ଚୀନର ରାଷ୍ଟ୍ରପତି ଜିନପିଙ୍ଗ (XI Jinping) ବର୍ତମାନ ଗଣମାଧ୍ୟମର ଶିରୋନାମାରେ ଅଛନ୍ତି । ଚଳିତ ତାଙ୍କ ସମ୍ପର୍କରେ ଚର୍ଚା ତାଇବାନ (Taiwan) ବା ହଙ୍ଗକଙ୍ଗକୁ ନେଇ ହେଉ ନାହିଁ । ଦକ୍ଷିଣ ଚୀନ ସାଗର ବା ପ୍ରଶାନ୍ତ ମହାସାଗରରେ (South China Sea / Pacific Ocean) ଚୀନର ସକ୍ରିୟତାକୁ ନେଇ ମଧ୍ୟ ହେଉ ନାହିଁ ।
ଚଳିତ ଥର ତାଙ୍କ ସମ୍ପର୍କରେ ଆଲୋଚନା ତାଙ୍କର ସ୍ୱାସ୍ଥ୍ୟକୁ ନେଇ ହେଉଛି । ତାଙ୍କର ସ୍ୱାସ୍ଥ୍ୟାବସ୍ଥାକୁ ନେଇ ବିଭିନ୍ନ ପ୍ରକାର ଜୋରଦାର ଚର୍ଚା ସୋସିଆଲ ମିଡିଆରେ ହେଉଛି । କେବଳ ସୋସିଆଲ ମିଡିଆରେ ନୁହେଁ ଆନ୍ତର୍ଜାତିକ ମିଡିଆରେ ମଧ୍ୟ ଏହାକୁ ନେଇ ଚର୍ଚା ହେଉଛି ।
ଏହି ଚର୍ଚା ଅନାୟାସ ହେଉ ନାହିଁ । ଏହା ପଛରେ ଏକ ବଡ କାରଣ ହେଲା ଯେ ଜିନ ପିଙ୍ଗ ଗତ ୬୦୦ ଦିନ ମଧ୍ୟରେ ସେ କୌଣସି ବିଦେଶ ଯାତ୍ରା କରି ନାହାନ୍ତି । ସବୁବେଳେ ଆନ୍ତର୍ଜାତିକ ପରିଦୃଶ୍ୟରେ ସକ୍ରିୟ ଥିବା ଜିନ ପିଙ୍ଗ ଗତ ୬୦୦ ଦିନ ମଧ୍ୟରେ କୌଣସି ବିଦେଶ ଗସ୍ତରେ ନ ଯିବା ଏହି ଆଲୋଚନାକୁ ଖୋରାକ ଯୋଗାଇଛି ।
ଶେଷ ଥର ପାଇଁ ସେ ୨୦୨୦ ମସିହା ଜାନୁଆରୀ ୧୮ ତାରିଖ ଦିନ ମ୍ୟାଁମାର ଗସ୍ତରେ ଯାଇଥିଲୋ ତାଙ୍କର ସ୍ୱାସ୍ଥ୍ୟ ଠିକ ନ ଥିବା କାରଣରୁ ସେ ବିଦେଶ ଗସ୍ତରେ ଯାଉ ନ ଥିବା ନେଇ ମଧ୍ୟ ଅନେକ ରିପୋର୍ଟରେ କୁହା ଯାଉଛି ।
ଏ ସମ୍ପର୍କରେ ବିଶେଷଜ୍ଞ ମାନଙ୍କର କହିବା କଥା ଯେ ଚୀନରେ କମ୍ୟୁନିଷ୍ଟ ଶାସନ ରହିଛି । ସେଠାରେ ଲୋକ ମାନଙ୍କ ଦ୍ୱାରା ନିର୍ବାଚିତ ହୋଇଥିବା ଗଣତାନ୍ତ୍ରିକ ସରକାର ନାହିଁ ।
କମ୍ୟୁନିଷ୍ଟ ଶାସନରେ (Communisty Rules) ରାଷ୍ଟ୍ରପତି (China President) ସାଧାରଣ ଜନତା ପ୍ରତି ଉତରଦାୟୀ ହୋଇ ନଥାନ୍ତି । କମ୍ୟୁନିଷ୍ଟ ଶାସନରେ କେହି ବିରୋଧୀ ଦଳ ମଧ୍ୟ ନ ଥାନ୍ତି । ତେଣୁ ସେଠାରେ କେହି ତାଙ୍କୁ ପ୍ରଶ୍ନ ପଚାରିବାର ମଧ୍ୟ ସମ୍ଭାବନା ନ ଥାଏ ।
ଏହାର ଓଲଟା ଗଣତାନ୍ତ୍ରିକ ଶାସନ ବ୍ୟବସ୍ଥା ବିଶିଷ୍ଟ ଦେଶ ମାନଙ୍କରେ ଦେଶର ମୁଖ୍ୟ ସିଧା ସିଧା ସାଧାରଣ ଲୋକଙ୍କ ପ୍ରତି ଉତରଦାୟୀ ରହିଥାଏା କେବଳ ସେତିକି ନୁହେଁ ବିରୋଧୀ ଦଳ ମଧ୍ୟ ତାଙ୍କୁ ପ୍ରଶ୍ନ କରିଥାନ୍ତି । ସେ ସଂସଦ ପ୍ରତି ମଧ୍ୟ ଉତରଦାୟୀ ରହିଥାନ୍ତି ।
ତେଣୁ ଜିନପିଙ୍ଗ ୬୦୦ ଦିନ ଧରି କୌଣସି ବିଦେଶ ଗସ୍ତରେ ନ ଗଲେ ମଧ୍ୟ ଚୀନରେ ତାଙ୍କୁ କେହି ପ୍ରଶ୍ନ କରି ପାରିବେ ନାହିଁ । ତେଣୁ ମିଡିଆ ରିପୋର୍ଟରେ କିଛି ବି ହୋଇପାରେ । ମିଡିଆ ରିପୋର୍ଟ ସତ ହୋଇ ପାରେ, ସତ ନ ହୋଇ ପାରୋ କାରଣ କମ୍ୟୁନିଷ୍ଟ ବ୍ୟବସ୍ଥାରେ ଏପରି ସ୍ଥିତିକୁ ଅସହଜ ସ୍ଥିତି ବୋଲି ଧରା ଯାଇ ପାରିବ ନାହିଁ ।
ଆନ୍ତର୍ଜାତିକ ମିଡିଆ ରିପୋର୍ଟ ମାନଙ୍କରେ କୁହା ଯାଇଛି ଯେ ବର୍ତମାନ ପରିଦୃଶ୍ୟରେ ଏପରି ସଂକେତ ମିଳିଛି ଯେ ଜିନପିଙ୍ଗ କୌଣସି ବିଦେଶୀ ନେତା ସହ ପ୍ରତ୍ୟକ୍ଷ ଭେଟ କରୁ ନାହାନ୍ତି ।
ତେବେ ଚୀନର ରାଷ୍ଟ୍ରପତି ଟେଲିଫୋନ ଯୋଗେ କଥାବାର୍ତା ଉପରେ ଜୋର ଦେଉଛନ୍ତି । ସ୍ୱାସ୍ଥ୍ୟଗତ କାରଣରୁ ସେ ଟେଲିଫୋନରେ ବିଭିନ୍ନ ରାଷ୍ଟ୍ରାଧ୍ୟକ୍ଷଙ୍କ ସହ କଥାବାର୍ତା ଉପରେ ଜୋର ଦେଉଥିବା ରିପୋର୍ଟ ମାନଙ୍କରେ କୁହା ଯାଇଛି ।
ସେହିପରି ସେ ଭର୍ଚୁଆଲ ବୈଠକ ମାନଙ୍କରେ ସାମିଲ ହେଉଥିବା ଦେଖିବାକୁ ମିଳିଛି । ଚଳିତ ବର୍ଷ ଜିନପିଙ୍ଗ ୧୨ରୁ ଅଧିକ ଆନ୍ତର୍ଜାତିକ ବୈଠକରେ ଭର୍ଚୁଆଲ ବୈଠକରେ ସାମିଲ ହେଉଛନ୍ତି ।
ତେବେ ଏହି ସମୟ ମଧ୍ୟରେ ଚୀନର ରାଷ୍ଟ୍ରପତି ଅନ୍ୟ ଦୁଇ ଦେଶର ବଡ କୂଟନୈତିକ ନେତାଙ୍କ ସହ ପୂର୍ବ ନିର୍ଧାରିତ ବୈଠକକୁ ବିନା କୌଣସି କାରଣରେ ରଦ୍ଦ କରି ଦେଇଥିଲେ ।
୨୦୧୯ ମସିହା ମାର୍ଚ ମାସରେ ଇଟାଲୀ ଓ ଫ୍ରାନ୍ସ ଗସ୍ତ କାଳରେ ଗାର୍ଡ ଅଫ ଅନର ପ୍ରଦାନ ସମୟରେ ଚୀନର ରାଷ୍ଟ୍ରପତି ଜିନପିଙ୍ଗଙ୍କ ଗୋଡ ଥରିବା ଦେଖା ଯାଇଥିଲା । ସେହିପରି ସେତେବେଳେ ଫ୍ରାନ୍ସର ରାଷ୍ଟ୍ରପତି ମେକ୍ରୋଁଙ୍କ ସହ ଆଲୋଚନା ବେଳେ ବସିବା ସମୟରେ ଚେୟାରକୁ ଧରି ବସିଥିବା ଦେଖିବାକୁ ମିଳିଥିଲା ।