ନଭେମ୍ବର ୧୦, ୨୦୨୧ରେ ପ୍ରଥମ ଥର ପାଇଁ ଭାଟିକାନ ପକ୍ଷରୁ ଏକ ଘୋଷଣା କରାଗଲା ଯାହା ଆଗରୁ କେବେ ଭାରତରେ ହୋଇନଥିଲା ଓ ତାକୁ ଦେଶର ସେକୁଲାର ଗଣମାଧ୍ୟମମାନେ ଏମିତି ପ୍ରଚାର କରିଲେ ଯେମିତି ପୋପ ଭାରତକୁ ପୁରା ବଦଳେଇ ଦେଲେ । କେରଳର ଦେବସାହାଗମ ପିଲାଇ ନାମକ ଜଣେ ବ୍ୟକ୍ତି ୧୭ ମସିହାରେ ପର୍ତୁଗିଜମାନଙ୍କ ଯୋଗାଯୋଗରେ ଆସି ଖ୍ରୀଷ୍ଟଧର୍ମ ଗ୍ରହଣ କରିଥିଲେ ଓ ପରେ ପାଦ୍ରୀ ହୋଇଯାଇଥିଲେ । ପରେ ସେ ଲୋକଙ୍କୁ ମିଥ୍ୟା କଥା କହି ଧର୍ମ ପରିବର୍ତନ କରୁଥିଲେ ଯେଉଁଥି ପାଇଁ ଟ୍ରାଭେନକୋର ରାଜା ତାଙ୍କୁ ଗିରଫ କରିବା ପାଇଁ ଆଦେଶ ଦେଇଥିଲେ । ସେ ପରେ ଆତ୍ମଗୋପନ କରି ଲୁଚିବାରେ ଲାଗିଲେ ପରେ କେରଳର ଏକ ଜଙ୍ଗଲରେ ତାଙ୍କର ମୃତ୍ୟୁ ହୋଇଥିଲା । ଖ୍ରୀଷ୍ଟିଆନମାନେ ତାଙ୍କୁ ହତ୍ୟା ହୋଇଛି ବୋଲି ଅପପ୍ରଚାର କରିଥିଲେ ।
ହେଲେ ଏବେ ହଠାତ ଭାଟିକାନ ପକ୍ଷରୁ ତାଙ୍କୁ ମନେପକାଇବା ପଛରେ ସବୁଠାରୁ ବଡ କାରଣ ହେଉଛି କେରଳରେ ଦେବାସାହାମ ଯେଉଁ ସମୁଦାୟରୁ ଆସିଛନ୍ତି ନାୟାର ଜାତି ସେହିମାନଙ୍କୁ ଖ୍ରୀଷ୍ଟିଆନ ଧର୍ମ ପ୍ରତି ଆକୃଷ୍ଟ କରିବା । ସେହିଭଳି ଭାରତରେ ଅନ୍ୟ ଧର୍ମର ପ୍ରଚାରକମାନଙ୍କୁ ଆକ୍ରମଣ ହୁଏ ତାହା ମଧ୍ୟ ବିଶ୍ୱରେ ପ୍ରମାଣିତ କରିବା ପାଇଁ ଭାଟିକାନର ଏହା ଏକ ଚାଲ ଯାହା ଜଳ ଜଳ ହୋଇ ଦିଶୁଛି ।
ଆଗରୁ ଭାଟିକାନ ଯାହାକୁ ଯାହାକୁ ବି ସନ୍ଥ ଘୋଷଣା କରୁଥିଲେ ସେମାନେ ସମସ୍ତେ ଇୟୁରୋପର ଥିଲେ । ଏପରିକି ମଦର ଟେରେସା ନାଁରେ ପରିଚିତ ସେହି ବହୁ ବିବାଦୀୟ ଧର୍ମଯାଜିକା ମଧ୍ୟ ସେହି ଇୟୁରୋପର ହିଁ ଥିଲେ । ହେଲେ ଏବେ ଭାଟିକାନ ଭାରତୀୟ ଲୋକମାନଙ୍କୁ ମଧ୍ୟ ସେହି ସନ୍ଥ ତାଲିକାରେ ରଖିବା ଆରମ୍ଭ କଲାଣି ।
ଦେବସାହାଗମଙ୍କୁ ଭାଟିକାନ ଦ୍ୱାରା ପୁରା ଅତିରଂଜିତ ଭାବରେ ଜଣେ ମହାନ ସାଧକ ଭାବରେ ଦେଖାଯାଉଛି । ସେ କିପରି ଗରିବ ଲୋକମାନଙ୍କ ପାଇଁ ଜୀବନ ଉସ୍ତ୍ରୃଗିକୃତ କରିଥିଲେ ତାହା ଦେଖାଇବାକୁ ଚେଷ୍ଟା କରାଯାଉଛି । ହେଲେ ବାସ୍ତବରେ ଜଣେ ଡଚ ବ୍ୟବସାୟୀଙ୍କ ପାଖରେ କିରାଣି ଥିଲେ ଓ ପ୍ରଥମେ ସେ ଚର୍ଚ୍ଚର ପାର୍ଥନାକୁ ଯିବା ପାଇଁ ସେହି ବ୍ୟବସାୟୀଙ୍କ ପାଖରୁ ପଇସା ନେଉଥିଲେ ।