ପାକିସ୍ତାନ କ୍ରିକେଟ ବୋର୍ଡ ସମର୍ଥନରେ ବକ୍ତବ୍ୟ ଦେଇ ପୁଣି ବିବାଦ ଘେରରେ ଆସିଛନ୍ତି ପୂର୍ବତନ କ୍ରିକେଟର ତଥା ଓଡିଶା କ୍ରିକେଟ ଦଳର (Odisha Cricket Team Coach) କୋଚ ବାସିମ ଜାଫର (Wasim Jaffer) । ପାକିସ୍ତାନ ସମଗ୍ର ବିଶ୍ୱର ମୂଳ କେନ୍ଦ୍ର ହୋଇଥିବା କାରଣରୁ ସେଠାରେ କୌଣସି ଦେଶର କ୍ରିକେଟ ଟିମ ଖେଳିବାକୁ ରାଜି ହେଉ ନାହାନ୍ତି ।
ନ୍ୟୁଜିଲାଣ୍ଡ ପରେ ଏବେ ଇଂଲଣ୍ଡ କ୍ରିକେଟ ବୋର୍ଡ (England Cricket Team) ମଧ୍ୟ ପାକିସ୍ତାନରେ ଖେଳିବାକୁ ମନା କରି ଦେଇଛି । କୌଣସି ଦେଶ ପାଇଁ ତାର ଖେଳାଳୀ ମାନଙ୍କର ଜୀବନ ସବୁଠାରୁ ବଡ । ତେଣୁ ବିଭିନ୍ନ ଦେଶ ପାକିସ୍ତାନରେ ଖେଳିବାକୁ ମନା କରି ଦେଉଛନ୍ତି । ପାକିସ୍ତାନ (Pakistan) ସମର୍ଥନରେ କେବଳ ପାକିସ୍ତାନୀ ଖେଳାଳୀ ମାନେ ହିଁ ବାହାରିଛନ୍ତି । ହେଲେ ବାସିମ ଜାଫର ପ୍ରଥମ ଅଣ ପାକିସ୍ତାନୀ ଖେଳାଳୀ ଭାବେ ପାକିସ୍ତାନ ସହ ଠିଆ ହୋଇଛନ୍ତି ।
ସେ ଟ୍ୱିଟ କରି କହିଛନ୍ତି - “ପାକିସ୍ତାନ କ୍ରିକେଟ ବୋର୍ଡକୁ ଇଂଲଣ୍ଡ କ୍ରିକେଟ ବୋର୍ଡ ଠାରୁ ନିରାଶ ହେବାର ସବୁ କାରଣ ରହିଛି । ପାକିସ୍ତାନ ଏବଂ ବେଷ୍ଟ ଇଣ୍ଡିଜ ଗତ ବର୍ଷ ଭ୍ୟାକ୍ସିନ ପୂର୍ବରୁ ମହାମାରୀ ସମୟରେ ଇଂଲଣ୍ଡ ଗସ୍ତ କରିଥିଲେ । ଇଂଲଣ୍ଡ ଉଭୟ ପାକିସ୍ତାନ ଓ ବେଷ୍ଟ ଇଣ୍ଡିଜକୁ ବହୁତ କିଛି ଫେରାଇବାର ଅଛି । ଅତି କମରେ ଇଂଲଣ୍ଡ କ୍ରିକେଟ ବୋର୍ଡ ଏହି ଗସ୍ତକୁ ରଦ୍ଦ କରି ପାରିବ ନାହିଁ । କ୍ରିକେଟ ରଦ୍ଦ ହେଲେ କେହି ବିଜୟୀ ହେବେ ନାହିଁ ।
ଆତଙ୍କବାଦର ମୂଳ ଉତ୍ସ ହେଉଛି ପାକିସ୍ତାନ, ଏହି କଥାକୁ ଜାଫର ଜାଣି ପାରୁ ନାହାନ୍ତି ବା ନଜାଣିଲା ଭଳି ବ୍ୟବହାର କରୁଛନ୍ତି । ପାକିସ୍ତାନରେ ଖେଳିବା ଅର୍ଥ ହେଲା ଯେ ନିଜ ଖେଳାଳୀଙ୍କ ସୁରକ୍ଷାକୁ ବିପନ୍ନ କରିବା । ଏ ସବୁ ସତ୍ୱେ ପ୍ରଥମ ଅଣ ପାକିସ୍ତାନୀ ଖେଳାଳୀ ଭାବେ ପାକିସ୍ତାନର ସମର୍ଥନ କରିଛନ୍ତି ଜାଫର ।
ଅବଶ୍ୟ ବାସିମ ଜାଫରଙ୍କ ପାଇଁ ଏହା କିଛି ନୂଆ ନୁହେଁ । ଉତରାଖଣ୍ଡର କୋଚ ଥିବା ବେଳେ ସେ ମୁସଲମାନ ଖେଳାଳୀଙ୍କୁ ଆଗକୁ ବଢାଇବା, କୋଚିଂ ସ୍ଥାନକୁ ମୌଲବୀଙ୍କୁ ଡକାଇବା ଓ ଉତରାଖଣ୍ଡ ଟିମର ସ୍ଲୋଗାନକୁ ବଦଳାଇଥିବା ଆଦି ଅଭିଯୋଗ ଥିଲା । ପରେ ତାଙ୍କୁ ଏଥି ପାଇଁ ଉତରାଖଣ୍ଡ କୋଚ ପଦରୁ ଇସ୍ତଫା ଦେବାକୁ ପଡିଥିଲା । ଓଡିଶାର କୋଚ ଭାବେ ଘୋଷଣା ହେବା ପରେ ଓଡିଶାରେ ମଧ୍ୟ ଏହାର ପ୍ରବଳ ପ୍ରତିବାଦ ହୋଇଥିଲା ।
Wasim Jaffer who was accused of favouring Muslim cricketers and bringing maulvis to team camp bats in support of Pakistan, draws flak: Detailshttps://t.co/0yuomY523H
— OpIndia.com (@OpIndia_com)
September 21, 2021