କରୋନାର ଏପରି ବିଷମ ପରିସ୍ଥିତିରେ ଆମ ଦେଶରେ କିଛି ରାଜନୈତିକ ଦଳମାନେ କରୋନାକୁ ଏକ ରାଜନୈତିକ ସୁଯୋଗ ବୋଲି ଭାବୁଛନ୍ତି । କିପରି କରୋନାକୁ ସରକାରଙ୍କର ଅକ୍ଷମତା ବୋଲି ଦେଖାଇ ସାଧାରଣ ଲୋକଙ୍କ ମନରେ ଭ୍ରମ ତିଆରି କରିହେବ ସେପରି ପ୍ରୟାସରେ ଲଗାତାର ଭାବରେ ଅଛନ୍ତି । ପୁର୍ବରୁ ସେପରି ଅନୁମାନ କରାଯାଉଥିଲା । କିଛି ଦିନ ତଳେ ସାମାଜିକ ଗଣମାଧ୍ୟମରେ କଂଗ୍ରେସର ଏକ ଅତ୍ୟନ୍ତ ବିବାଦୀୟ ଟୁଲ କିଟ (କାର୍ଯ୍ୟକ୍ରମ, ଯୋଜନାର ରୂପରେଖ) ପ୍ରସାରିତ ହୋଇଛି ।
ବିଜେପି ଏହାକୁ କଂଗ୍ରେସର ବୋଲି କହୁଥିଲା ବେଳେ କଂଗ୍ରେସ କିନ୍ତୁ ଏହାକୁ ଖଣ୍ଡନ କରିଛି । ଯଦିଓ ଏହି ଟୁଲ କିଟକୁ କଂଗ୍ରେସ ତାର ନିଜର ନୁହେଁ ବୋଲି କହି ଖଣ୍ଡନ କରୁଛି କିନ୍ତୁ ସେଥିରେ ଯେଉଁ କେନ୍ଦ୍ର ସରକାର, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, କୁମ୍ଭ ମେଳା, ବିଭିନ୍ନ ରାଜ୍ୟରେ ବିଜେପି ସରକାରକୁ ବଦାନମ କରିବା ପାଇଁ ଓ କଂଗ୍ରେସର ସେବା କାମକୁ ପ୍ରଚାର ପ୍ରସାର କରିବା ପାଇଁ ଯେଉଁ ଯେଉଁ ତରିକା ଆପଣାଇବା କଥା କୁହାଯାଇଛି କଂଗ୍ରେସ ଦଳ ଓ ତାହାର ଅନୁବନ୍ଧିତ ଦଳମାନେ ଠିକ ସେହି ସେହି ତରିକା ଆପଣାଉଛନ୍ତି । ସାମାଜିକ ଗଣମାଧ୍ୟମ ଏହି ଟୁଲକିଟର ସତ୍ୟତା ଉପରେ ପ୍ରଶ୍ନ ଉଠାଇଛି ଯାହାକୁ ନେଇ କଂଗ୍ରେସ ଦଳ ଅତି ଉସ୍ତ୍ରାହକୁ ଆସିଯାଇଥିଲା । ହେଲେ ଯେତେବେଳେ ବିଜେପି ଏହି ଟୁଲକିଟର ଉସ୍ତ୍ର ଓ କିଏ ତାକୁ ସମସ୍ତଙ୍କୁ ଇମେଲ କରିଥିଲେ, ଇମେଲ କରିଥିବା ମହିଳା ଜଣଙ୍କ କିପରି କଂଗ୍ରେସ ଦଳର ସକ୍ରିୟ ରାଜନେତ୍ରୀ ଏସବୁ କଥା ପ୍ରମାଣ ରଖିବା ପରେ ଏବେ ପୁଣି କଂଗ୍ରେସ ବ୍ୟାକଫୁଟରେ । ସେ ମହିଳା ନେତ୍ରୀ ଜଣଙ୍କ ତାଙ୍କର ସମସ୍ତ ସାମାଜିକ ଗଣମାଧ୍ୟମରୁ ନିଜର ଆକାଉଂଟକୁ ହଠାତ ଡିଲିଟ କରିଦେବା ପ୍ରକାରାନ୍ତରେ ପ୍ରମାଣ କରୁଛି ଯେ କଂଗ୍ରେସ ହି ସେହି ଟୁଲକିଟର ସ୍ରଷ୍ଟା ।
କିଛି ଅସୁବିଧା ନାହିଁ କେନ୍ଦ୍ର ସରକାରଙ୍କୁ କରୋନା ପାଇଁ ଦାୟୀ କରିବାରେ । ଯିଏ ଶାସନରେ ରହିବ ସିଏ ଲୋକଙ୍କ ସବୁକିଛିର ଦାୟୀତ୍ୱ ନେବାକୁ ହେବ । ହେଲେ ଗୋଟିଏ ରାଜନୈତିକ ଦଳକୁ ଦାୟୀ କରିବାକୁ ଯାଇ ଯେ ପୁରା ହିନ୍ଦୁ ସମାଜକୁ, ପୁରା ଦେଶକୁ ବଦାନମ କରାଯିବ ତାହା ଗ୍ରହଣୀୟ ଅଟେ କି ? ରାଜନୀତି ଯଦି ଏହି ସ୍ତରରେ ପହଂଚିବ ଓ କ୍ଷମତାପାଇଁ ରାଜନୈତିକ ଦଳମାନେ ଦେଶକୁ ବି ବଦନାମ କରିବା ପାଇଁ ପଛେଇବେ ନାହିଁ ତାହା ହେଲେ ଏହାଠାରୁ ଆଉ ଖରାପ ଦିନ ନଥାଇ ପାରେ । କରୋନା ଠାରୁ ବି ସେହି ରାଜନୈତିକ ଦଳମାନଙ୍କର ବିଚାରଧାରା ଆହୁରି ଅଧୀକ କ୍ଷତିକାରକ ହେବ । କୁମ୍ଭ ମେଳା ପାଇଁ ଭାରତରେ କରୋନା ବ୍ୟାପିଲା, କୁମ୍ଭ ମେଳା ହେଉଛି ହିନ୍ଦୁ ରାଜନୈତିକ ଉଗ୍ର ବିଚାରର ଏକ ଶକ୍ତି ପ୍ରଦର୍ଶନକାରି ଉସ୍ତ୍ରବ ଏକଥା ସେହି ଟୁଲକିଟରେ ଲେଖାଯାଇଛି । ସେମାନେ ଭୁଲି ଯାଉଛନ୍ତି କୁମ୍ଭ ମେଳାର ପରମ୍ପରା କାହିଁ କେତେ ହଜାର ବର୍ଷ ତଳର । ଯେତେବେଳେ ଦେଶରେ କୌଣସି ରାଜନୈତିକ ଦଳମାନଙ୍କର ଜନ୍ମ ବି ହୋଇନଥିଲା ସେତେବଳେ ଦେଶରେ କୁମ୍ଭ ମେଳା ହେଉଥିଲା । କୁମ୍ଭ ମେଳାକୁ ଏପରି ବଦନାମ କରି ସେମାନେ କେବଳ ହିନ୍ଦୁମାନଙ୍କ ଆସ୍ଥା ଉପରେ କଳା ବୋଳି ନାହାନ୍ତି ବଂର ଯେଉଁ ସାଧୁସନ୍ଥ ମାନେ ଆମ ସମାଜର ପୁଜ୍ୟ ସେମାନଙ୍କୁ ମଧ୍ୟ ଅପମାନ କରିଛନ୍ତି । ଏବଂ ଇଦକୁ ଏକ ସାମାଜିକ ସଦଭାବନା ଉସ୍ତ୍ରବ ଭାବରେ ଦେଖାଯାଉ ବୋଲି ଟୁଲକିଟରେ କୁହାଯାଇଛି ।
ସେହି ଟୁଲକିଟରେ କରୋନାର ଏହି ଦ୍ୱିତୀୟ ଲହରକୁ ଭାରତୀୟ ପ୍ରକାର (ଇଣ୍ଡିଆନ ଭାରିଏଂଟ) ବୋଲି ପ୍ରଚାର କରିବା ପାଇଁ ନିର୍ଦ୍ଧେଶ ଦିଆଯାଇଛି । ଭାବନ୍ତୁ ଦିଲ୍ଲୀ ମୁଖ୍ୟମନ୍ତ୍ରୀ ଥରେ ସିଙ୍ଗାପୁର ଭାରିଏଂଟ କହିଲେ ବୋଲି ସିଙ୍ଗାପୁର ଭଳି ଛୋଟିଆ ଦେଶ ଏହାର କେଡେ କଡା ବିରୋଧ କରିଲା । ହେଲେ ଏମାନେ ୧୩୦ କୋଟିର ଦେଶର ଇଜ୍ଜତକୁ ବୁଝିପାରିଲେ ନାହିଁ, ଏହାକୁ ବଦନାମ କରିବା ପାଇଁ ଇଣ୍ଡିଆନ ଭାରିଏଂଟ କହିବା ପାଇଁ ଯୋଜନା କରିଲେ ।
କାହିଁକି କେନ୍ଦ୍ର ସରକାର ୧୦୦୦ କୋଟିର ସେଂଟ୍ରାଲ ଭିଷ୍ଟା ପ୍ରକଳ୍ପ କାମ କରୋନା ସମୟରେ ଆରମ୍ଭ କରିଲେ ଯାହା ଏବେ ସାମାଜିକ ଗଣମାଧ୍ୟମରେ ଚର୍ଚ୍ଚାର ବିଷୟ ତାହା ସେହି ଟୁଲକିଟରେ ଅଛି । ସାମାଜିକ ଗଣମାଧ୍ୟମରେ ତ କିଛି ଲୋକ ସେଂଟ୍ରାଲ ଭିଷ୍ଟା ପ୍ରକଳ୍ପକୁ ମୋଦିଙ୍କ ବାସଗୃହ ବୋଲି କହି ଆକ୍ଷେପ ବି କରିଥିଲେ । ସେଂଟ୍ରାଲ ଭିଷ୍ଟା ପ୍ରକଳ୍ପ ହେଉଛି ୨୦୧୨ର କଂଗ୍ରେସ ସମୟର ଯୋଜନା । ସେମାନେ ଏହାର ବ୍ୟୟ ଅଟକଳ କରିଥିଲେ ୩୦୦୦ ହଜାର କୋଟି ଯାହାକୁ କେନ୍ଦ୍ର ସରକାର କମାଇ ୮୦୦ କୋଟିରେ କରୁଛନ୍ତି ।
ପିଏମ କେଆର ଫଣ୍ଡକୁ ବଦନାମ କରିବା ପାଇଁ ସବୁ ପ୍ରକାର ତରିକା ଆପଣାଇବା ପାଇଁ ଟୁଲକିଟରେ କୁହାଯାଇଛି । ବାସ୍ତବରେ ବିଭିନ୍ନ ରାଜ୍ୟକୁ ଅମ୍ଲଜାନ ଯୋଗାଇବାଠାରୁ ନେଇ ସ୍ୱତନ୍ତ୍ର କୋଭିଡ ହସ୍ପିଟାଲ ତିଆରି କରିବା, ଭେଂଟିଲେଟର ଯୋଗାଇ ଦେବା, ପିପିଇ କିଟ, ଆବଶ୍ୟକୀୟ ଔଷଧ, ଟୀକା ସବୁ ପିଏମ କେଆର ଫଣ୍ଡରେ ମିଳିଥିବା ଅର୍ଥରେ କେନ୍ଦ୍ର ସରକାର ଯୋଗାଇଛନ୍ତି । କିନ୍ତୁ କଂଗ୍ରେସ ଦଳ ଏହାକୁ ବଦନାମ କରିବା ପାଇଁ, ପିଏମ କେଆର ଫଣ୍ଡ ହେଉଛି ବିଜେପିର ପାଂଠି, ଏହାର ଆୟ ବ୍ୟୟର କୌଣସି ସ୍ୱଛତା ନାହିଁ ଇତ୍ୟାଦି କଥା ସେହି ସାମାଜିକ ଗଣମାଧ୍ୟମରେ ପ୍ରଚାର କରୁଛି ।
ଟୁଲ କିଟରେ ନିର୍ଦ୍ଦେଶ ଦିଆଯାଇଛି ଯେ କରୋନାରେ ଶ୍ମଶାନରେ ଥିବା ମୃତ୍ୟୁ ଶରୀରକୁ ଏପରି ଦେଖାଅ ଯେପରି ସାଧାରଣ ଲୋକମାନେ ଭୟ କରିବେ, ସେମାନଙ୍କର ମନରେ କେନ୍ଦ୍ର ସରକାର ପ୍ରତି ଘୃଣା ତିଆରି ହେବ । ଅର୍ନ୍ତଜାତିକ ଗଣମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ବଦନାମ କରି ସେ ତିଆରି କରିଥିବା ତାଙ୍କର ବ୍ୟକ୍ତିତ୍ୱକୁ ବଦନାମ କର । ଶେଷରେ ଏକ ଜାତୀୟ ସ୍ତରର ରାଜନୈତିକ ଦଳ ମୃତ୍ୟୁ ଶବ ଉପରେ ରାଜନୀତି କରିବା ପାଇଁ ପଛାଇଲା ନାହିଁ ଏହାଠାରୁ ବଳି ଆଉ ନିନ୍ଦନୀୟ ଖବର ଆଉ କଣ ହୋଇପାରେ ।
ଗୋଟିଏ କଥା ଅଛି ସତ କହିଲେ ପ୍ରମାଣ ଦେଖାଇବାକୁ ପଡେ । ମିଛ ପାଇଁ ସେସବୁର ଆବଶ୍ୟକତା ନାହିଁ । ମିଛ କହିବା ପାଇଁ କେବଳ ଆବଶ୍ୟକତା ହେଉଛି ପ୍ରଥମେ କହିବା ଓ ଲୋକ ମନରେ ସନ୍ଦେହ ତିଆରି କରିବା, ଯାହା ସେ ଟୁଲକିଟ କରିଛି । ଶେଷରେ ଏତିକି କହିପାରିବା, ରାଜନୀତି ହେଉ କିନ୍ତୁ ଦେଶ ଓ ଆସ୍ଥାକୁ ବଦନାମ ନକରାଯାଉ ।
Video - https://www.youtube.com/watch?v=Gpw9UsjCnSE