୨୦୨୦ରେ ତେଲେଙ୍ଗାନାର ଭାଇସ୍ନାରେ ହୋଇଥିବା ଦଙ୍ଗାରେ ଅନେକ ହିନ୍ଦୁ ପରିବାରଙ୍କର ଘର ପୋଡି ଦିଆଯାଇଥିଲା । ଯୋଜନାବଦ୍ଧ ଭାବରେ ଦଙ୍ଗାକାରୀ ମାନେ ଆସି ବାଛି ବାଛି କେବଳ ହିନ୍ଦୁ ମାନଙ୍କର ଥିବା ମାଟି ଘରକୁ ପୋଡି ଦେଇଥିଲେ । ସେବେଠାରୁ ସେହି ପରିବାରମାନେ ପଲିଥିନ୍ ବାନ୍ଧି ରହୁଥିଲେ । ନା ତେଲେଙ୍ଗାନା ସରକାର ନା ଆଉ କିଏ ସେମାନଙ୍କର ଦୁଃଖ ଶୁଣୁଥିଲେ । ରାଷ୍ଟ୍ରୀୟ ସ୍ୱଂୟ ସେବକ ସଙ୍ଘର ସହବନ୍ଧିତ ଅନୁଷ୍ଠାନ ସେବା ଭାରତି ଓ କେଶବ ସେବା ଭାରତିର ମିଳିତ ପ୍ରଚେଷ୍ଟାରେ ସେମାନଙ୍କ ପାଇଁ ୧୦ଟି ନୁଆ ଘର କରାଯାଇ ସର୍ବାଧୀକ କ୍ଷତିଗ୍ରସ୍ତ ହୋଇଥିବା ୧୦ଟି ପରିବାରଙ୍କୁ ଦିଆଯାଇଛି ।
ଅଖିଳ ଭାରତୀୟ ସେବା ପ୍ରମୁଖ ଶ୍ରୀ ପରାଗ ଅଭଙ୍କ ଉପସ୍ଥିତିରେ ସେହି ପରିବାରମାନଙ୍କୁ ସେମାନଙ୍କର ଘର ହସ୍ତାନ୍ତର କରାଯାଇଛି । ହିନ୍ଦୁ ସମାଜର ରକ୍ଷା ପାଇଁ ଓ ହିନ୍ଦୁ ସମାଜର ଅସୁବିଧା ସମୟରେ ହିନ୍ଦୁମାନଙ୍କୁ ହିଁ ଆଗକୁ ଆସିବାକୁ ପଡିବ ବୋଲି ଶ୍ରୀ ପରାଗ କହିଛନ୍ତି । ଏହି ସମୟରେ ଆଦିଲାବାଦର ସାଂସଦ ବାବୁ ରାଓ ମଧ୍ୟ ଉପସ୍ଥିତ ଥିଲେ । ସେ ହିନ୍ଦୁମାନଙ୍କ ଉପରେ ହୋଇଥିବା ଆକ୍ରମଣର ଦୃଢ ନିନ୍ଦା କରିଥିଲେ ।