ଝାଡଖଣ୍ଡରେ ତବରେଜ ଆନସାରୀ ମୃତ୍ୟୁର ବିରୋଧରେ ଗୁଜରାତର ସୁରତ ସହରରେ ହୋଇଥିବା ବିରୋଧ ପ୍ରଦର୍ଶନ ସମୟରେ ମୁସଲମାନ ଭୀଡ ଦ୍ୱାରା ପୋଲିସ ଉପରେ ଆକ୍ରମଣ ମାମଲାରେ ବର୍ତନମାନ ସୁଦ୍ଧା 49 ଜଣଙ୍କୁ ଗିରଫ କରାଯାଇଛି । ଏହି ମାମଲାରେ ସୁରତ ମ୍ୟୁନିସିପାଲ କର୍ପୋରେସନର କାଉନସିଲର ଅସଲମ ସାଇକେଲୱାଲା ନାମରେ ମଧ୍ୟ ମାମଲା ରୁଜୁ କରାଯାଇଛି ।
ପ୍ରତ୍ୟକ୍ଷଦର୍ଶୀଙ୍କ କହିବା ଅନୁସାରେ ଗତ ପାଂଚ ତାରିଖ (ଶୁକ୍ରବାର) ଦିନ ଜୁମ୍ମା ଦିନ ତବରେଜର ମୃତ୍ୟୁ ପରେ ମୁସଲମାନ ମାନଙ୍କର ଏକ ରାଲୀ ବାହାରିଥିଲା । ରାଲୀ ପାଇଁ ଆବଶ୍ୟକୀୟ ପ୍ରଶାସନିକ ଅନୁମତି ନ ଥିବା କାରଣରୁ ବିବେକାନନ୍ଦ ଛକ ନିକଟରେ ପୋଲିସ ଏହି ରାଲୀକୁ ଅଟକାଇଥିଲା । ଏହା ପରେ ମୁସଲମାନ ଭିଡ ଉଗ୍ର ହୋଇଯାଇଥିଲା ଓ ପୋଲିସ ଉପରେ ପଥର ଫିଙ୍ଗା ଓ ହିଂସା ଆରମ୍ଭ କରି ଦେଉଥିଲା । ଏଥିରେ 4-5 ଜଣ ପୋଲିସକର୍ମୀ ଆହତ ହେବା ସହ ପୋଲିସ ବାହନ ଭାଙ୍ଗିଥିଲା ।
ସାମାଜିକ ଗଣମାଧ୍ୟମରେ ପୋଷ୍ଟ କରାଯାଇଥିବା ଭିଡିଓରେ ଦର୍ଶାଯାଇଛି ଯେ ଭର୍ସାଟାଇଲ ମାଇନରିଟି ଫୋରମର ବ୍ୟାନର ଲୋକ ମାନେ ଧରିଥିଲେ । ଏହାର ଅଧ୍ୟକ୍ଷ ହେଉଛନ୍ତି ଆଡଭୋକେଟ ବାବୁ ପଠାନ । ବାବୁ ପଠାନର ଟ୍ୱିଟର ପ୍ରଫାଇଲ ଅନୁସାରେ ବାବୁ ପଠାନ ହେଉଠଛନ୍ତି ଇସ୍ତିଆକ ପଠାନ ଓ ସେ ସୁରତ ସହର କଂଗ୍ରେସ କମିଟିର ଉପ ସଭାପତି ।