ପାକିସ୍ତାନର ସିନ୍ଧ୍ ରାଜ୍ୟର ଥାର ପାର୍କର ଜିଲ୍ଲା ଖତ୍ରି ମହଲା ଠାରେ ମୁସଲମାନ କଟ୍ଟରପନ୍ଥୀ ମାନେ ପ୍ରସିଦ୍ଧ ଶକ୍ତି ପୀଠ ମାତା ହିଙ୍ଗଲାଜ ମନ୍ଦିରକୁ ଟାର୍ଗେଟ କରିଛନ୍ତି । ସେମାନେ ମନ୍ଦିର ଭିତରେ ପ୍ରବେଶ କରି ଭଙ୍ଗାଭଙ୍ଗି କରିଛନ୍ତି । ଇସଲାମୀ ଆକ୍ରମଣକାରୀ ମାନେ ମନ୍ଦିରରେ ଥିବା ମୂର୍ତି ଗୁଡିକୁ ଭାଙ୍ଗିବା ସହ ସେଠାରେ ଥିବା ଅନ୍ୟ ଜିନିଷ ଗୁଡିକୁ ମଧ୍ୟ କ୍ଷତି ପହଂଚାଇଛନ୍ତି । ପାକିସ୍ତାନରେ ଗତ 22 ମାସରେ ଏହା ମନ୍ଦିର ଉପରେ 11 ତମ ଆକ୍ରମଣ ।
ଏହି ଆକ୍ରମଣ ବିରୁଦ୍ଧରେ ହିନ୍ଦୁ ମାନେ ପ୍ରତିବାଦ କରି ମାର୍ଚ ବାହାର କରିଛନ୍ତି । ହିନ୍ଦୁ ମାନେ ଦୋଷୀ ମାନଙ୍କୁ ଶୀଘ୍ର ଗିରଫ କରିବାକୁ ଦାବି କରିଛନ୍ତି ।
ଗତ ବର୍ଷ ଡିସେମ୍ବର ମାସରେ ପାକିସ୍ତାନର କରାଚୀ ସହରରେ ଥିବା ହିନ୍ଦୁ ମନ୍ଦିରରେ ପ୍ରବେଶ କରି ମା ଦୁର୍ଗାଙ୍କ ମୂର୍ତିକୁ ଭାଙ୍ଗି ଦିଆଯାଇଥିଲା । ଏହା ପରେ ଇମରାନ ସରକାରଙ୍କୁ ସମାଲୋଚନାର ଶୀକାର ହେବାକୁ ପଡିଥିଲା । ତେବେ ଇମରାନଙ୍କ ପ୍ରତିଶୃତି ସତ୍ୱେ ହିନ୍ଦୁ ମାନଙ୍କ ମନ୍ଦିର ଉପରେ ଲଗାତାର ଆକ୍ରମଣ ଜାରୀ ରହିଛି।