ରୁଷ୍ ଓ ୟୁକ୍ରେନ ମଧ୍ୟରେ ଯୁଦ୍ଧ ଆରମ୍ଭ ( Russia Ukraine War ) ହୋଇଯିବା ପରେ ମହଙ୍ଗା ହୋଇଛି ଖାଇବା ଦେଲ ( Cooking Oil ) । ଉପରୋକ୍ତ ଦୁଇ ଦେଶରୁ ସୂର୍ଯ୍ୟମୁଖୀ ତେଲ ଆମଦାନି ହୋଇପାରୁ ନଥିବା ବେଳେ ଅନ୍ୟ ଦେଶରୁ ବି ଠିକ୍ ରୂପେ ତେଲ ଆସିପାରୁନି। ପାମୋଲିନ୍ ତେଲ ୫୦ ଟଙ୍କା, ରିଫାଇନ ତେଲ ୫୫ ଟଙ୍କା ଓ ସୋୟାବିନ୍ ତେଲ ୫୫ ଟଙ୍କା ପର୍ଯ୍ୟନ୍ତ ବୃଦ୍ଧି ପାଇଛି। ତେଣୁ ପୁରୁଣା ଷ୍ଟକ୍କୁ ବି କିଛି ବ୍ୟବସାୟୀ ବର୍ଦ୍ଧିତ ଦରରେ ବିକ୍ରି କରୁଥିବା ଦେଖିବାକୁ ମିଳିଛି।
କରୋନା କାରଣରୁ ଦରଦାମ ଅସ୍ବାଭିବାକ ଭାବେ ବଢ଼ିଥିଲା। ୨୦୨୧ ଆରମ୍ଭ ବେଳକୁ ଲିଟର ପିଛା ଖାଇବା ତେଲ ଦର ପ୍ରାୟ ୧୧୦ ଟଙ୍କା ରହିଥିବା ବେଳେ ଜୁନ୍ ମାସ ବେଳକୁ ୧୩୦ରୁ ୧୪୦ ଟଙ୍କାରେ ବିକ୍ରି ହେଉଥିଲା। ତେଣୁ ସରକାର ବାଧ୍ୟ ହୋଇ ଦର ନିୟନ୍ତ୍ରଣ ପାଇଁ ପଦକ୍ଷେପ ନେଇଥିଲେ।
କିନ୍ତୁ ୨୦୨୨ ଆରମ୍ଭରୁ ପୁଣି ଦର ବଢ଼ି ଖାଇବା ତେଲ ଲିଟର ପିଛା ଦାମ ୧୬୦ ଟଙ୍କା ହେଲାଣି। ଫେବ୍ରୁଆରି ୨୫ ତାରିଖରେ ଅଧିକାଂଶ ତେଲ ଦର ହାରାହାରି ୧୧୦ରୁ ୧୧୫ ଟଙ୍କା ମଧ୍ୟରେ ରହିଥିଲା। ସପ୍ତାହକ ମଧ୍ୟରେ ଦର ହାରାହାରି ୫୦ରୁ ୬୦ଟଙ୍କା ପର୍ଯ୍ୟନ୍ତ ବଢ଼ିଛି।
ଗତ ମାସକ ମଧ୍ୟରେ ରିଫାଇନ ତେଲ ଲିଟର ପିଚ୍ଛା ୧୧୫ରୁ ୧୬୫ ଟଙ୍କାକୁ ବୃଦ୍ଧି ପାଇଛି। କିଛି ମାସ ତଳେ ସୋରିଷ ତେଲ ଲିଟର ପିଛା ୨୦୦ ଟଙ୍କାରେ ସ୍ଥିର ରହିଥିବା ବେଳେ ତାହା ବି ସାମାନ୍ୟ ବଢ଼ିବା ଖାଉଟିଙ୍କ ପକେଟକୁ ବାଧିଛି।