ଆସାମର ମୁଖ୍ୟମନ୍ତ୍ରୀ ହେମନ୍ତ ବିଶ୍ୱଶର୍ମା କହିଛନ୍ତି ଯେ ଆସାମର ଅଧିକାଶ ମୁସଲମାନ ଧର୍ମାନ୍ତରିତ। ସେମାନଙ୍କର ପୂର୍ବ ପୁରୁଷ ମାନେ ହିନ୍ଦୁ ଥିଲେ । ସେମାନଙ୍କର ପୂର୍ବ ପୁରୁଷ ମାନେ ବିଫ ଖାଉ ନ ଥିଲେ । ତେଣୁ ଧାର୍ମିକ ସ୍ଥଳ ମାନଙ୍କ ଠାରୁ ପାଂଚ କିମି ଯାଏ ଅଂଚଳରେ ବିଫକୁ ପ୍ରତିବନ୍ଧିତ କରାଯିବା ସମ୍ପର୍କିତ ତାଙ୍କର ନିଷ୍ପତିରେ ଆସାମରେ ମୁସଲମାନ ମାନେ ଖୁସି ଅଛନ୍ତି । ଇଣ୍ଡିଆ ଟୁଡେ ଦ୍ୱାରା ଆୟୋଜିତ କନକ୍ଲେଭରେ ଯୋଗ ଦେଅ ଏ ସମ୍ପର୍କିତ ପ୍ରଶ୍ନର ଉତ୍ତରରେ ସେ ଏହା କହିଛନ୍ତି ।
ସେ କହିଛନ୍ତି ଯେ ସେ ଆସାମର ମୁସଲମାନ ମାନଙ୍କୁ ସବୁବେଳେ ମନେ ପକାଇଥାନ୍ତି ଯେ ଆପଣଙ୍କର ପୂର୍ବ ପୁରୁଷ ମାନେ କେବେ ହେଲେ ବିଫ ଖାଉ ନ ଥିଲେ । ତେଣୁ ଆପଣ ଏପରି ଜିନିଷକୁ ପ୍ରୋତ୍ସାହନ ଦିଅନ୍ତୁ ନାହିଁ । ସେ କହିଛନ୍ତି ଯେ ଦେଶରେ ଏପରି ଅନେକ ଲୋକ ଅଛନ୍ତି ଯେଉଁ ମାନେ ପରମ୍ପରାର କଥା କହିଲେ ରାଗି ଯାଆନ୍ତି । ଆମର ସଭ୍ୟତା ଏହି ମୂଲ୍ୟବୋଧରୁ ବାହାରିଛି । ତେଣୁ ଏହାକୁ ଅଲଗା ଦୃଷ୍ଟିକୋଣରେ ଦେଖା ଯିବା ଉଚିତ ନୁହେଁ ।
ସେ ଆଉ ଏକ ପ୍ରଶ୍ନର ଉତ୍ତରରେ କହିଥିଲେ ଯେ ବିଜେପିକୁ ମିଆଁ ଭୋଟର ଆବଶ୍ୟକତା ନାହିଁ । ପୂର୍ବ ବଙ୍ଗର ମୁସଲମାନ ମାନଙ୍କୁ ଆସାମରେ ମିଆଁ କୁହା ଯାଇଥାଏ ।
ସେ କହିଥିଲେ ଯେ – ବିଜେପିକୁ ଆସାମରେ ପୂର୍ବ ବଙ୍ଗ ଅରିଜିନର ମୁସଲମାନ ଭୋଟର ଆବଶ୍ୟକତା ନାହିଁ । ମୋତେ ମିଆଁ ମୁସଲମାନ ଭୋଟ ଦରକାର ନାହିଁ । ଆମେ ସଦଭାବର ସହ ରହୁ । ମୁଁ ତାଙ୍କ ପାଖକୁ ଭୋଟ ପାଇଁ ଯାଏ ନାହିଁ । ସେମାନେ ମଧ୍ୟ ଆମ ପାଖକୁ ଆସନ୍ତି ନାହିଁ ।
ସେ କହିଛନ୍ତି ଯେ ଆସାମରେ ଜବରଦଖଲ ଅଭିଯାନକୁ କୌଣସି ପରିସ୍ଥିତିରେ ବନ୍ଦ କରାଯିବ ନାହିଁ ଓ ଏହା ଜାରୀ ରହିବ ।