂଜିପତି ହୋଇଥିଲେ ସୁଦ୍ଧା ସାରା ବିଶ୍ୱର ବାମପନ୍ଥୀ ମାନଙ୍କର ସେ ଅତ୍ୟନ୍ତ ପ୍ରିୟ । କାରଣ ସେ ବିଭିନ୍ନ ଦେଶରେ ଅରାଜକତାର ସ୍ଥିତି ଉତ୍ପନ୍ନ କରିବାକୁ ବିପୁଳ ଧନରାଶି  କମ୍ୟୁନିଷ୍ଟ ମାନଙ୍କୁ ଦେଇଥାନ୍ତି । ଯେଉଁ ଦେଶରେ ଆବଶ୍ୟକ ସେ ସେହି ଦେଶରେ ସେ ଇସଲାମୀ କଟ୍ଟରପନ୍ଥୀ ଓ ଖ୍ରୀଷ୍ଟିଆନ ମତାନ୍ତରଣକାରୀ ମାନଙ୍କୁ ମଧ୍ୟ ଧନ ଦେଇଥାନ୍ତି । ଏହି ସବୁ ଅର୍ଥ ସେ ସମାଜସେବା ନାମରେ ଦେଇଥାନ୍ତି ।  

୧୯୮୪ ମସିହାରେ ସେ ଓପନ ସୋସାଇଟି ନାମରେ ଏକ ସଂସ୍ଥା ତିଆରି କରିଛନ୍ତି । ତାଙ୍କର କାମ କରିବାର ଶୈଳୀ ହେଲା ଯେ ତାଙ୍କର ଏହି ସଂସ୍ଥା ବିଭିନ୍ନ ଦେଶରେ କାମ କରୁଥିବା ଏନଜିଓ ମାନଙ୍କୁ ଅର୍ଥ  ପ୍ରଦାନ କରିଥାଏ । ଏହି ଅର୍ଥରେ ଏହି  ଏନଜିଓ ମାେନେ ସେହି ଦେଶରେ ବିଭିନ୍ନ ଉପାୟରେ ଅରାଜକତା ସୃଷ୍ଟି କରିବାକୁ କାମ କରିଥାନ୍ତି ।  ବିଶେଷ ଭାବେ ଜର୍ଜ ସୋରୋସ  ନ୍ୟାରେଟିଭ ନିର୍ମାଣ କରିବା ଉଦ୍ଦେଶ୍ୟରେ ଓପନ ସୋସାଇଟି ଜରିଆରେ ବିପୁଳ ଅର୍ଥ ଖର୍ଚ କରିଥାନ୍ତି । 

ଜର୍ଜ ସୋରୋସ ତାଙ୍କର ଏହି ଅର୍ଥ ବଳରେ ଅନେକ ଦେଶରେ କ୍ଷମତା ପରିବର୍ତନ କରାଇବାରେ ସଫଳ ହୋଇଥିବା ବେଳେ ଅନେକ ଦେଶର ଅର୍ଥନୀତିକୁ ଧ୍ୱସ୍ତ କରି ସାରିଛନ୍ତି । ଥାଇଲାଣ୍ଡର ଆର୍ଥିକ ଦୁରାବସ୍ଥା ପାଇଁ ସୋରୋସଙ୍କୁ ଦାୟା କରା ଯାଇଥାଏ । ଅନେକ ଛୋଟ ଛୋଟ ଦେଶ ତ ଜାଣି ପାରନ୍ତି ନାହିଁ ଯେ ତାଙ୍କ ଦେଶରେ ଖରାପ ସ୍ଥିତି ପାଇଁ ସୋରୋସ ଦାୟୀ । କୁହାଯାଏ ଯେ ଯେଉଁ ଦେଶରେ ହଠାତ ଏନଜିଓ ମାନଙ୍କର ସଂଖ୍ୟା ବଢେ ସେଠାରେ ସୋରୋସଙ୍କ ପ୍ରବେଶ ହେଲା ବୋଲି ଧରିବାକୁ ପଡିବ । 

କାଶ୍ମୀରରୁ ଧାରା ୩୭୦ର ଅସ୍ଥାୟୀ ବ୍ୟବସ୍ଥା ହଟିବା ପରେ ମଧ୍ୟ ଜର୍ଜ ସୋରୋସଙ୍କ ବକ୍ତବ୍ୟ ସାମନାକୁ ଆସିଥିଲା । ସେତେବେଳେ ସେ ମୋଦୀ ସରକାରଙ୍କ ଏହି ନିଷ୍ପତିକୁ ବିରୋଧ କରିଥିଲେ ଓ କହିଥିଲେ ଯେ ଭାରତ ହିନ୍ଦୁ ରାଷ୍ଟ୍ର ହେବା  ଆଡକୁ ଅଗ୍ରସର ହେଉଛି । 

ଭାରତରେ ଗତ କିଛି ବର୍ଷ ମଧ୍ୟରେ ଯେଉଁ ସବୁ ଆନ୍ଦୋଳନ ହୋଇଛି ତା ଉପରେ ଦୃଷ୍ଟି ପକାଇଲେ ଜର୍ଜ ସୋରସ ଓ ତାଙ୍କର ସଂଗଠନ ଓପନ ସୋସାଇଟି ଫାଉଣ୍ଡେସନ କିଭଳି  ଭାବେ କାମ କରିଥାଏ ତାହା ସ୍ପଷ୍ଟ ହୁଏ । 

ବିଶେଷ ଭାବେ କୃଷି ବିଲ ପାରିତ ହେବା ପରେ ଏହା ବିରୁଦ୍ଧରେ ଏକ ଆନ୍ଦୋଳନ ହୋଇଥିଲା । ଏହି ଆନ୍ଦୋଳନକୁ ସାରା ଦେଶର ଚାଷୀ ମାନଙ୍କର ଆନ୍ଦୋଳନ ବୋଲି ପ୍ରଚାରିତ କରିବାକୁ ଚେଷ୍ଟା କରା ଯାଇଥିଲେ ସୁଦ୍ଧା ଏହା କେବଳ ପଂଜାବର କିଛି ଚାଷୀ ମାନଙ୍କର ଆନ୍ଦୋଳନ ଥିଲା । ବିଶେଷ ଭାବେ ଦିଲ୍ଲୀର ସିଂଘୁ ବୋର୍ଡରରେ ଦୀର୍ଘ ଦିନ ଧରି ଚାଲିଥିବା ଏହି ଆନ୍ଦୋଳନରେ ଯେଉଁ ଏନଜିଓର ଭୂମିକା ଥିଲା ସେହି ଏନଜିଓକୁ ଫଣ୍ଡିଂ ଜର୍ଜ ସୋରସ ଓ ତାଙ୍କର ସଂଗଠନ ଓପନ ସୋସାଇଟି ଫାଉଣ୍ଡେସନ କରୁଥିଲା । ଏହି ତଥାକଥିତ ଚାଷୀ ଆନ୍ଦୋଳନ ଉପରେ ଦୃଷ୍ଟି ରଖିଥିବା ଲୋକ ମାନେ ଭଲ ଭାବେ  ହୃଦୟଙ୍ଗମ କରିଥିବେ ଯେ ଆନ୍ଦୋଳନକୁ ପରିଚାଳନା କରୁଥିବା ଲୋକ ମାନେ କିଭଳି ଭାବେ କାମ କରୁଥିଲେ । ସେମାନଙ୍କର ଏକ ମାତ୍ର ଉଦ୍ଦେଶ୍ୟ ଥିଲା ଯେ  ଭାରତ ସରକାର ଏହି ଆନ୍ଦୋଳନକୁ ହଟାଇବାକୁ ବଳ ପ୍ରୟୋଗ କରୁ । ଆନ୍ଦୋଳନରତ ଲୋକ ମାନଙ୍କ ଉପରେ ଲାଠି ମାଡ କରୁ କିମ୍ବା ଗୁଳି ଚଳାଉ । ଯଦି ଭାରତ ସରକାର ତାଙ୍କୁ ଆନ୍ଦୋଳନରୁ ହଟାଇବାକୁ ବଳ ପ୍ରୟୋଗ କରିଥାନ୍ତେ ତେବେ ଆନ୍ଦୋଳନକାରୀ ଓ ତାଙ୍କ ପଛରେ ଥିବା ଜର୍ଜ ସୋରସ ଓ ତାର ସଂଗଠନର ଉଦ୍ଦେଶ୍ୟ ପୂରଣ ହୋଇଥାନ୍ତା । ଏହା ପରେ ସେମାନେ ସାରା ମୋଦୀ ସରକାରଙ୍କୁ ଫାସିବାଦୀ ବୋଲି କହି ସାରା ବିଶ୍ୱରେ ପ୍ରଚାର କରିବା ସହ ସାରା ଦେଶରେ ନିଆଁ ଲଗାଇଥାନ୍ତେ । ହେଲେ ମୋଦୀ ସରକାର ଅତ୍ୟନ୍ତ ପରିପକ୍ୱତାର ସହ କାର୍ଯ୍ୟ କରି ସୋରସ ଓ ତାଙ୍କର ଏନଜିଓ ଓ ଭାରତରେ କାମ କରୁଥିବା ତାଙ୍କର ଭଡାଟିଆ ଏନଜିଓ ମାନଙ୍କୁ ଏପରି କରିବାକୁ କୌଣସି ସୁଯୋଗ ଦେଇ ନ ଥିଲେ । 

ରାଫେଲ ଡିଲ ମାମଲା ବେଳେ ମଧ୍ୟ ଏଥିରେ ଦୁର୍ନୀତି ହୋଇଥିବା ରାହୁଲ ଗାନ୍ଧୀ ଓ କଂଗ୍ରେସ  ପକ୍ଷରୁ ଅଭିଯୋଗ ହୋଇଥିଲା । ସୁପ୍ରିମକୋର୍ଟ ଏହି ଅଭିଯୋଗକୁ ଖାରଜ କରି ଦେଇଥିଲେ । ତେବେ ଫ୍ରାନ୍ସର  ଶେରପା ଫାଉଣ୍ଡେସନ ନାମକ ଏକ ଏନଜିଓ ଏଥିରେ ଦୁର୍ନୀତି ହୋଇଥିବା ନେଇ ଅଭିଯୋଗ କରିଥିଲା । ଏହି ଶେରପା ଫାଉଣ୍ଡେସନକୁ ଜର୍ଜ ସୋରୋସଙ୍କ ଓପନ ସୋସାଇଟି ପକ୍ଷରୁ ଫଣ୍ଡିଂ ହୋଇଥିଲା ।  

ସିଏଏ ଆଇନ ପରେ ଭାରତର ବିଭିନ୍ନ ଅଂଚଳରେ ଯେଉଁ ବିନା ଆଧାରରେ ଆନ୍ଦୋଳନ ହୋଇଥିଲା ତା ପଛରେ ଫଣ୍ଡିଂ ମଧ୍ୟ ଜର୍ଜ ସୋରୋସଙ୍କ ଥିଲା  ସୋରସଙ୍କ ପରବର୍ତୀ ବକ୍ତବ୍ୟରୁ ଏହା ସ୍ପଷ୍ଟ ହୋଇଥିଲା । 

ରାହୁଲ ଗାନ୍ଧୀଙ୍କ ନିକଟରେ ହୋଇଥିବା ଭାରତ ଯୋଡୋ ଯାତ୍ରା ସହିତ ମଧ୍ୟ ଜର୍ଜ ସୋରୋସଙ୍କ ନାମ  ଯୋଡି ହୋଇ ଯାଇଛି । ୨୦୨୨ ଅକ୍ଟୋବର ୩୧ରେ କର୍ଣାଟକରେ ଜଣେ ବ୍ୟକ୍ତି ସଲିଲ ଶେଟ୍ଟୀ ରାହୁଲ ଗାନ୍ଧୀଙ୍କ ସହ ଏହି  ଭାରତ ଯୋଡୋ ଯାତ୍ରାରେ ସାମିଲ ହୋଇଥିଲେ । ସଲିଲ ଶେଟ୍ଟୀ ଜର୍ଜ ସୋରୋସଙ୍କ ଦ୍ୱାରା ସ୍ଥାପିତ ଓପନ ସୋସାଇଟି ଫାଉଣ୍ଡେସନର ଗ୍ଲୋବାଲ ଭାଇସ ପ୍ରେସିଡେଂଟ ।  ତେଣୁ ଏହି ବ୍ୟାପକ ପୃଷ୍ଠ ଭୂମିରେ ଭାରତରେ ଜର୍ଜ ସୋରୋସଙ୍କ କାମ ଓ ତାଙ୍କର କାମର ଶୈଳୀକୁ ବୁଝିବା ପାଇଁ ହେବ । 

ଭାରତରେ ଅନେକ ଏନଜିଓ ବିଭିନ୍ନ କାମ ପାଇଁ ସକ୍ରିୟ ଅଛନ୍ତି । କିଏ ମହିଳା ଅଧିକାର କଥା କହୁଛି ତ କିଏ ଦୁର୍ନୀତି ବିରୁଦ୍ଧରେ ଲଢେଇର କଥା କହୁଛି ।  କେଉଁ ଏନଜିଓ ଆଇନ କ୍ଷେତ୍ରରେ ତ କିଏ ଶିଶୁ ମାନଙ୍କ ପାଇଁ କାମ କରୁ ଥିବା ଦାବି କରୁଛି ।  ଏପରି ଅନେକ ଏନଜିଓ ସୋରୋସଙ୍କ ଠାରୁ ଫଣ୍ଡିଂ ନେଇ ତାଙ୍କର ଯୋଜନାରେ କାମ କରୁଛନ୍ତି ।  ଦେଶରେ ଅନେକ ବଡ ବଡ ନାମୀ ଦାମୀ ଓକିଲ, ଶିକ୍ଷାବିତ ଓ ବୁଦ୍ଧିଜୀବୀ ଅଛନ୍ତି , ଯେଉଁ ମାନେ ଭାରତକୁ ଦୁର୍ବଳ କରିବା, ଭାରତକୁ ବିଭାଜିତ କରିବା କାମରେ ନିରନ୍ତର ଲାଗିଛନ୍ତି ।  ସେମାନେ  ମଧ୍ୟ  ସୋରୋସଙ୍କ ଠାରୁ ବିଭିନ୍ନ ଉପାୟରେ ଅନୁଗ୍ରହୀତ ହୁଅନ୍ତି । ତେଣୁ ଏଭଳି ଏନଜିଓ ହୁଅନ୍ତୁ, କିମ୍ବା ରାଜନୈତିକ ନେତା ହୁଅନ୍ତୁ, ସାମାଜିକ କାର୍ଯ୍ୟକର୍ତା ହୁଅନ୍ତୁ  କିମ୍ବା ଓକିଲ, ଶିକ୍ଷାବିଦ ବୁଦ୍ଧିଜୀବୀ ହୁଅନ୍ତୁ, ଏମାନେ ସମସ୍ତେ ଜର୍ଜ ସୋରୋସଙ୍କ ହାତର କଣ୍ଡେଇ । ଏମାନଙ୍କୁ ଓ ତାଙ୍କର ନେଟବର୍କକୁ ଚିହ୍ନଟ କରି ସେମାନଙ୍କର ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାର ଆବଶ୍ୟକତା ରହିଛି ।  

 (ଡ. ସମନ୍ୱୟ ନନ୍ଦ )